THRÜNTAN 19:15 - AMÜSÜH HÜM CL Bible (BSI)

¹⁵ Küyimki ayinkhikheanü, yunirübonü Lot ki niokheampü tha, “Asürang, nü niube le nü tsührübe mahne ha ching lakhi bea lung, jude yungsho kiuto thsümüchikhi ching nüsa aniuabahbah.”

THRÜNTAN 19:15 Iomraidhean Croise

THRÜNTAN 19:14

Jumonü Lotnü wukhiuk tüsho atsührübebo lurü api tsühmeakrübo ki tha, “Asürang, ha dangpung chingnü wukhiukang; tümüde Atungpuhnü ha kiuto dükheakshihbah!” Tüshe apinü keangrüchoh de atsühmeakbonü lüm.

THRÜNTAN 19:16

Api nihnihde alachoki, mihtsürünenü api khah, aniube khah, tüsho atsührübe mahne khahbo kheak, Atungpuhnü api ki amüthsüm lade tholo, tüsho anenü api bekhit tüsho kiuto aleanglim zojih.

THRÜNTAN 19:17

Anenü arü bekhit akede, khülangnü api ki tha, “Nü rhangdung thsungkheak tsokhiang! Nü dunglim rholoa dükheah yungsho adükhün küching she dütuklo. Awungbo ching tsokhide yüang, jude yungsho nü dükheakbah.”

THRÜNTAN 19:22

Niokheamang, ju ching tsokhide yüang. Tümüde nü ju mukhiungyikia inü tümü she müthsükhuk.” Jumonü kiuto ki ju Zoar de ajikheah.

MUNGSHIKHÜN 94:23

Apinü arü kheak arü nihbuh mülimkhi hankihdo, tüsho arü nihbuh mihbukmuyuk ching arü dükheakshihbah; Atungpuh isa Thrünpuhnü arü dükheakshihbah.

2 KORINT 6:2

Tümüde apinü thachoh, “Aleangkhipü kim ching inü nüsa ki anido, tüsho akhümkhit nimung ching nüsa rungdo.” Kheahang, kheakü aleangkhipü kim ah; kheahang, kheakü akhümkhitpü nimung ah.

AMIKHEAKAKHIUKKHI 18:4

Judüki yinmi chingnü düsheak püpü thakhi inü so, “Alibe kinü akhiukang, I mihtsürü, jude yungsho nüsanü anihbe neakbo ching shihcham lubah, jude yungsho nüsanü anihbe arümbo ching shihcham lubah;