THRÜNTAN 21:33 - AMÜSÜH HÜM CL Bible (BSI)

³³ Abrahamnü Beersheba ching tamarisk sang khülang khim tüsho ju ching apinü akheam müla Thrünpuh, Atungpuh mung ji.

THRÜNTAN 21:33 Iomraidhean Croise

THRÜNTAN 12:8

Ju chingnü api aniyüzahlim Bethel tüsho aniakhiuklim Ai lakhi aniakhiuklim Bethel wungbo lim yü. Ju ching apinü Atungpuh kilim kingaün sadam khülang thsü tüsho Atungpuh mung ji.

THRÜNTAN 21:32

Hanangde anenü Beersheba ching thiyuchihchim thsü dunglim Abimelek tüsho api bonungrü limthobuh Phikol ane Filistia lomi lim alode yü.

THRÜNTAN 26:23

Judüki apinü ju chingnü Beersheba lim wutu.

THRÜNTAN 26:25

Jumonü apinü ju ching kingaün sadam khülang thsü tüsho Atungpuh mung ji, tüsho apinü ju ching anihbuh khimyam thsü; tüsho Isak yamlarübonü ju ching kekhip khülang kiu.

THRÜNTAN 26:33

Jumonü apinü ju ki Sheba de ji. Jumonü khihni khiungde kiuto ju Beersheba de jichoh.

THRÜNTAN 4:26

Seth tsührü kheaküshe alakheah, tüsho amung Enosh de ji. Judüki mihtsürübonü Thrünpuh mung jipü tankih.

MUNGSHIKHÜN 90:2

Müzüngbo müthrünkhityide, yungsho nünü alomi tüsho alomiküp mükamshihyide, akheam mülanü akheam müla khiungde, nü Thrünpuh ah.

MUNGSHIKHÜN 93:2

Nü kiulongthsü-binkiu adüsonü thsüa lah; nü a akheam mülade lah.

ABEKHIT 15:18

Atungpuhnü lünnü lün kiulongthsübah.”

ISAIA 40:28

Nünü mümükheah de? Nünü muso de? Atungpuh ju akheam mülakhi Thrünpuh, alomi akheambo Thrünrü. Api sühmükeakea yungsho mükeak; api anikhitkhi mümüyimkhukbe lah.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

JEREMIA 10:10

Tüshe Atungpuh ju thiyuro Thrünpuh; api arhang Thrünpuh akheam mülakhi kiulongthsüpuh. Api bukakhiukkhinü alomi ajanchoh, tüsho trükshihbonü api bukakhiukkhi marümkhuk.

AMOS 8:14

Sherünü Samaria, Dan tüsho Beersheba sangthsübo kingaünbanü arübo alungbah, tüsho küyimkishe masürülo.

HABAKKUK 1:12

Nü adüsonü lah yung de, O Atungpuh I Thrünpuh, I yo Amüsüh Khülang? Nü müshe. O Atungpuh , mahkhapshihpü nünü arü mokhit; tüsho O Lung, nünü thsünüshihpü arü lashih.

ROMRÜ KILIM PAULNÜ ATHRÜTKHI KIHÜM HUHTANYU 1:20

Thrünpuhnü alomiküp thrünchokinü, amüngübebo, api akheam müla wu tüsho Thrünpuh yakli chido thrüna lakhibo chingnü mütsande ngü. Jumonü mihtsürübonü amudopü müla;

ROMRÜ KILIM PAULNÜ ATHRÜTKHI KIHÜM HUHTANYU 16:26

Judüalalashe kheakü, wukihrübonü athrütkhi hode thiyuro ju amikheak akhiukshih; tüsho akheam müla Thrünpuh yukhüm hode trükshih alala ki ju mükheahshih, junangde alalanü akinbah tüsho mihyuanibah.

YUZÜNGTHALO 16:21

“Nünü Atungpuh nü Thrünpuh kingaün sadam thsükhi ki sangthsü tümü dükhim.

YUZÜNGTHALO 32:40

Tümüde inü I khah thüning lim shuhkihbah thiyuchihchim: I lünnü lah,

YUZÜNGTHALO 33:27

Akheam mülakhi Thrünpuh ju nü lapung lah, tüsho abukkhüp lakhi ju akheam mülakhi khahbo ah. Tüsho apinü thiriri nüsa müngühnü yana tsoshihchoh, tüsho tha, ‘Dükheang.’

1 TIMOTHI 1:17

Amüshebuh, amüngübuh, lünbo Kiulongthsürü, Thrünpuh lang lünnü lün wüntre lashang tüsho müretahkhi thsang. Amen.

IBRI 13:8

Jisu Khrista ju yini, khihni tüsho lünnü rukhüh ah.

MAHKHAPRÜ 3:7

Jumonü Israelrünü Atungpuh arü Thrünpuh mihabahbah, A TUN GPU H miki amütsü rhimo, tüsho Baal le Ashera sangthsü kingaün.