THRÜNTAN 21:17 - AMÜSÜH HÜM CL Bible (BSI)

¹⁷ Tüsho Thrünpuhnü azübuh tripkhi so. Judüki Thrünpuh yunirünü yinmi chingnü ji tüsho tha, “Hagar, nü tümü thsüa la? Dütre, tümüde azübuh kükheak lanü Thrünpuhnü api düsheak sodo.

THRÜNTAN 21:17 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

THRÜNTAN 16:11

Kheahang, nü khungarü lah. Nünü athrürü khülang zübebah. Nünü api mung Ishmael de ajibah, tümütüsho Atungpuhnü nü thsünükhi sojihdo.

THRÜNTAN 16:7

Atungpuh yunirünü Hagar ju sunglo ching Shur limro kenü ki ngü.

THRÜNTAN 16:8

Tüsho Apinü tha, “Sarai yamlabe Hagar, nü küchingnü arükhea, tüsho nü külim yücho?” Alibenü alo, “I putungbe Sarai kinü I tsochoh.”

THRÜNTAN 16:9

Judüki Atungpuh yunirünü alibe ki tha, “Nü putungbe kilim alode yüang tüsho anihbe bukkhüp laang.”

THRÜNTAN 22:11

Tüshe Atungpuh yunirünü yinmi chingnü api ji tüsho tha, “Abraham, Abraham!” Tüsho apinü alo, “I ha ching lah.”

THRÜNTAN 24:7

Atungpuh yinmi Thrünpuh, shepünü I keoniorü lomi tüsho I buh yamkhün chingnü I bea lukhea, tüsho I ki thiyuchihchimde tha, ‘Nü tsühsoniusobo kilim inü ha lomi jihbah,’ apinü nü müngüh api yunirü thiyibah tüsho nünü ju chingnü I tsührü niube lujihbah.

THRÜNTAN 26:24

Ju tsüngre Atungpuh api ki akhiuk tüsho tha, “I nü buh Abraham Thrünpuh ah; dütre, tümüde I nü lung lah. Inü I yamlarü Abraham thsülimnü nü müngühjihbah tüsho nü tsühsoniusobo bushihbah.”

THRÜNTAN 46:3

Tüsho apinü tha, “I a Thrünpuh, nü buh Thrünpuh ah; Ijip lim yükipü dütre, tümüde inü nü ju ching trükshih ato khülang kamshihbah.

2 KIULONG THSÜRÜ 13:23

Tüshe Atungpuhnü arü ki müthsüm tüsho muzho; Abraham, Isak tüsho Jakob thsülimnü apinü arü kilim rholo, tüsho arü müdükheakshih; yungsho api mikinü khihni khiungde arü yana mübah.

2 KIULONG THSÜRÜ 13:4

Tüshe Jehoahaznü Atungpuh ki mushu, tüsho Atungpuhnü api ki anijih; tümüde Siria kiulongthsüpuhnü Israel junokhi apinü ngü.

MUNGSHIKHÜN 10:14

Tüshe nünü ju ngüdo, tümüde nünü nü khahnü ajihlopü küpkhuk tüsho mulong rozhak kheahyukchoh. Müthsümülarünü anihbuh nü kilim shuhmülanga jihchoh; nü a mürerü rungrü ah.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 6:8

Nüsa amütsü-rhimorü alala I kheaknü chamachihang; tümüde I tripkhi düsheak Atungpuhnü sodo.

MUNGSHIKHÜN 65:2

O nü shepünü tamkhüntamnü socho, nü kilim mihtsürü alala arübah.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

ABEKHIT 14:13

Tüsho Mosanü mihtsürübo ki tha, “Dütre. Düngde zhipang, tüsho Atungpuhnü nüsa khümkhitpü khihni rhimopü lakhi kheahang. Tümüde nüsanü khihni ngükhi Ijiprübo lünnü müngülo.

ABEKHIT 22:23

Nüsanü arü kheahmüchihsho, tüsho arünü I ki zhisho, tsükjide inü arü zhikhi sobah;

ABEKHIT 22:27

Tümüde ju lang api lamlambe khimmih ah. Api tümü ching yappü? Tüsho küyimki apinü I ki zhibanü, inü asobah, tümüde I a mihmuzhorü ah.

ABEKHIT 3:2

Tüsho sangrung phulung motru khülang ching Atungpuh yunirü api ki akhiuk. Sangrung kheak mo trude lalashe sangrung ju mütak.

ABEKHIT 3:7

Tüsho Atungpuhnü tha, “Inü atsütsü I mihtsürübo Ijip lomi ching dukmüsüpkhi ngüdo; arü azhorü kuhi chingnü khümkhitpü zhikhi inü sodo; arü thsünü alala inü mükheahlah.

ISAIA 22:1

Jindükhün michih dünkheak müchityu. Nüsa alala, thüyam kumung wutukhi ha tümü a,

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

MATHI 15:32

Jisunü ajingyanrübo api kilim jibah tha, “Inü harü mihtsürübo kheah-a muzholah; arübo I lung nimung mahsam mungdo tüsho arü atsühpü tümü müla. Inü arü khümde muwulungshihne, jude yungsho arü limro ching angakbah.”

MARK 5:36

Jisunü thiyu soakede sinagog yakzanshuhbuh ki tha, “Dütre; akin lang laang.”

YUZÜNGTHALO 26:7

Judüki isanü Atungpuh isa jipürü Thrünpuh ki zhide tha, tüsho Atungpuhnü isa düsheak so, tüsho isa thsümüchikhi, isa khisahkhi, tüsho isa junokhi ngü;

MAHKHAPRÜ 18:23

Arü dunglim arünü azhichoki, Danrünü rholobah Mika ki tha, “Nü tümü thsüa nü mihtsürübo keochihpü jimukhunga la?”

1 SAMUEL 11:5

Kheakü Saul thulu chingnü moshipungbo dunglim alungde alakheah; tüsho Saulnü tha, “ Mihtsürübonü atripkhi ha tümü amütsan a?” Jumonü arünü Jabesh ching larü yusheak api ki thaa huh.