THRÜNTAN 2:7 - AMÜSÜH HÜM CL Bible (BSI)

⁷ Tüsho Atungpuh Thrünpuhnü alo asungthulungnü mihtsürü kamshih, tüsho api nupung ching rhangdung sheak mütyukjih, tüsho mihtsürü ju rhangdung lakhi khülang kam.

THRÜNTAN 2:7 Iomraidhean Croise

THRÜNTAN 1:27

Jumonü Thrünpuhnü api kiphahkhi ching mihtsürü thrün; apinü athrürü tüsho aliberü thrün.

THRÜNTAN 2:6

tüshe alomi chingnü shumuliu wutu tüsho alo alala pangshih.

THRÜNTAN 3:19

Nü alo mükamloyi khiungde nü kingkang chingnü shoke shude rhimobah lang tsühyungbe ngübah, tümüde nü alonü akamkheah; nü a alo ah tüsho nü alo kamlobah.”

THRÜNTAN 3:23

Jumonü Atungpuh Thrünpuhnü küpü lonü api thrünkheanü ju wochakshihpü Eden shahwün chingnü yankhitabah.

THRÜNTAN 7:22

Alo akung kheak nupung ching sheak thsübe lüpdükhi sheabah.

JOB HU H T ANYU 27:3

I sheak I kheak lakhi khiungde tüsho Thrünpuh sheak I nupung ching lasho,

JOB HU H T ANYU 33:4

Thrünpuh menü I thrün tüsho Wutobuh sheaknü I rhangdung jihchoh.

JOB HU H T ANYU 33:6

Kheahang, Thrünpuh miki nü nangde I lah; I she alo dütrenü akamkheah.

JOB HU H T ANYU 4:19

alo yam ching larü küdükhüh she alaba, shepü khimtan asungthulung ching la, sherübo ari nangde zünakcho.

MUNGSHIKHÜN 100:3

Atungpuh , api ju Thrünpuh ah de mükheahang; isa thrünkhi ju api ah, tüsho isa küdahnü yung; isa api mihtsürü tüsho api rimlopung namfimihnubo.

MUNGSHIKHÜN 103:14

Tümüde apinü isa thrünkhi mükheahlah; isa asungthulung ah de apinü lümkhitchoh.

MÜCHITMUDU 20:27

Mihtsürü me ju nihbuh mulong alunglim asükbo alala yimkhi Atungpuh tsünpung ah.

T H S AN GYU T H S AN GR ARÜ 12:7

tüsho atan nangde pang ju alo asungthulung kamlobah, tüsho sheak ju ajihbuh Thrünpuh kilim alode ayübah.

T H S AN GYU T H S AN GR ARÜ 3:7

arukrüppü kim khülang, tüsho athürepü kim khülang; zhikde alapü kim khülang, tüsho athapü kim khülang;

ISAIA 2:22

Nupung ching sheak lang alakhi mihtsürü kheaknü rholoang, tümüde arü kheyukkhi tümü la?

ISAIA 64:8

Tütüshe, O Atungpuh , nü a isa Abuh; isa ju alo, tüsho nü isa phühdamrü; isa alala nü khah rhimo ah.

TÜZHOKHI 4:20

Atungpuhnü mujude-mokhitkhi, isa rhangdung sheak arü alokhünbo ching hande yü– shepü dünkheak isanü tha, “Api alamme khüpnü trükshih bolung isa labah.”

EZEKIEL 37:5

Atungpuh T H RÜ NPU H NÜ harü robo ki thachoh: Inü nüsa kheak sheak yüzahshihbah, tüsho nüsa rhangdung labah.

EZEKIEL 37:6

Inü nüsa kheak sühbo yihkihbah, tüsho küpnü alüpdobah, tüsho nüsa kheak sheak yukbah, tüsho nüsa rhangdung labah; tüsho I Atungpuh de nüsanü mükheahbah.”

ZEKARIA 12:1

Müchityu khülang. Israel dünkheak Atungpuh yu: Atungpuhnü ha thachoh, shepünü thüningbo thoshang tüsho alomi khimtan tüsho ju ching mihtsürü kheak me lashih:

WÜHKHE 16:22

Tüsho anenü mi zhinbahle tha, “O Thrünpuh mihtsürü me alala Thrünpuh, mihtsürü khülang neak dün, boto alala kheak nü bukakhiukba de?”

WÜHKHE 27:16

“Atungpuh , mihtsürü mebo kurungkheak Thrünpuhnü, boto kurungkheak mihtsürü khülang thiyia,

JOHAN 20:22

Küyimki apinü ha thakheanü arü kheak sheak mütkih tüsho tha, “Amüsüh Me leangkhiang.

YUNIRÜBO RHIMO 17:25

Tüsho apinü tümükhüh künkhi nangde mihtsürü khahnü mükipduhchoh, tümütüsho apinü lang mihtsürü alala kilim rhang le sheak tüsho lüpdükhi jihchoh.

ROMRÜ KILIM PAULNÜ ATHRÜTKHI KIHÜM HUHTANYU 9:20

Tüshe Thrünpuh ki alokhukpü thsüde mihtsürü khülang ju nüsa she a? Azünkhinü azünbuh ki, “Tümüde nünü I hade azünkhea?” de athaba de?

1 KORINT 15:45

Hanangde ha thrüta lah, “Akhuh mihtsürü Adam rhangdung lakhi mihtsürü kam”; ashube Adam a rhangdung jihbe me kam.

1 KORINT 15:47

Akhuh mihtsürü alomi chingnü, asungthulung mihtsürü ah; mahnepü mihtsürü ju yinmi chingnü ah.

2 KORINT 4:7

Tüshe ato wu ju isa yungde Thrünpuh yo ah de ahuhpü ha rahpung alo phüh ching lah.

2 KORINT 5:1

Kheakü isa lakhi alomi khimyam thsümünimsho, mihtsürü khahnü müthsükhi yinmi ching lün yam Thrünpuh kilimnü lah de isanü mükheahlah.

1 TIMOTHI 2:13

Tümütüsho akhuhde Adam tüsho jushu Eve thrün;

IBRI 12:9

Alomi ching isa danyukpü buhrübo lah, tüsho isanü arü ki wüntre jihchoh, isanü küdükhüh she mebo tüsho arhang Thrünpuh ki wüntre jihbea?