THRÜNTAN 19:9 - AMÜSÜH HÜM CL Bible (BSI)

⁹ Tüsho arünü tha, “Isa limro chingnü akhinang.” Arünü tha, “Habuh tsotsahde arü, tüsho apinü mahkhaprü thsüchoh; kheakü isanü arü kheaknü api ki amütsübe rhimobah.” Jumonü arünü Lot kheak müküpde nimkih, tüsho khimdopü thsümünimpü thüninde arü.

THRÜNTAN 19:9 Iomraidhean Croise

THRÜNTAN 11:6

Tüsho Atungpuhnü tha, “Mihtsürübo khülang ah tüsho arü alala thiyutha khülang lah, tüsho ha rhimopü tankihchoh; arünü arhimopü lümkhi thsükhi arü thsungkheaknü amukukpü mülade alabah.

THRÜNTAN 13:12

Abramnü Kanan lo ching la, tüsho Lotnü adükhün kiutobo ching la, tüsho api khimyambo Sodom khiungde thsü.

ABEKHIT 2:14

Mihtsürü junü alo, “Shepünü nü isa kurungkheak yakzanshuhrü tüsho mahkhaprü kamshihkhea? Nünü Ijipbuh laksahkhi ruk thsü I she alaksahpü lümcho de?” Judüki Mosanü tre tüsho lüm, “Inü arhimokhi mükheahabahdo.”

MÜCHITMUDU 14:16

Lümlung larü mihtsürünü trechoh tüsho amütsü chingnü chamkhichoh, tüshe makharünü mükümkang tüsho khide niokheamde rhimochoh.

MÜCHITMUDU 17:12

Makharü khülang anihbuh makhade makeangkhi ching shorupü kheaknü a anunubo jangkhide atsokhi kuto dreto shorukhi atsübe ah.

MÜCHITMUDU 27:3

Lung ju mülanglah tüsho loyi adünkhitlah, tüshe makharü bukmükekhi ju ane chido kheaknü amülangbe ah.

T H S AN GYU T H S AN GR ARÜ 10:13

Api mün ching mudukmüke yunü tankihchoh, tüsho api yu thakhi makhadakkhi ching kheamchoh;

T H S AN GYU T H S AN GR ARÜ 9:3

Alala kilim kuhi rukhüh arükhi ha alomiküp ching amütsü khülang ah. Kheaküshe, alala mulong amütsünü milah; arü arhang lachoki arü mulong ching bünkeangbünru lah, tüsho jushu arü sheabahchoh.

ISAIA 65:5

shepünü thacho, “ Nü khanguhang, I thüninde darü, tümüde nü thsungkheak a I khide amüsüh lah.” Harübo I nupung ching mokhüh ah, nimung amuyung takkhi mo lah.

JEREMIA 3:3

Jumonü müngühmühi tsüngbo tholoabah, tüsho mükhean tsüngbo marü; nü a müzammüramrü miro ah, nünü machih.

JEREMIA 6:15

Arünü machihde rhimodo, arünü athraneanbe yihbeakdo; tütüshe arünü machih, arünü achihpüyak mümükheah. Jumonü sherübo angakchonü ju lung arü angakbah. Inü arü thsümüchichoki, arü akeamkhamshihbah, Atungpuhnü thachoh.

JEREMIA 8:12

Arünü machihde rhimodo, arünü athraneanbe yihbeak; tütüshe judü lang machih, arünü achihpüyak mümükheah. Jumonü sherü angakchonü ju lung arü angakbah; inü arü thsümüchichoki, arü akeamkhamshihbah, Atungpuhnü thachoh.

EZEKIEL 16:49

Kheakü ha nü chi Sodom neak lakheah: Alibe tüsho anihbe tsührübebo bukmüke, bukchihbukhean tüsho muzhomüyi mülakhi lakheah; arünü zhochihrü tüsho müthsümülarü murung.

MATHI 7:6

“Tümü amüsühanü khihnubo kilim düjih; yungsho nü yo sünsobo kheaknu miki düzojih, jude thsüsho arünü jurü arü jing khüp jungbah tüsho rholobah nü adütre kamde ayihthünakbah.

1 SAMUEL 17:44

Goliathnü David ki tha, “I kilim arang, tüsho inü nü shihtsü thüning wuhnubo tüsho thulu ching lakhi mütüm shiwühbo kipanü.”

1 SAMUEL 2:16

Tüsho mihtsürü khürünü api ki thabah, “ Arünü akhuhde amüdang takshang, tüsho nünü tümüpürü künlanü luang,” apinü athabah, “Yung, nünü kheakü jihbeah; jude yungsho, inü muhdü lang alubah.”

1 SAMUEL 25:17

Jumonü kheakü ha mükheahang tüsho nünü tümü rhimobeanü lümakheahang; tümüde isa putungpuh tüsho api yamkhün alala kheak amütsü rhimo lümkihabahdo; api ju shenü masukachihkhukpü thsüde mihbukmuyuk ah.”