THRÜNTAN 20:7 - AMÜSÜH HÜM CL Bible (BSI)

⁷ Kheakü jumonü mihtsürü niube jihloang; tümüde api wukihrü ah, tüsho apinü nü thsungkheak tamkhüntamnüjihbah tüsho nü alabah. Tüshe nünü anihbe müjihlosho, tsükjide nü le nü mihtsürü alala shebah de mükheahang.”

THRÜNTAN 20:7 Iomraidhean Croise

THRÜNTAN 12:15

Pharao torübonü she alibe ngü tüsho anihbe jaktsükhi kiulongthsüpuh ki tha. Tüsho alibe ju Pharao yam ching bede yü.

THRÜNTAN 12:17

Tüshe Abram niube Sarai dünkheaknü Atungpuhnü Pharao tüsho api yamkhün arüm atonü thsümüchi.

THRÜNTAN 2:17

tüshe atsü le amütsü mükheahbe sangdung kheaknü nünü mütsühbeah; tümüde küpü nimung nünü ju tsühbanü dükde nü ashebah.”

THRÜNTAN 20:18

tümüde Atungpuhnü Abraham niube Sara dünkheaknü Abimelek yamkhün ching nuyam aban yihdojih-a lakheah.

THRÜNTAN 20:3

Tüshe azhing milim ching Thrünpuh Abimelek kilim arü, tüsho tha, “Nü ashebah, tümütüsho nünü ha liberü ludo; anihbe arhangkhi liberü ah.”

THRÜNTAN 20:8

Jumonü Abimeleknü yapsu mükikde asürübah api yamlarübo alala ji tüsho arünü sode harü alala tha; tüsho mihtsürübo khide tre.

THRÜNTAN 23:6

“Isa ki aniang, atungrü: nü isa bolung sühmüh lakhi limberü khülang ah; isa mibahpung amokhitkhi ching nü yo ashemi kiuyuka bahang. Nü yo ashemi kiuyuka bahpü thsüde isa shepü shepünü she nü kilim mibahpung asühde ajihbah.”

2 SAMUEL 24:17

Küyimki Davidnü mihtsürü thsümünimde alakhi yunirü ju angükhea, apinü Atungpuh ki tha, “I langzünü neak yihbeakdo, tüsho I langzünü mihbukmuyuk rhimodo; tüshe harü namfimihnubonü tümü rhimoa la? Inü tamkhüntamnüchoh, nü khahnü I tüsho I buh yamkhün kheak azhihang.”

1 KIULONG THSÜRÜ 13:6

Kiulongthsüpuhnü Thrünpuh mihtsürü ki tha, “ Kheakü Atungpuh nü Thrünpuh ki mihmuzho mushuang, tüsho I thsungkheak tamkhüntamnüjang, junangde I khah I kilim alodarübah.” Jumonü Thrünpuh mihtsürünü Atungpuh ki mushu; tüsho kiulongthsüpuh khah api kilim alode arü, tüsho atan nangde kamlo.

2 KIULONG THSÜRÜ 5:11

Tüshe Naamannü abukakhiukde tsoabahde tha, “Tsükjide I thsungkheaknü api akhiukbah zhipbahle Atungpuh api Thrünpuh mung ching jide, tüsho api khahnü mü kheak muzhude apham thsüngubah de inü alümkheah!

1 KIUTHSÜYUKHEAN 16:22

tha, “Inü mujude-mokhitkhibo düqiu; I yo wukihrübonü athsümünimbe tümü müthsü.”

2 KIUTHSÜYUKHEAN 30:18

Tümüde mihtsürü boto, ahihkhüh Ephraim, Manase, Issakar tüsho Zebulun chingnü arübo mümüsühkhit, tütüshe arünü thrüta lakhi azhihlode phungho-thünio leangkhi. Tüshe Hezekianü arü thsungkheak tamkhüntamnüde tha, “Atsübuh Atungpuh alala neak bahjang:

JOB HU H T ANYU 34:19

Shepünü yakzanshuhrübo ki jakmükheahcho, zhochihrü kheaknü alü alarü ki wüntre müjihcho, tümüde arü alala api khah rhimo ah.

JOB HU H T ANYU 42:8

Kheakü jumonü moshi 7 tüsho namfimihnupung 7 luang, tüsho I yamlarü Job kilim yüang, tüsho nüsa thsungkheak taka kingaünkhi jihang; tüsho I yamlarü Jobnü nüsa thsungkheak tamkhüntamnüjihbah, tümüde nüsanü amülim rhimokhi yande mürhimopü thsüde inü api tamkhüntamnü leangkhibah; tümütüsho I yamlarü Jobnü arhimokhi nangde nüsanü I dünkheak alungki masuk.”

MUNGSHIKHÜN 25:14

Atungpuh aramyu ju api trerü kheak lah, tüsho apinü arü ki api tangzüng huhbah.

ABEKHIT 18:17

Jumonü Mosa akünü api ki tha, “Nünü arhimokhi ha atsü yung.

ABEKHIT 4:16

Api ju mihtsürübo ki nü thsung thsüde athajihrü thsübah; tüsho nü api thsungkheaknü Thrünpuh nangde alabah.

ABEKHIT 7:1

Jumonü Atungpuhnü Mosa ki tha, “Kheahang, inü nü Pharao ki Thrünpuh nangde kamshihdo; tüsho nü khiung Aron nü yo wukihrü thsübah.

JEREMIA 14:11

Atungpuhnü I ki tha: Harü mihtsürü arung thsungkheak dütamkhüntamnü.

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

JEREMIA 27:18

Atsütsü arü wukihrübo a sho, tüsho Atungpuh yu arü kheak lasho, arünü Wuto Atungpuh ki mushushang, junangde phühlungbo Atungpuh yam ching lakhi, Juda kiulongthsüpuh yam ching lakhi, tüsho Jirusalem ching lakhi Babilon ching müyü.

EZEKIEL 3:18

Küyimki inü mihbukmuyuk mihtsürü ki, Nü tsükjide ashebah de athaba, tüsho nünü api ki düh de müthasho yungsho anihbuh rhangdung khümkhitpü thsüde amütsü limrobo chingnü rholoshihpü masuksho, ju mihbukmuyuk mihtsürü ju anihbuh neak dün shebah, tüsho inü api thiyih nü khah chingnü akheangbah.

EZEKIEL 33:8

Inü mihbukmuyuk ki, “ O mihbukmuyukbo nüsa tsükjide ashebah” de thasho, tüsho mihbukmuyukbo arü limrobo chingnü rholopü nünü kurhangyu masuksho, mihbukmuyuk ju arü mülimkhi ching shebah, tüshe arü thiyih inü nü khah chingnü akheangbah.

LEVI 6:4

küyimki khürünü junangde neak yihbeakbah amülim kambanü, apinü ahüh-a lukhi ju ajihlobah, yungsho apinü junode alukhi, yungsho zomukhungkhi apinü alukhi, yungsho adükheakkhi kukruk apinü angükhi,

LEVI 6:7

Amükeambuhnü mihtsürü neak dünthsükhibah tüsho apinü alakmihkhi neak bahjihbah.

YUNIRÜBO RHIMO 8:24

Tüsho Simonnü alo, “Nünü athakhi tümü she I kheak marüpü I thsungkheak Atungpuh ki tamkhüntamnüjang.”

1 KORINT 14:4

Shepünü thiyutha thachonü nihbuh runglochoh, tüshe shepünü müchitchonü borü düküngshihchoh.

IBRI 1:1

Adüso kim tüsho limro ahihdo chingnü wukihrübo hode Thrünpuhnü isa jipürü ki asuk;

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

1 JOHAN 5:16

Khürünü nihbuh keoniorü ashepü müthsüde neak yihbeakde ngüsho, apinü tamkhüntamnüjang tüsho Thrünpuhnü api kilim rhangdung jihbah. Inü ha amüshebe neak ki thachoh. Ashepü thsüde neak khülang lah. Ju dünkheak apinü tamkhüntamnübeah de inü thachoh yung.

1 SAMUEL 12:19

Mihtsürü alalanü Samuel ki tha, “Nü yamlarübo thsungkheaknü Atungpuh nü Thrünpuh ki tamkhüntamnüjang, junangde isa müshe; tümüde isa thsungkheaknü kiulongthsürü khülang kheangkhi hode isa neakbo kheak yukajakde alü yihbeaklodo.”

1 SAMUEL 12:23

Kheaküshe nüsa thsungkheaknü tamkhüntamnüpü tuklokhi hode inü Atungpuh azhihde neak yihbeakpü I kheaknü limshuabahang; tüsho inü nüsa ki atsü tüsho alungki limro thsangyubah.

1 SAMUEL 7:5

Judüki Samuelnü tha, “Israel alala Mizpa ching bemukhungang, tüsho inü nüsa thsungkheak Atungpuh ki tamkhüntamnüjihbah.”

1 SAMUEL 7:8

Israel mihtsürübonü Samuel ki tha, “Isa thsungkheaknü Atungpuh isa Thrünpuh ki zhipü dütuklo, tüsho apinü isa Filistiarü khah chingnü akhümkhitshihpü tamkhüntamnüjang.”