THRÜNTAN 20:16 - AMÜSÜH HÜM CL Bible (BSI)

¹⁶ Jushu Sara ki apinü tha, “Kheahang, nü lung lakhi alala miki nü amülim müla de mütsanpü inü nü khiung kilim shotoyinchi 1000 jihchoh; nünü amülim tümü mürhimo de alalanü amükheahbah.”

THRÜNTAN 20:16 Iomraidhean Croise

THRÜNTAN 20:17

Abrahamnü Thrünpuh ki tamkhüntamnü, tüsho Thrünpuhnü Abimelek, aniube le azhorü liberübo thsüngu, junangde arübo tsührü lalokhuk,

THRÜNTAN 20:5

Apinü, ‘I niurü ah’ de athakhi yung de? Tüsho alibenü she aküdah thsüde tha, ‘Api I khiung ah.’ Ha inü I lümkhi müsühde tüsho I khah müsühde arhimokheah.”

THRÜNTAN 24:65

tümüde alibenü yamlabuh ki thakheah, “Isa shorupü thulu ching la ju shepü a?” Tüsho yamlabuhnü alo, “Ju I putungrü ah.” Jumonü alibenü kudukiube lu tüsho anihbe muhiudo.

THRÜNTAN 26:11

Jumonü Abimeleknü api mihtsürü alala ki thiyukhüm jih: “Shepünü ha mihtsürü yungsho aniube qiubanü tsükjide asheshihbah.”

MÜCHITMUDU 12:1

Shepünü thsangdankhi muzhochonü mükheahmudu muzhochoh, tüshe shepünü athsülangkhi thraneanchonü makharü ah.

MÜCHITMUDU 25:12

Lümlung lakhi mihtsürünü athürühkhi ju anide alakhi nükhün ching suna nüpü yungsho suna atsüdak zülu nangde lah.

MÜCHITMUDU 27:5

Aramlimnü amuzhokhi kheaknü a amikheaknü athürühkhi atsübe.

JONA 1:6

Wühkenobuhnü arü tüsho api ki tha, “Tümü thsüde nü a yapshea la le? Asürang, nü thrünpuh ki jiang! Khükia thrünpuhnü isa thsungkheak lümrhihbah, junangde isa müdükheak.”

AMIKHEAKAKHIUKKHI 3:19

Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.