THRÜNTAN 19:3 - AMÜSÜH HÜM CL Bible (BSI)

³ Tüshe apinü reangkih; jumonü arünü api kilim rholo tüsho anihbuh yam ching yüzah. Jushu apinü arü khilim tsühyungpü mozümodojih, phaüm muyukkhi yikhap nung tüsho arünü tsüh.

THRÜNTAN 19:3 Iomraidhean Croise

THRÜNTAN 19:2

Tüsho apinü tha, “Kheakü aniang, O I tungrübo, muzhobah nüsa yamlarü yam ching arang tüsho azhing ching binkheambah nüsa jing müsühang; jushu nüsa mükikde asürang tüsho nüsa limro ching yüang.” Tüsho arünü tha, “Muh, isa azhing ching wungdophulung binbah.”

THRÜNTAN 21:8

Khungarü ju zode arü tüsho niuh cham, tüsho Isak niuh cham nimung Abrahamnü thünio ato khülang thsakham.

THRÜNTAN 24:31

Apinü tha, “Azahang, nü Atungpuhnü müngühjihbuh! Tümüde nü wungdo zhipla? Inü nü thsungkheak thüyam tüsho kemelbo thsungkheak dangpung khülang thsakhamlah.”

THRÜNTAN 26:30

Jumonü apinü arü khilim tsühyungpü thsakhamjih, tüsho arünü tsühyung.

2 KIULONG THSÜRÜ 4:8

Nimung khülang alarü aliberü lapung Elishanü Shunem hode yüchoki alibenü api ki yimtsühpü mushu. Jumonü küyimki apinü ju limronü ahobanü, apinü yimtsühpü tuklode alakheah.

ABEKHIT 12:15

“Nüsanü nimung thüne phaüm muyukkhi yikhap tsühbah. Akhuhbe nimung nüsanü nüsa yambo chingnü phaüm yihkhita bahang. Tümütüsho shepünü akhuhbe nimungnü thüne ni khiungde phaüm yukkhi yikhap tsühbanü, ju mihtsürü Israel chingnü khekhita bahbah.

ABEKHIT 12:39

Tüsho arünü Ijip chingnü hanbah akhiukkhi phaüm muyukkhi yikhap ju nung; ha phaüm muyukyide alakheah, tümütüsho arübo Ijip chingnü ayankhitkhinü maleangkhuk yungsho arü tsühyungbe mütsanglungbit.

LUKNÜ ATHRÜTKHI THIYUSHEAK-ATSÜ HUHTANYU 11:8

Api müyamrü thsüthsü she api kilim jihpü masürü, tütüshe apinü mutukzhakde akeokhinü asürübah tüsho anihbuh yihnüpü lakhi thülün jihbah.

LUKNÜ ATHRÜTKHI THIYUSHEAK-ATSÜ HUHTANYU 14:23

Judüki aputungrünü yamlarü ki tha, ‘Lomi limtobo tüsho limrobo ching yübah arübo yana arüshang, junangde I yam mide akambah.

LUKNÜ ATHRÜTKHI THIYUSHEAK-ATSÜ HUHTANYU 5:29

Tüsho Levinü api yam ching thünio ato thsü; tüsho ju ching ruk-threrü boto ato tüsho arü lung püpürü dükhüm ki binde alakheah.

JOHAN 12:2

Ju ching arünü api khilim are-jim thsakham; tüsho Marthanü ahiuhakhip, tüshe Lazar a dükhüm ki binrü lung lakheah.

1 KORINT 5:8

Jumonü isanü lungchihkhi tüsho amütsü awün phaümnü yung tüshe atsangkhitkhi tüsho thiyuro phaüm muyukkhi yikhap bede thünio leangkhianü.

2 KORINT 5:14

Tümüde Khrista amuzhonü isa danlochoh, tümütüsho alala dünkheaknü khülang shedo de isanü mütsanlah, jumonü api shekhi ching alalanü shihcham luchoh.

IBRI 13:2

Hanrü beyukpü dümih, tümüde jude athsükhinü khürünü mümükheahde yunirübo beyukrhaka lachoh.

MAHKHAPRÜ 6:19

Judüki Gideonnü yüzahbah mihnu nunu khülang thsakham tüsho ayikangkang khahngak 10 lubah phaüm muyukkhi yikhap thsakham. Apinü shih ju muluk khülang ching yuk, tüsho shihkelam ju phüh ching yuk; tüsho apinü jurü thülamdung khüp api kilim handarü tüsho jih.

1 SAMUEL 28:24

Kheakü alibe yam ching ashih kihkhi moshi nunu khülang lakheah. Alibenü ju nahde laksah, tüsho ayikangkang lubah neam tüsho phaüm muyukkhi yikhap nung.