THRÜNTAN 20:2 - AMÜSÜH HÜM CL Bible (BSI)

² Abrahamnü aniube Sara dünkheak tha, “Alibe I niurü ah.” Tüsho Gerar kiulongthsüpuh Abimeleknü thiyia yüshihbah Sara bea lu.

THRÜNTAN 20:2 Iomraidhean Croise

THRÜNTAN 12:15

Pharao torübonü she alibe ngü tüsho anihbe jaktsükhi kiulongthsüpuh ki tha. Tüsho alibe ju Pharao yam ching bede yü.

THRÜNTAN 20:12

Tüshe atsütsü anihbe I niurü ah. Alibe I buh tsührü ah, tüshe I be tsührü yung; tüsho anihbe I niube kamkheah.

THRÜNTAN 21:22

Ju kim ching Abimelek tüsho api bonungrü limthobuh Phikol anenü Abraham ki tha, “Nünü arhimokhi lüpdükhi ching Thrünpuh nü lung lah.

THRÜNTAN 26:1

Akhuhlim Abraham kim ching lakhi khümzung kheaknü püpü khümzung lomi ching lakheah. Tüsho Isaknü Gerar ching Filistia kiulongthsüpuh Abimelek kilim yü.

THRÜNTAN 26:16

Tüsho Abimeleknü Isak ki tha, “Isa kheaknü akhinde tsoang; isa kheaknü nü khide wulakhi kamdo.”

THRÜNTAN 26:7

Küyimki ju ching lakhi mihtsürübonü aniube dünkheak keokhikheanü, apinü alibe ju api niurü ah de tha. Apinü alibe ju aniube ah de athapü tre tümütüsho ju ching lakhi mihtsürübonü Rebeka dünkheaknü api laksahpü labah de lüm, tümüde alibe akheahpü atsü lakheah.

2 KIUTHSÜYUKHEAN 19:2

Hanani tsührü wukihbuh Jehunü api shorupü wukhiuk tüsho kiulongthsüpuh Jehoshaphat ki tha, “Nünü mihbukmuyuk rungba shi tüsho Atungpuh thraneanrü muzhoba shi? Ha dünkheaknü, nü azhihde bukakhiukkhi Atungpuh kheaknü wukhiukdo.

2 KIUTHSÜYUKHEAN 20:37

Judüki Meresharü Dodava tsührü Eliezernü Jehoshaphat azhihde müchitde tha, “Tümütüsho nünü Ahazia lung berungdo, nünü tümü rhimoa lanü Atungpuhnü thsümünimbah.” Judüki sangkungbo thsümünimabah tüsho Tarshish ching müyükhukde kam.

2 KIUTHSÜYUKHEAN 32:31

Kheaküshe, Babilonrü limburü, lomi ching amütsan rhimokhi dünkheak keokhikeorashihpü arünü athiyikhi she, api mulong ching lakhi alala apinü mükheahpü thsüde rükakiakheahpü Thrünpuhnü api kheaknü akhin.

MÜCHITMUDU 24:16

tümüde thiyurolungki mihtsürü thüne ki lungpü kuklah, tüsho asürülobah, tüshe mihbukmuyuk a thsümütsünü akeambah.

MÜCHITMUDU 29:25

Mihtsürü trekhinü müthrim handarüchoh, tüshe shepünü A TUN GPU H kheak kinchonü akhümkhitbah.

MÜCHITMUDU 6:29

Jumonü püpürü mihtsürü niuberü lung müyamkhi ju api yung de; anihbe qiurü sheshe müthsümüchidüa mutso.

T H S AN GYU T H S AN GR ARÜ 7:20

Tsükjide shahde neak müyihbeakde atsü rhimopü alomi kheak khide thiyuro larü müla.

EFISIA 4:25

Jumonü arükchih lakhi bahbah mihbüm abannü yamhingrü ki thiyuro thaang, tümüde isa rukhüh kheyukrü ah.

KOLOSI 3:9

Khülangnü khülang ki akeangyu dütha, tümütüsho nüsanü awün yakli rhimobo bahdo,