THRÜNTAN 19:24 - AMÜSÜH HÜM CL Bible (BSI)

²⁴ Judüki Atungpuhnü molung tüsho mo thüning chingnü Sodom tüsho Gomorra kheak akishih.

THRÜNTAN 19:24 Iomraidhean Croise

THRÜNTAN 13:10

Lotnü zünga kheah tüsho Zoar thrippeang Jordan dükhün ju ke tsüde aduhkhi Atungpuh shahwün nangde, Ijip lomi nangde alakheah. (Ha akhuhlim Sodom tüsho Gomorra thsümünimkhi lakheah).

THRÜNTAN 13:12

Abramnü Kanan lo ching la, tüsho Lotnü adükhün kiutobo ching la, tüsho api khimyambo Sodom khiungde thsü.

THRÜNTAN 18:17

Tüsho Atungpuhnü tha, “Inü tümü rhimopü lanü Abraham kheaknü aramba de?

THRÜNTAN 19:23

Lot Zoar khiungchoki alomi kheak ani akhiuka lakheah.

JOB HU H T ANYU 1:16

Apinü thade alachoki, püpürü arü tüsho tha, “Thrünpuh mo yinmi chingnü aki tüsho namfimihnubo le yamlarübo aniuabahdo; nü ki thapü I lang atsokhitkheah.”

JOB HU H T ANYU 18:15

Api khimyambo ching tümü maning; kelülülung api lapung kheak hiumüzüta lah.

MUNGSHIKHÜN 11:6

Apinü mihbukmuyuk kheak mokhih tüsho motaklung akishihchoh; apinü apung ataknü arü thsümüchichoh.

ABEKHIT 9:23

Tüsho Mosanü api tso thüning lim chungkih; tüsho Atungpuhnü tsüngmukde arulung akishih tüsho alo kheak chinchobe phürap. Junangde Atungpuhnü Ijip lomi kheak arulung akishih;

ISAIA 1:9

Wuto Atungpuhnü isa anükhüh aninga mülashihkhülaa, isa Sodom nangde alabah, tüsho Gomorra nangde akambah.

ISAIA 13:19

Tüsho kiulongthsübo müretahkhi Babilon, Kaldea atsüdak tüsho mungthu ju Thrünpuhnü Sodom tüsho Gomorra dükheakshihchoki nangde akambah.

ISAIA 30:33

Tümüde adüsonü Asiria kiulongthsüpuh takpü dangpung tsanglunga lah; atakpung ju asük tüsho aküngküng, mo tüsho atakbe-sang suhdahlah, ju takkihpü Atungpuh sheak motru ayung nangde thsükhitchoh.

JEREMIA 20:16

Ju mihtsürü Atungpuhnü amuzho mülade lahyuka bahkhi kiuto nangde thsang; apinü yapsu azhikhi khülang tüsho animuro arhunganim soshang,

JEREMIA 23:14

Tüshe Jirusalem ching wukihrü bolung inü khide atrebe ngüdo: Arünü müzammüramchoh tüsho akeangyu ching tsahchoh; arünü amütsü rhimorü khah düküngloshihchoh, junangde sheshe mihbukmuyuk chingnü murholo; arü alala I ki Sodom nangde kamdo, tüsho ha ching larübo Gomorra nangde lah.

JEREMIA 49:18

Sodom le Gomorra tüsho arü yamhingrü lahyuka bahchoki nangde, ju ching she mihtsürü müla, Atungpuhnü thachoh.

JEREMIA 50:40

Atungpuhnü thachoh, Thrünpuhnü Sodom tüsho Gomorra thsümünimchoki nangde sheshe ju ching müla, yungsho she mihtsürü ju ching müla.

TÜZHOKHI 4:6

Tümüde arungrü khah mülade sühkhüh kheaknü akeamkhi I mihtsürübo thsümüchi ju Sodom kheaknü atobe ah.

HOSEA 11:8

Küde thsah inü nü dükhepü, Ephraim? Küde thsah inü nü bahyukpü O Israel? Küde thsah inü nü Adma nangde kamshihpü? Küde thsah inü nü Zeboiim kheak nangde arhimopü? I mulong alunglim müthrido; nü thsungkheaknü I muzho todaklah.

AMOS 4:11

Thrünpuhnü Sodom tüsho Gomorra lahyuka bahchoki nangde inü nüsa khürü lahyuka bah, tüsho nüsa ju mo takkhi chingnü adukkhitkhi mozhuh nangde alakheah; tütüshe nüsanü I kilim murholo, Atungpuhnü thachoh.

ZEPHANIA 2:9

Jumonü Wuto Atungpuh Israel Thrünpuhnü thachoh, I lale, Moab ju Sodom nangde tüsho Amonrü ju Gomorra nangde ayangbo tüsho thimi khün lakhi lomi kambah, tüsho lünnü thsümünima labah. I mihtsürü aningkhinü arü yankhia lubah tüsho I trükshih rhangdung larünü arü müküh-a lubah.

LUKNÜ ATHRÜTKHI THIYUSHEAK-ATSÜ HUHTANYU 10:12

Tüshe ju nimung ju kiuto kheaknü Sodom thsungkheak alü arümkheam labah de inü nüsa ki thachoh.

YUZÜNGTHALO 28:24

Atungpuhnü nüsa lo ching tsüng ju asungsung müthrishihbah; tüsho nüsa müsheshihyi khiungde asungthulung lang thüning chingnü nüsa kheak akibah.

YUZÜNGTHALO 29:22

“Junangde nüsa dunglim asürükhi tsührübo lün, tüsho limshu lomi chingnü arükhi khiungkerübonü Atungpuhnü ju lo ching arüm tüsho tukthsü zojihkhi ngübahle athabah:

YUZÜNGTHALO 29:23

‘ Alo athrünkhi kelülü lung, thimi tüsho atak ah; ha ching mümükhean, yungsho maso tüsho rim tümü she mumukhuh, ha Atungpuhnü abukakhiukchoki thsümünimkhi Sodom tüsho Gomorra, Adma, tüsho Zeboiim nangde alabah.’

2 PETER 2:6

tüsho Sodom le Gomorra kiutobo mobün kamshihde athsümünim ching bahyuk, tüsho amükinrübo ki amütsan khülang thsü;

JUDNÜ ATHRÜTKHI KIHÜM HUHTANYU 1:7

junangde, Sodom le Gomorra tüsho ju mühi kiutobonü müzammüram tüsho amülim rhimo. Arünü akheam müla mo ching thsümüchinü amütsan thsü.

AMIKHEAKAKHIUKKHI 14:10

api she Thrünpuh mulong zhipzhip pung mikhiukde ayukkhi yukhu yungbah. Api ju amüsüh yunirübo tüsho Namfimihnunu mikinü mo le yinchike bede thsümüchibah.