THRÜNTAN 22:11 - AMÜSÜH HÜM CL Bible (BSI)

¹¹ Tüshe Atungpuh yunirünü yinmi chingnü api ji tüsho tha, “Abraham, Abraham!” Tüsho apinü alo, “I ha ching lah.”

THRÜNTAN 22:11 Iomraidhean Croise

THRÜNTAN 16:7

Atungpuh yunirünü Hagar ju sunglo ching Shur limro kenü ki ngü.

THRÜNTAN 21:17

Tüsho Thrünpuhnü azübuh tripkhi so. Judüki Thrünpuh yunirünü yinmi chingnü ji tüsho tha, “Hagar, nü tümü thsüa la? Dütre, tümüde azübuh kükheak lanü Thrünpuhnü api düsheak sodo.

THRÜNTAN 21:18

Asürübah azübuh shuhmusuang tüsho nü khahnü shuhang, tümüde inü api trükshih ato khülang kamshihbah.”

THRÜNTAN 22:1

Kim anükhüh dunglim Thrünpuhnü Abraham ki rükakide tha, “Abraham!” Apinü alo, “I ha ching lah.”

THRÜNTAN 22:10

Abrahamnü api laksahpü nuk lubah akhah shuhkih.

THRÜNTAN 22:12

Tüsho apinü tha, “Azübuh kheak nü khah düchung, yungsho api ki tümü düthsü; tümüde kheakü nünü Thrünpuh trelah de inü mükheahlah, tümütüsho nünü nü tsührü khülang lang alakhi I ki müsühmüh.”

THRÜNTAN 22:16

tüsho tha: “Inü ha thiyuchihchimdo, Atungpuhnü thachoh, tümütüsho nünü nü tsührü khülang lang alakhi tukloa muzode rhimodo,

THRÜNTAN 24:7

Atungpuh yinmi Thrünpuh, shepünü I keoniorü lomi tüsho I buh yamkhün chingnü I bea lukhea, tüsho I ki thiyuchihchimde tha, ‘Nü tsühsoniusobo kilim inü ha lomi jihbah,’ apinü nü müngüh api yunirü thiyibah tüsho nünü ju chingnü I tsührü niube lujihbah.

THRÜNTAN 31:11

Judüki Thrünpuh yunirünü milim ching I ki tha, ‘Jakob.’ Tüsho inü alo, ‘I ha ching lah.’

THRÜNTAN 37:13

Tüsho Israelnü Josep ki tha, “Nü khiung pürübo Shekem ching namfimihnubo kümchoh yung de? Arang, inü nü arü kilim yüshihanü.” Jumonü api ki alo, “I ha kheak lah.”

THRÜNTAN 46:2

Judüki Thrünpuhnü azhing michih ching Israel ki tha, “Jakob, Jakob!” Tüsho apinü alo, “I ha ching lah.”

THRÜNTAN 48:16

Yunirü shepünü amütsü alala chingnü I rhokhitkhea, azürübo müngühjang; tüsho arü kheak I mung tüsho I buh pürü Abraham tüsho Isak mung lashang; tüsho arübo alomi ching mihhihde kamshang.”

ABEKHIT 3:2

Tüsho sangrung phulung motru khülang ching Atungpuh yunirü api ki akhiuk. Sangrung kheak mo trude lalashe sangrung ju mütak.

ABEKHIT 3:4

Mosa thüninde arükhi küyimki Atungpuhnü angükhea, sangrung phulung chingnü Atungpuhnü Mosa jide tha, “ Mosa! Mosa!” Apinü alo, “I ha kheak lah.”

ISAIA 6:8

Judüki Atungpuhnü athakhi düsheak inü so, “ Inü shepü yüshihba, tüsho isa thsungkheak shepü yüba?” Tüsho inü tha, “ I ha ching lah; I yüshang!”

YUNIRÜBO RHIMO 26:14

Tüsho küyimki isa alala alo kheak keamkhea, Ibri yutha chingnü I ki thakhi düsheak inü so, ‘Saul, Saul, tümüde nünü I thsümüchicho le? Tso-mulobo kheak mükhepü ju nü yuribah.’

YUNIRÜBO RHIMO 9:4

Judüki api alo kheak keam, tüsho api ki thakhi düsheak so, “Saul, Saul, tümüde nünü I thsümüchicho?”

MAHKHAPRÜ 2:1

Judüki Atungpuh yunirü Gilgal chingnü Bokim ching atu tüsho tha, “Inü nüsa Ijip chingnü bekhit tüsho inü nüsa jipürü ki alokhikhi lomi ching bedarü; tüsho inü tha, ‘Inü küyimkishe nüsa ki tangzüngkhi müthsümünim.

1 SAMUEL 3:10

Kheakü Atungpuh ju ching arü zhipbah, akhuhlim nangde ji, “Samuel! Samuel!” Tüsho Samuelnü alo, “ Asukang, tümüde nü yamlarünü anichoh.”

1 SAMUEL 3:4

Judüki Atungpuhnü ji, “Samuel! Samuel!” tüsho apinü alo, “I ha ching lah!”