THRÜNTAN 2:9 - AMÜSÜH HÜM CL Bible (BSI)

⁹ Tüsho Atungpuh Thrünpuhnü alo chingnü tsühyungbe jaktsükhi sangdungbo mukhuhshih. Shahwün phulung ching rhangdung sangdung tüsho atsü amütsü mükheahbe sangdung she alakheah.

THRÜNTAN 2:9 Iomraidhean Croise

THRÜNTAN 2:17

tüshe atsü le amütsü mükheahbe sangdung kheaknü nünü mütsühbeah; tümüde küpü nimung nünü ju tsühbanü dükde nü ashebah.”

THRÜNTAN 3:22

Judüki Atungpuh Thrünpuhnü tha, “Kheahang, mihtsürü ju atsü tüsho amütsü mükheahpü isa nangde kamdo; api khah chungde rhangdung sangdung chingnü rhoa tsühbah lünnü api rhangdung lapü mümülübeah.”

THRÜNTAN 3:24

Junangde apinü mihtsürü ju yankhitabah; tüsho apinü rhangdung limro aheangshihpü Eden shahwün aniakhiuklim cherubim tüsho azhingzhing nukshang khülang khülim khülim phürapde zo.

THRÜNTAN 3:3

tüshe shahwün phulung ching lakhi sangdung kheaknü aso dütsüh, yungsho ju düqiu, jude thsüsho nüsa ashebah de Thrünpuhnü thado.”

THRÜNTAN 3:5

Tümütüsho küpü nimung nüsanü hoju tsühbanü nüsa mük khimshuhbah tüsho nüsa ju Thrünpuh nangde atsü tüsho amütsü mükheahbah de Thrünpuhnü mükheahlah.”

MÜCHITMUDU 11:30

Thiyuro-lungkirü sangaso ju rhangdung sangdung, tüsho shepü lümlung lanü mebo bedarüchoh.

MÜCHITMUDU 3:18

Anihbe kheak tholorü kilim hoju rhangdung sangdung ah; düngde anihbe tholorü ki asühpü de jichoh.

ISAIA 44:25

Shepünü akeangyu dünjipü müchitkhi yandoabahcho, tüsho kuhi-kheahrü makharü kamshihcho; shepünü lümlung larü rholoshihcho, tüsho arü mükheahmudu abünrü kamshih;

ISAIA 47:10

Tümüde mihbukmuyuk ching nünü kindo; nünü tha, “Shenü I müngü.” Nü lümlung tüsho nü mükheahnü nü bephülapdo, tüsho nünü mulong ching tha, “ I ah tüsho I hobah she müla.”

EZEKIEL 31:16

Inü alokhün ching yüzahrü lung Ashelomi ching nimyukchoki, akeamkhi düsheaknü trükshihbo ajanbah; tüsho Eden sangdungbo alala Lebanon ching mokhitkhi tüsho atsüdak ke duhkhi alala Ashe-lomi ching shukheambah.

EZEKIEL 31:18

Eden sangdung bolung nü nangde müretahkhi tüsho toshangkhi küpü a? Kheakü nü a Eden sangdungbo lungnü abobe lomi ching bede yüzahbah; nü ju nukshangnü alaksahkhi tsütamübahrü bolung yapbah. Ha Pharao tüsho api boto alala ah, Atungpuh Thrünpuhnü thachoh.

EZEKIEL 47:12

Ayung münküp thrip abande, tsühyungpü thsungkheak sangdung aphuaphu mukhuhbah. Ayübo muyiuh yungsho asobo mayo, tüshe khinu abande aphüyak asobah, tümütüsho arü thsungkheak arüngakopung chingnü ke bukchoh. Sangasobo ju tsühyungpü thsungkheak labah, tüsho ayübo ju moli labah.”

JOHAN 6:48

I rhangdung tsühyungbe ah.

1 KORINT 8:1

Kheakü sangthsübo ki kingaünkhi tsühyungbe dünkheak isa alala mükheahmudu lah de inü mükheahlah. Mükheahmudunü lülüshishi kamshihchoh, tüshe amuzhonü thsükihchoh.

YUZÜNGTHALO 6:25

Tüsho apinü isa ki thiyukhüm jihkhi nangde, harü yukhümbo kümkangde anisho isa thsungkheaknü ha thiyuro-lungki labah.

AMIKHEAKAKHIUKKHI 2:7

Shepü nükhün kihlanü, Menü borübo ki tümü thachonü apinü aniang. Akuk ngübuh kilim Thrünpuh sühakhimpung ching lakhi rhangdung sangdung aso tsühpü inü mülüjihbah.’

AMIKHEAKAKHIUKKHI 22:14

Arünü rhangdung sangdung ki alim lapü tüsho ripitbo hode kiuto ching yüzahpü thsüde sherü shulünkhimbo müsühchonü müngühmühi.

AMIKHEAKAKHIUKKHI 22:2

kiuto kiudunglimro phulungnü aki; kheaküshe ayung thripkhüh thripkhüh aso mungji thürükheak mahne kihde rhangdung sangdung, khinu aban asode alakheah; tüsho sangyübo ju trükshihbo thsüngupü thsungkheak lakheah.