THRÜNTAN 2:17 - AMÜSÜH HÜM CL Bible (BSI)

¹⁷ tüshe atsü le amütsü mükheahbe sangdung kheaknü nünü mütsühbeah; tümüde küpü nimung nünü ju tsühbanü dükde nü ashebah.”

THRÜNTAN 2:17 Iomraidhean Croise

THRÜNTAN 2:9

Tüsho Atungpuh Thrünpuhnü alo chingnü tsühyungbe jaktsükhi sangdungbo mukhuhshih. Shahwün phulung ching rhangdung sangdung tüsho atsü amütsü mükheahbe sangdung she alakheah.

THRÜNTAN 20:7

Kheakü jumonü mihtsürü niube jihloang; tümüde api wukihrü ah, tüsho apinü nü thsungkheak tamkhüntamnüjihbah tüsho nü alabah. Tüshe nünü anihbe müjihlosho, tsükjide nü le nü mihtsürü alala shebah de mükheahang.”

THRÜNTAN 3:11

Tüsho apinü tha, “Nü bünkeang ah de shepünü nü ki thakhea? Inü nü ki dütsüh de athakhi sangaso nünü atsühkhea shi?”

THRÜNTAN 3:17

Apinü Adam ki tha, “Tümütüsho nünü nü niube yu anide inü nü ki dütsüh de thiyukhüm jihkhi sangdung chingnü tsühdo: nü dünkheaknü alo muthrumüneana lah; nü rhangdung amuyung khisahbah lang atsühbah.

THRÜNTAN 3:19

Nü alo mükamloyi khiungde nü kingkang chingnü shoke shude rhimobah lang tsühyungbe ngübah, tümüde nü alonü akamkheah; nü a alo ah tüsho nü alo kamlobah.”

1 KIULONG THSÜRÜ 2:37

Tümüde nü wukhiukbah Kidron ayung ho nimungnü, nü ashebah de mütsande mükheahang; nü thiyih ju nü ku kheak kihbah.”

1 KIULONG THSÜRÜ 2:42

kiulongthsüpuhnü yüshihbah Shimei jidarü, tüsho api ki tha, “Atungpuh tamde, ‘Nü wukhiukbah dangpung khürü ching yükhi nimungnü nü ashebah’ de nü ki thiyukhüm jihde thiyuchihchimshihkhi yung de? Tüsho nünü I ki tha, ‘Nünü athakhi tsülah; inü leangkhichoh.’

JEREMIA 26:8

Tüsho küyimki Atungpuhnü mihtsürübo alala ki asukpü Jeremia ki thiyukhüm jihkhi alala bankhea, amükeamrü le wukihrü tüsho mihtsürü alalanü api ramlobah tha, “ Nü ashepü tsütsü!

EZEKIEL 18:13

Apinü sholü lude nipjihchoh. Hadürü mihtsürü alaba de? Api müla! Tümütüsho apinü harü athraneanbe alala rhimodo, api tsükjide asheshihbah tüsho api thiyih anihbuh kheak labah.

EZEKIEL 18:32

Tümüde inü khürükhüh shekhi ching masühchoh, Wuto Atungpuhnü thachoh. Mulong müthriang tüsho laang!

EZEKIEL 18:4

Tümüde arhang lakhi me aban I yo ah, buhrü tüsho tsührü–ane chido I yo ah. Me küpünü neak yihbeakchonü ashebah.

EZEKIEL 33:14

Kheaküshe, inü mihbukmuyuk ki, “ Nüsa tsükjide ashebah” de thatha she, mürangkhüh arünü arü neak chingnü rholosho tüsho yakzan lungki tüsho alim tümüanü rhimosho–

EZEKIEL 33:8

Inü mihbukmuyuk ki, “ O mihbukmuyukbo nüsa tsükjide ashebah” de thasho, tüsho mihbukmuyukbo arü limrobo chingnü rholopü nünü kurhangyu masuksho, mihbukmuyuk ju arü mülimkhi ching shebah, tüshe arü thiyih inü nü khah chingnü akheangbah.

WÜHKHE 26:65

Tümüde Atungpuhnü arü dünkheaknü tha, “ Tsükjide arübo sunglo ching shebah.” Jumonü Jephunne tsührü Kaleb tüsho Nun tsührü Jihusua kheak hode mihtsürü sheshe maning.

ROMRÜ KILIM PAULNÜ ATHRÜTKHI KIHÜM HUHTANYU 1:32

Sherünü jurü rhimobanü ashepü thülünlah de arünü Thrünpuh yakzan mükheahkheah she, arünü arhimokhi lang yung tüshe jurü rhimorü she alim jihchoh.

ROMRÜ KILIM PAULNÜ ATHRÜTKHI KIHÜM HUHTANYU 6:16

Nünü ashe lim bekhi neak yungsho thiyuro-lungki lim bekhi mihyuanikhi, küpü ki mihyuanibanü ju azhorü kamchoh de mümükheah de?

ROMRÜ KILIM PAULNÜ ATHRÜTKHI KIHÜM HUHTANYU 6:23

Tümüde neak mihkhah ju ashekhi, tüshe Thrünpuh akeang thsambah ju Atungpuh Jisu Khrista ching lün rhangdung lah.

ROMRÜ KILIM PAULNÜ ATHRÜTKHI KIHÜM HUHTANYU 8:2

Tümüde Jisu Khrista ching Me rhangdung yakzannü neak yakzan tüsho ashe chingnü I zuzu kamshih.

1 KORINT 15:22

Tümüde alala Adam lungnü she, junangde alala Khrista ching arhang labah.

1 KORINT 15:56

Ashe thsünübe ju neak, tüsho neak wu ju yakzan.

GALATIA 3:10

Yakzan rhimo kheak angükihrü alala muthrumünean khüp lah, tümüde ha thrüta lah: “Yakzan hüm ching thrütkhi yande mülarü tüsho ju mürhimorü aban muthrumünean thsang.”

EFISIA 5:14

Jumonü ha tha, “O ayaprübo asürang, tüsho ashekhi chingnü asürang, tüsho Khristanü nüsa kilim ayin jihbah.”

YUZÜNGTHALO 27:26

“‘Shepünü ha yakzan tüsho thsangyukhibo manibanü muthrumünean thsang.’ Tüsho mihtsürü alalanü athabah, “Amen!”

YUZÜNGTHALO 30:15

“Kheahang, inü khihni nüsa müngüh rhangdung tüsho atsü, ashekhi tüsho amütsü zojihlah,

YUZÜNGTHALO 30:19

Inü khihni nüsa azhihde thiyumütsan thsüde thüning tüsho alo jichoh, junangde inü nüsa müngüh rhangdung tüsho ashekhi, müngühmühi tüsho muthrumünean zojihchoh; jumonü rhangdung mokhitang, junangde nü tüsho nü tsühsoniuso chido rhangdung labah;

KOLOSI 2:13

Tüsho nüsa sherü neak tüsho shih tsütamübahkhi ching shea lakhea, Thrünpuhnü isa neakbo alala bahjihde api lung arhang lashih;

1 TIMOTHI 5:6

tüshe khimoberü shepünü shih reangkeampü ching jihchonü anihbe arhang lalashe ashekhi lah.

JAKOB 1:15

Amütsü künkhi küyimki mihlabanü neak zübejihchoh; tüsho küyimki neak azorü kambanü ashepü handarüchoh.

1 JOHAN 5:16

Khürünü nihbuh keoniorü ashepü müthsüde neak yihbeakde ngüsho, apinü tamkhüntamnüjang tüsho Thrünpuhnü api kilim rhangdung jihbah. Inü ha amüshebe neak ki thachoh. Ashepü thsüde neak khülang lah. Ju dünkheak apinü tamkhüntamnübeah de inü thachoh yung.

AMIKHEAKAKHIUKKHI 2:11

Shepü nükhün kihlanü, Menü borübo ki tümü thachonü apinü aniang. Shepü akuk ngüchonü mahne kipü ashepünü mütrünthsü.’

AMIKHEAKAKHIUKKHI 20:14

Judüki Ashe tüsho Thsümüchi ju modüjim ching jipyuk. Ha modüjim, mahnekipü shekhi lah;

AMIKHEAKAKHIUKKHI 20:6

Shepü akhuhbe arhang kamlokhi ching shihcham luchonü müngühmühi tüsho amüsüh! Arü kurungkheak mahnekipü shepü wu müla, tüshe arübo Thrünpuh tüsho Khrista amükeamrübo labah, tüsho arünü api lung kam chithürü kiulongthsübah.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

MAHKHAPRÜ 3:2

(Ha hodü lang Israel tsührübo püpüki thiri müthsüakheahrü ki thsangyupü lakheah):

1 SAMUEL 14:39

Tümüde Atungpuh lale, shepünü Israel khümkhitcho, I tsührü Jonathan thsüthsü she, api tsükjide ashebah!” Tüshe mihtsürü alala bolungnü api yu alorü sheshe mülade alakheah.

1 SAMUEL 14:44

Saulnü tha, “ Thrünpuhnü I kheak alübe she rhimoshang; nü tsükjide ashebah, Jonathan!”

1 SAMUEL 20:31

Tümüde alomi kheak Jesse tsührü rhangdung lakhi khiungde nü yungsho nü kiulongthsü mülakhuk. Kheakü yüshang tüsho api I ki bede arang, tümüde api tsükjide ashebah.”

1 SAMUEL 22:16

Kiulongthsüpuhnü tha, “Nü tsükjide ashebah, Ahimelek, nü tüsho nü buhtsührü alala.”