THRÜNTAN 21:15 - AMÜSÜH HÜM CL Bible (BSI)

¹⁵ Küyimki shihküp-keluh ching yo ke bankhea, alibenü azübuh ju sangrung khülang khüp zojih.

THRÜNTAN 21:15 Iomraidhean Croise

THRÜNTAN 21:14

Jumonü Abrahamnü yapsu mükikde asürü, tüsho yikhap le shihküp-keluh lubah Hagar dubuh kheak yihkihjih tüsho azübuh ju bebah thiyia tsoshih. Alibenü chamachih tüsho Beersheba sunglo ching rümde tsah.

THRÜNTAN 21:16

Tüsho alibenü limthrip 100 bande yübah bin, tümüde anihbenü lüm, “Inü azübuh shekhi mükheahkhuk.” Alibe ju ching binchoki atrippü tankih.

1 KIULONG THSÜRÜ 17:12

Tüshe alibenü tha, “Atungpuh nü Thrünpuh lale, inü tümü she munung, alophüh ching jim müyikhüh, tüsho pung ching müdangke anükhüh lang ah; kheakü I sangjip momukhungchoh, junangde I thüyam lim yübah tüsho I le I tsührü thsungkheak mozümodobah, ike ju tsühbah, tüsho ashebah.”

2 KIULONG THSÜRÜ 3:9

Jumonü Israel kiulongthsüpuh, Juda kiulongthsüpuh, tüsho Edom kiulongthsüpuh tsahmusu; tüsho arübo nimung thüne tsah dunglim, bonungrü le arü lung bekhi shiwühbo thsungkheak ke musuhde kam.

MUNGSHIKHÜN 63:1

O Thrünpuh, nü I Thrünpuh ah; nahde inü nü yimbah; I menü nü thsungkheak kethürilah; ke mülapung akung lo tüsho asüksük lo ching I shihnü nü mürheangchoh.

ISAIA 44:12

Yingkingrünü ha thsüchoh tüsho mokhih kheaknü ha rhimochoh, yümlungnü yümarihchoh, tüsho api bin amürangnü hitchoh; api khümabahchoh tüsho asühmüh keakeade kamchoh, api kethürichoh tüsho keakabahchoh.

JEREMIA 14:3

Atorübonü arü yamlarübo ke thsungkheak yüshihchoh, arübo kekhip ching arüchoh, arünü ke müngü, arübo kesopung akeangkeang tsolochoh. Arübo achih ngüdo tüsho mulong thsümünimdo tüsho arü ku muhiuchoh,