THRÜNTAN 19:5 - AMÜSÜH HÜM CL Bible (BSI)

⁵ Arünü Lot ki ji, “Khihre nü yam ching arükhi mihtsürübo kükheak la? Arübo isa kilim bede akhiukang, junangde isanü arü kheak müzammürambah.”

THRÜNTAN 19:5 Iomraidhean Croise

THRÜNTAN 19:6

Jumonü Lotnü ripit limronü arü kilim wukhiukbah adunglimnü khimdopü rih,

1 KIULONG THSÜRÜ 14:24

judüki lomi ching athrürünü arüngyam ching müzammüramrü she alakheah. Atungpuhnü Israel müngüh, yankhita bahkhi trükshihbo athraneanbebo alala arünü yihbeak.

1 KIULONG THSÜRÜ 22:46

Anihbuh abuh Asa nimungbo ching arüngyam ching müzammüramrü athrürübo lomi ching aninga lakhi, apinü yankhitabah.

ISAIA 1:9

Wuto Atungpuhnü isa anükhüh aninga mülashihkhülaa, isa Sodom nangde alabah, tüsho Gomorra nangde akambah.

ISAIA 3:9

Arü miro kheak kheahkhinü arü azhihkhi thiyumütsan huhchoh; arünü arü neak Sodom nangde zhiyukchoh, arünü ju müram. Arübo ayokhe! Tümüde arünü amütsü rhimo arü kheak handarüdo.

JEREMIA 3:3

Jumonü müngühmühi tsüngbo tholoabah, tüsho mükhean tsüngbo marü; nü a müzammüramrü miro ah, nünü machih.

JEREMIA 6:15

Arünü machihde rhimodo, arünü athraneanbe yihbeakdo; tütüshe arünü machih, arünü achihpüyak mümükheah. Jumonü sherübo angakchonü ju lung arü angakbah. Inü arü thsümüchichoki, arü akeamkhamshihbah, Atungpuhnü thachoh.

EZEKIEL 16:49

Kheakü ha nü chi Sodom neak lakheah: Alibe tüsho anihbe tsührübebo bukmüke, bukchihbukhean tüsho muzhomüyi mülakhi lakheah; arünü zhochihrü tüsho müthsümülarü murung.

EZEKIEL 16:50

Arünü lülüshishi tüsho I miki athraneanbe rhimo. Jumonü nünü angükhi nangde inü arü kheak rhimokheah.

EZEKIEL 16:51

Samarianü nünü arhimokhi neakbo niukshakkhüh she müyihbeak. Nünü arü kheaknü alü athraneanbe rhimodo, tüsho nünü arhimokhibonü nü chi pürü thiyuro-lungki nangde kamshih.

LEVI 18:22

Aliberü kheak nangde nünü athrürü lung düyap; ha athraneanbe ah.

LEVI 20:13

Athrürü khülangnü aliberü kheak nangde athrürü kheak nungsho, ane chidonü athraneanbe yihbeakdo. Ane dükde asheshihbah; ane thiyih ane kheak kihbah.

1 KORINT 6:9

Thiyuro-lungki mülarünü Thrünpuh kiulongthsü yamrüplurüp mulu de nüsanü mümükheah de? Dümülapyukshih; müzammüram, sangthsü kingaün, yüliyüra yungsho amakham müzammüram,

YUZÜNGTHALO 23:17

“Israelrü athrürü yungsho aliberü shenü she arüngyam ching müzammüramrü kampü mukuk.

1 TIMOTHI 1:10

müzammüram mihtsürü, yüliyürarü, bekhide-atsorü, akeangyu tharü, arükchih thiyumütsan thsürü tüsho kingaün-yakzan alungki azhihrü thsungkheak ah.

2 TIMOTHI 3:13

mihtsürü amütsü tüsho rükmütsürü a mülapyukde tüsho mülapyukabahde amütsü chingnü amütsübe kambah.

2 PETER 2:2

Ahihdonü arü makhamaleak limrobo yanbah, tüsho arü hode thiyuro ju amütsü kamshihbah.

2 PETER 2:7

tüsho mihbukmuyuk rhimo amünean hode lümthsünüa lakhi Lot bekhit

JUDNÜ ATHRÜTKHI KIHÜM HUHTANYU 1:7

junangde, Sodom le Gomorra tüsho ju mühi kiutobonü müzammüram tüsho amülim rhimo. Arünü akheam müla mo ching thsümüchinü amütsan thsü.

MAHKHAPRÜ 19:22

Arübo mulong asühde alachoki, zukleangnü kiuto ching müzammüramrü mihtsürübonü arübah khimdopü kheak yüm. Arünü thüyam putungrü, ashinbuh ki tha, “Nü yam ching arürü mihtsürü bede akhiukang, junangde isanü api kheak müzammürambah!”