THRÜNTAN 19:16 - AMÜSÜH HÜM CL Bible (BSI)

¹⁶ Api nihnihde alachoki, mihtsürünenü api khah, aniube khah, tüsho atsührübe mahne khahbo kheak, Atungpuhnü api ki amüthsüm lade tholo, tüsho anenü api bekhit tüsho kiuto aleanglim zojih.

THRÜNTAN 19:16 Iomraidhean Croise

THRÜNTAN 19:15

Küyimki ayinkhikheanü, yunirübonü Lot ki niokheampü tha, “Asürang, nü niube le nü tsührübe mahne ha ching lakhi bea lung, jude yungsho kiuto thsümüchikhi ching nüsa aniuabahbah.”

THRÜNTAN 43:10

Isanü mülakmakhülaa, dükde isa ha mahne kipü alode arüa labah.”

1 KIUTHSÜYUKHEAN 16:34

O Atungpuh kilim makshe jihang, tümüde api tsülah; tümüde api amuzho lünnü lah.

MUNGSHIKHÜN 103:13

Buhrünü tsührü muzhokhi nangde, Atungpuhnü api trerü muzhochoh.

MUNGSHIKHÜN 106:1

Atungpuh shiang! O, Atungpuh kilim makshe jihang, tümüde api tsülah; tümütüsho api amüthsüm lünnü rünkhiungde lah.

MUNGSHIKHÜN 106:8

Judüalalashe api mung chingnü apinü arü khümkhit, junangde apinü api wu ato mükheahshihpü lakheah.

MUNGSHIKHÜN 107:1

O, Atungpuh kilim makshe jiang, tümüde api tsülah! tümütüsho api amüthsüm lünnü rünkhiungde lah.

MUNGSHIKHÜN 111:4

Apinü api amüyinsahbe rhimobo lümkhitpü thsü; Atungpuh ju mihmüthsüm tüsho muzhomüyinü milah.

MUNGSHIKHÜN 118:1

O, Atungpuh kilim makshe jihang, tümüde api tsülah; tümütüsho api amüthsüm lünnü rünkhiungde lah!

MUNGSHIKHÜN 119:60

Nü yukhümbo anipü inü niokheam, tüsho mashu.

MUNGSHIKHÜN 136:1

O, Atungpuh kilim makshe jihang, tümüde api tsülah! Tümüde api amüthsüm lünnü rünkhiungde lah.

MUNGSHIKHÜN 32:10

Mihbukmuyuk kilim mulong rozhak ahihdo labah; tüshe shepü Atungpuh kheak kinchonü mihmüthsümnü api mükamdobah.

MUNGSHIKHÜN 33:18

Kheahang, Atungpuh mük ju api trerü, api muzhodakkhi ching mulonglamrü kheak lah,

MUNGSHIKHÜN 33:19

junangde apinü arü me ashekhi chingnü bekhitbah, tüsho khümzung kim ching arü rhangdung lashihbah.

MUNGSHIKHÜN 34:12

Mihtsürü shepünü rhangdung muzhola tüsho atsü nimungbo ngüpü mulongcho?

MUNGSHIKHÜN 86:15

Tüshe O Atungpuh , nü a muzhomüyi tüsho amüthsüm ah, arünnü bukakhiukchoh, amuzho tüsho thiyuro ching muzhomopungde lah.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

ABEKHIT 34:6

Tüsho apinü Mosa miki tsahhode zhiyuk, “Atungpuh , Atungpuh , mihmuzho tüsho mihmüthsüm Thrünpuh, arünnü bukakhiukchoh, amuzho tüsho thiyuro ching suhdahlah,

ABEKHIT 34:7

chithürü ki amuzho lachoh, tüsho mihbukmuyuk, azhihkhi tüsho neak bahjihchoh. Tütüshe apinü mülimkhi müthsümüchidüa müdükhe; apinü arü bebuhrü neak dünkheak arü tsührü tüsho tsührü-tsührü lün mahsam tüsho phüyi khiungde thsümüchichoh.”

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

TÜZHOKHI 3:22

Atungpuh amuzho adüküng küyimkishe mükheam, api mihmüthsüm küyimkishe mükheam;

WÜHKHE 14:18

‘Atungpuhnü bukakhiukpü müniokheamchoh tüsho mihmüthsüm ching suhdahlah, neak tüsho azhihde-wusukhi bahjihchoh; tüshe apinü arü bebuhrü neak dünkheaknü tsührübo tüsho tsührü-tsührübo kheak lün mahsam tüsho lün phüyi khiungde mülakphahde athsümüchihbah.’

LUKNÜ ATHRÜTKHI THIYUSHEAK-ATSÜ HUHTANYU 18:13

Tüshe rukthrebuhnü limshude zhip. Apinü thüning lim she abinkih-a mükheah, tüshe akhüh yümde tha, ‘Thrünpuh, I aneakrü ki amüthsüm laang!’

JOHAN 6:44

I thiyikhi I Buhnü bede marüsho shenü she I kilim marükhuk; tüsho akheam nimung ching inü api arhang kamloshihbah.

ROMRÜ KILIM PAULNÜ ATHRÜTKHI KIHÜM HUHTANYU 9:18

Junangde apinü amulongrü kheak mihmüthsüm lah, tüsho apinü amulongrü mulong müküpshihchoh.

2 KORINT 1:3

Isa Atungpuh Jisu Khrista Abuh tüsho Thrünpuh, mihmüthsümbo Abuh tüsho mulong shukheam alala Thrünpuh shiang,

YUZÜNGTHALO 4:31

(tümüde Atungpuh nüsa Thrünpuh ju amüthsüm Thrünpuh) apinü nüsa mübahyuk yungsho müdükheakshih, yungsho apinü nüsa bebuhrü kheak tangzüngkhi mümih.

YUZÜNGTHALO 5:15

Tüsho nü Ijip lo ching azhorü lakheah de lümkhitang, tüsho Atungpuh nü Thrünpuh khah ato chunghuhde ju chingnü nü bekhit; jumonü Atungpuh nü Thrünpuhnü amunimung arüngshihpü nü kilim thiyukhüm jih.

YUZÜNGTHALO 6:21

Judüki nünü nü tsührü ki thabah: Isa Ijip ching Pharao bukkhüp azhorü lakheah, tüsho Atungpuh khah ato hode isa Ijip chingnü bekhit;

YUZÜNGTHALO 7:8

tüshe Atungpuhnü nüsa muzho, tüsho apinü nüsa bebuhrü ki thiyuchihchimkhi zomonü, Atungpuhnü nüsa api Wuto khah hode bekhit tüsho Ijip kiulongthsüpuh Pharao khah hode azhorü kuhi chingnü rhokhit.

TITA 3:5

isanü thiyuro-lungki rhimokhi dünkheaknü yung tüshe api amüthsüm hode, zübelode müsühkhitde tüsho Amüsüh Me ching aso kamlode apinü isa khümkhit,

JIHUSUA 6:22

Jihusuanü thirirhurü mahne ki tha, “Nükenü alibe ki thiyuchihchimkhi nangde müzammürambe yam ching yüang tüsho anihbe lung betsührü alala bekhitang.”

2 PETER 2:7

tüsho mihbukmuyuk rhimo amünean hode lümthsünüa lakhi Lot bekhit

2 PETER 2:9

tüsho junangde arü rükaki chingnü akinrü bekhitpü tüsho mahkhap nimung thsungkheaknü mihbukmuyuk athsümüchi khüp zopü Atungpuhnü mükheahlah,