THRÜNTAN 19:14 - AMÜSÜH HÜM CL Bible (BSI)

¹⁴ Jumonü Lotnü wukhiuk tüsho atsührübebo lurü api tsühmeakrübo ki tha, “Asürang, ha dangpung chingnü wukhiukang; tümüde Atungpuhnü ha kiuto dükheakshihbah!” Tüshe apinü keangrüchoh de atsühmeakbonü lüm.

THRÜNTAN 19:14 Iomraidhean Croise

THRÜNTAN 19:15

Küyimki ayinkhikheanü, yunirübonü Lot ki niokheampü tha, “Asürang, nü niube le nü tsührübe mahne ha ching lakhi bea lung, jude yungsho kiuto thsümüchikhi ching nüsa aniuabahbah.”

THRÜNTAN 19:17

Anenü arü bekhit akede, khülangnü api ki tha, “Nü rhangdung thsungkheak tsokhiang! Nü dunglim rholoa dükheah yungsho adükhün küching she dütuklo. Awungbo ching tsokhide yüang, jude yungsho nü dükheakbah.”

THRÜNTAN 19:22

Niokheamang, ju ching tsokhide yüang. Tümüde nü ju mukhiungyikia inü tümü she müthsükhuk.” Jumonü kiuto ki ju Zoar de ajikheah.

2 KIUTHSÜYUKHEAN 30:10

Jumonü yunithsürübonü kiuto chingnü kiuto yüde Ephraim tüsho Manase lomi hode tüsho Zebulun khiungde yü; tüshe arünü arü kheak akinashu mülade keangrümünejih.

2 KIUTHSÜYUKHEAN 36:16

tüshe api mihtsürübo kheak Atungpuh bukakhiukkhi khide tode kambah mutsokhitpü khiungde, arünü Thrünpuh yunithsürübo ki keangrümüne, api yubo mükhemükim thsü, tüsho api yo wukihrübo ki münejih.

ABEKHIT 12:31

Judüki apinü azhing ching Mosa tüsho Aron büne jibah tha, “Asürang tüsho nü le Israelrü I mihtsürü bolungnü tsoang. Tüsho yüang, nüsanü athakhi nangde Atungpuh tankihang.

ABEKHIT 9:21

Tüshe shepünü Atungpuh yu akin mülakheanü api yamlarübo tüsho akam-shiwühbo aleangkheak zojih.

MÜCHITMUDU 29:1

Shepü alochode thsülangjihjih she mulong müküpchonü, müthsüngukhukpü thsüde zukleangnü athsümünimbah.

ISAIA 28:22

Jumonü kheakü nüsanü luhmünekhi tukloang, jude yungsho nüsa rhükbe liu müküpshihbah; tümüde alomi alala kheak athsümünimpü yakzan thsükhi Wuto Atungpuh T H RÜ NPU H kilimnü inü sodo.

JEREMIA 20:7

O Atungpuh , nünü I mülapyukdo tüsho I mülapyuka lakheah, nünü I zhihodo tüsho nünü kukdo. I nimung amuyung münedung kamdo; alalanü I ki münejihchoh.

JEREMIA 43:1

Küyimki Jeremianü Atungpuh arü Thrünpuhnü arü kilim thiyia yüshihkhi Atungpuh arü Thrünpuh yubo alala mihtsürübo ki thakhamkhea,

JEREMIA 43:2

Hoshaia tsührü Azaria le Karea tsührü Johanan tüsho püpürü bukmüke mihtsürübo alalanü Jeremia ki tha, “ Nünü akeangyu thachoh. Atungpuh isa Thrünpuhnü hade athashihpü nü müthiyi, ‘ Ijip ching lapü düyü’;

JEREMIA 51:6

Babilon bolungnü tsoang, nüsa mihbüm abannü nihbuh rhangdung khümkhitang! Anihbe neak dünkheaknü düdükheak, tümüde ha Atungpuh royimkhi kim lah; anihbe ngüpü lakhi apinü jihlochoh.

EZEKIEL 20:49

Judüki inü tha, “Ah, Wuto Atungpuh ! Arünü I dünkheak thachoh, ‘ Apinü shihdanglimyu thachoh yung de?’ ”

WÜHKHE 16:21

“Nüke boto chingnü atrütang, tüsho inü arübo khülangkiyu thsüde akheamshihbah.”

WÜHKHE 16:26

Tüsho apinü boto ki tha, “Kheakü khimyam ching lakhi harü amütsü mihtsürübo kheaknü akhinang! Arü yo tümü she düqiu, jude yungsho arü neakbo dünkheaknü nüsa kheamkhambah.”

WÜHKHE 16:45

“ Harü boto chingnü tsoakhinang, tüsho inü arübo khülangkiyu thsüde akheamshihbah,” tüsho ane miro zhinabah.

MATHI 1:18

Jisu Khrista zübekhi hanangde alakheah: Abe Mari ju Josep ki rhangpü thiyu zoa lachoki, ane mülayide, Amüsüh Me hode alibe mübünkeangde kam.

MATHI 9:24

apinü arü ki tha, “Atrütang, tümüde anünübe müshe, tüshe ayapshekhi lang lah.” Tüshe arünü api ki münejih.

LUKNÜ ATHRÜTKHI THIYUSHEAK-ATSÜ HUHTANYU 24:11

Tüshe thiyubo ju arü ki makhakhi yu nangde alakheah, tüsho arünü ju akin müla.

LUKNÜ ATHRÜTKHI THIYUSHEAK-ATSÜ HUHTANYU 9:42

Api arüde alachoki amünean menü api züngde shuh-a adan, judüki Jisunü amünean me thürühbah azübuh ju thsüngu, tüsho abuh kilim jihlo.

YUNIRÜBO RHIMO 17:32

Küyimki arünü asherü arhang kamlokhi dünkheak sokhea, khürünü münejih; tüshe püpürünü tha, “Ha dünkheak kheaküshe isanü nü ki anibah.”

1 TESALONIKA 5:3

Küyimki mihtsürünü, “Mungtsü tüsho akhümkhit” de athabanü mübünkeangkhi liberü kheak zübethsünükhi nangde zukleangnü arü kheak athsümünim arübah, tüsho arü mutsokhide alabah.