THRÜNTAN 2:3 - AMÜSÜH HÜM CL Bible (BSI)

³ Jumonü Thrünpuhnü nimung thünepü ju müngühjih tüsho tsangkhit, tümütüsho Thrünpuhnü thründe arükhi rhimo alala chingnü ha nimung apinü sühakhim.

THRÜNTAN 2:3 Iomraidhean Croise

THRÜNTAN 1:31

Thrünpuhnü apinü athrünkhi alala ngü tüsho ha khide tsüde alakheah. Tüsho ju athuruk nimung arelim tüsho yapsu lakheah.

THRÜNTAN 2:2

Thrünpuhnü rhimode arükhi nimung thüne nipü arün thsü, tüsho api rhimo alala chingnü thüne nipü sühakhim.

THRÜNTAN 2:4

Ha Atungpuh Thrünpuhnü alomi tüsho thüningbo thrün nimung thrünkhi thüning tüsho alomi yukhean,

NEHEMIA 9:14

Amunimung mümihde azopü nünü arü ki mükheahshih, tüsho nü yamlarü Mosa hode arü ki thiyukhüm, thiyuzüng tüsho yakzanbojih. @1-LINE- SP ACE=

ABEKHIT 23:12

Nünü nimung thuruk nü rhimo thsübah tüsho thüne nipü sühakhimbah, junangde nü moshipung le donki sühakhimbah, tüsho nü yamkhün ching azhorü tsührü tüsho khiungkerübo süh shilobah.

ABEKHIT 34:21

“Nüsanü nimung thuruk rhimobah, tüshe thüne nipü sühakhimbah; thulu mülappü tüsho yimlu kim ching nüsanü sühakhimbah.

MÜCHITMUDU 10:22

Atungpuh müngühmühinü lakhit hande arüchoh, tüsho apinü ju ching küpkhuk muyukajakchoh.

EZEKIEL 20:12

Kheaküshe isa dükeak amütsan thsüde arü kilim I yo amunibo jih, junangde I Atungpuhnü jurü müsühkhitdo de arünü mükheah.

LEVI 23:3

Nimung thuruk rhimo rhimobah, tüshe thüne nipü a sühakhim amunimung, amüsüh kingaünpü nimung. Nüsa küching küching lalashe, nüsanü rhimo tümü she mürhimobeah, ha Atungpuh amunimung khülang ah.

MARK 2:27

Tüsho apinü arü ki tha, “Amuni ju mihtsürü thsungkheaknü thrün; tüsho mihtsürü thsungkheaknü Amuni yung.

LUKNÜ ATHRÜTKHI THIYUSHEAK-ATSÜ HUHTANYU 23:56

Jushu arünü alode arübah thüneathürabebo tüsho rhümthünea müdangkebo thsakham. Tüsho arünü thiyuzüng yande Amuni sühakhim.