THRÜNTAN 19:22 - AMÜSÜH HÜM CL Bible (BSI)

²² Niokheamang, ju ching tsokhide yüang. Tümüde nü ju mukhiungyikia inü tümü she müthsükhuk.” Jumonü kiuto ki ju Zoar de ajikheah.

THRÜNTAN 19:22 Iomraidhean Croise

THRÜNTAN 13:10

Lotnü zünga kheah tüsho Zoar thrippeang Jordan dükhün ju ke tsüde aduhkhi Atungpuh shahwün nangde, Ijip lomi nangde alakheah. (Ha akhuhlim Sodom tüsho Gomorra thsümünimkhi lakheah).

THRÜNTAN 14:2

Sodom kiulongthsüpuh Bera, Gomorra kiulongthsüpuh Birsha, Adma kiulongthsüpuh Shinab, Zeboiim kiulongthsüpuh tüsho Bela (ju Zoar) kiulongthsüpuh Shemeber bede thirithsüpü yü.

THRÜNTAN 19:21

Tüsho apinü anihbuh ki tha, “Khide tsülah, inü ha she amülüjihbah; nünü athakhi kiuto inü müdükheakshih.

THRÜNTAN 19:23

Lot Zoar khiungchoki alomi kheak ani akhiuka lakheah.

ABEKHIT 32:10

Kheakü jumonü, arü azhihde I bukakhiukde arü dükheakshihpü I langzü zojang. Tüsho inü nü trükshih ato khülang kamshihbah.”

ISAIA 15:5

I mulongnü Moab thsungkheak tripchoh; anihbe mihtsürü Zoar ching, Eglath-shelishiya ching tsodo. Tümüde Luhith mutuh kheak arü tripde wutuchoh; Horonaim limro ching arünü athsümünimkhi dünkheak zhichoh;

ISAIA 65:8

Atungpuhnü ha thachoh: Kurungaso ching yukhu ngüchoh, tüsho arünü tha, “Ha düthsümünim, tümüde ju ching müngühmühi lah,” jumonü I yamlarü thsülimnü inü arhimobah, tüsho arü alala müthsümünim.

JEREMIA 48:34

Heshbon tüsho Elealenü tripchoh; arü düsheak Jahaz khiungde, Zoar chingnü Horonaim tüsho Eglath-shelishiya khiungde alanchoh. Tümüde Nimrim kebo she zhikabahdo.

MARK 6:5

Apinü ju ching tukthsü mihtsürü anükhüh kheak akhahnü qiude thsüngukhi kheak hode rhimo ato mürhimokhuk.

YUZÜNGTHALO 34:3

dukulim, tüsho Jirikho jindükhünbo, ashidungbo lakhi kiutobo, Zoar khiungde.

YUZÜNGTHALO 9:14

I langzü zojang, junangde inü arü dükheakshihbah tüsho arü mung thüning bukkhüp chingnü nankhita bahjihbah; tüsho inü arü kheaknü nü sühmüh labe tüsho atobe trükshih kamshihbah.

2 TIMOTHI 2:13

isa thiyuro mülachoki, api a thiyuro labah, tümüde apinü aküdahnü amülim thsüpü mukuk.

TITA 1:2

küyimkishe akeangyu müthabuh Thrünpuhnü adüso alokhikhi lün rhangdung mulonglam ching