THRÜNTAN 2:2 - AMÜSÜH HÜM CL Bible (BSI)

² Thrünpuhnü rhimode arükhi nimung thüne nipü arün thsü, tüsho api rhimo alala chingnü thüne nipü sühakhim.

THRÜNTAN 2:2 Iomraidhean Croise

THRÜNTAN 1:31

Thrünpuhnü apinü athrünkhi alala ngü tüsho ha khide tsüde alakheah. Tüsho ju athuruk nimung arelim tüsho yapsu lakheah.

THRÜNTAN 2:3

Jumonü Thrünpuhnü nimung thünepü ju müngühjih tüsho tsangkhit, tümütüsho Thrünpuhnü thründe arükhi rhimo alala chingnü ha nimung apinü sühakhim.

ABEKHIT 23:12

Nünü nimung thuruk nü rhimo thsübah tüsho thüne nipü sühakhimbah, junangde nü moshipung le donki sühakhimbah, tüsho nü yamkhün ching azhorü tsührü tüsho khiungkerübo süh shilobah.

ABEKHIT 31:15

Nimung thuruk rhimo rhimobah, tüshe athüne nipü ju sühakhim amuni, Atungpuh kilim amüsüh lah. Shepünü amuni rhimo rhimobanü asheshihbah.

ABEKHIT 31:17

Ha Israel mihtsürü le I dükeak lünnü amütsan khülang labah, tümütüsho I Atungpuhnü yinmi tüsho alomi nimung thuruk chingnü thsükhi, tüsho athüne nipü inü rhimo chingnü tuklo tüsho sühakhim.’ ”

ISAIA 58:13

Nünü amuni junokhi chingnü I yo amüsüh nimung ching nü künkhi müshamkhi chingnü chamkhisho; nünü ha asühpü tüsho Atungpuh nimung wüntrebe amüsüh nimung de jisho; nünü ju akin jihsho, nü limrobo ching müyüde, nü künkhi mürhimode, yungsho nü yubo masuksho;

JOHAN 5:17

Tüshe Jisunü arü ki alo, “I Buhnü kheakü khiungde rhimochoh, tüsho I she rhimochoh.”

YUZÜNGTHALO 5:14

tüshe athüne nipü ju Atungpuh nü Thrünpuh amunimung lah. Ha nimung nünü rhimo tümü düthsü; nü yungsho nü tsührübo athrürü tüsho aliberübo yungsho nü yamlarü athrürü tüsho aliberübo; yungsho moshipung yungsho donki, yungsho akam-shiwüh, yungsho nü chipimurung bukkhüp lakhi hanrü, junangde nü ruk nü yamlarü athrürü tüsho aliberü sühakhimbah.

IBRI 4:10

tümüde shepünü Thrünpuh sühakhim ching yüzahchonü Thrünpuhnü arhimokhi nangde nihbuh rhimobo zokheamchoh.

IBRI 4:4

Tümüde apinü dang khürü ching nimung thüne dünkheak hanangde thaa lah, “Tüsho Thrünpuhnü nimung thüne nipü api rhimobo alala chingnü sühakhim.”