THRÜNTAN 18:21 - AMÜSÜH HÜM CL Bible (BSI)

²¹ arü azhihde azhikhi inü asokhi atsütsü a shi yungnü ayimkhitpü I kheakü yükibah.”

THRÜNTAN 18:21 Iomraidhean Croise

THRÜNTAN 11:5

Tüshe mihtsürü tsührübonü athsükhi kiuto tüsho rünchang kheahpü Atungpuh aki.

THRÜNTAN 11:7

Arang, isanü yükianü tüsho arü yutha yingyingde kamshihanü, junangde arü khülangnü khülang manikhitachihde alabah.”

THRÜNTAN 18:17

Tüsho Atungpuhnü tha, “Inü tümü rhimopü lanü Abraham kheaknü aramba de?

THRÜNTAN 6:12

Junangde Thrünpuhnü alomi thsümünima ngü; tümüde mihtsürü alalanü alomi kheak arü lalim athsümünim lakheah.

JOB HU H T ANYU 34:22

Amütsü-rhimorü jikpü thsüde ju ching amiting yungsho alamme müla.

MUNGSHIKHÜN 14:2

Khürünü lümlung lade rhimode Thrünpuh yimcho shi yungnü akheahpü, Atungpuhnü yinmi chingnü mihtsürübo kheak abinkhia kheahchoh.

MUNGSHIKHÜN 90:8

Nünü isa amülimbo nü miki, rama lakhi isa neakbo nü yo ayinatrüm ching zo.

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

ABEKHIT 33:5

Tümüde Atungpuhnü Mosa ki tha, Israelrü ki thaang, “Nüsa anihnih mihtsürü ah. I nüsa lung anükhüh kheak lang she yükhülaa, inü nüsa shahde adükheakshihbah. Kheakü nüsa zülubo yihkhitang, tüsho nüsa kheak tümü rhimobanü inü apungkhibah.”

JEREMIA 17:1

Juda neak ju yinchi dosangnü thrütlah; shotolung-müküp müzheannü arü mulong beak kheak tüsho arü kingaün sadam juhbo kheak thrütkihlah,

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

JONA 1:2

“ Kiuto ato Nineve lim yüang, tüsho ju azhihde zhiang; tümütüsho arü mihbukmuyukbo I miki akihdo.”

MIKA 1:3

Tümüde kheahang, Atungpuh ju api lapung chingnü arüchoh, tüsho akibahle alomi achang dangpungbo kheak jungbah.

ZEPHANIA 1:12

Ju kim ching inü tsünpungbo shuhbah Jirusalem yimbah, tüsho nihbuh kheak reangkeamrü tüsho mulongramrü mihtsürü thsümüchibah, sherünü arü mulong ching thacho, “Atungpuhnü atsü yungsho amütsü she mürhimo.”

LUKNÜ ATHRÜTKHI THIYUSHEAK-ATSÜ HUHTANYU 16:15

Tüsho apinü arü ki tha, “Nüsa ju nüsa küdah thsüde mihtsürübo miki alim thsürübo ah, tüshe Thrünpuhnü nüsa mulongbo mükheahlah. Tümütüsho küpü mihtsürü bolung amo-achak lanü Thrünpuh miki athraneanbe lah.

JOHAN 6:38

Tümüde I lümkhi yungde I thiyibuh lümkhi rhimopü I yinmi chingnü akikheah.

2 KORINT 11:11

Inü nüsa mümuzhomonü ha thacho de? Inü muzholah de Thrünpuhnü mükheahlah!

YUZÜNGTHALO 13:3

nüsanü wukihrü yungsho milim müchitrü ki dani, tümüde atsütsü nüsanü Atungpuh nüsa Thrünpuh mulong alalanü tüsho me alalanü muzhola shi yungnü ju mükheahpü Atungpuh nüsa Thrünpuhnü nüsa rükakichoh.

YUZÜNGTHALO 8:2

Tüsho Atungpuh nüsa Thrünpuhnü sunglo ching nimung yirü bedarükhi nüsanü alümkhitbah, junangde apinü nüsa azhihayihshihde, nüsanü api yuzüng anidüshi yungnü nüsa mulong ching lakhi mükheahpü rükakibah.

1 TESALONIKA 4:16

Tümütüsho Atungpuh ju thiyukhüm jihkhi zhide, yunirü-atobuh düsheak thsüde, tüsho Thrünpuh yo hulipungpung mütde yinmi chingnü akibah. Tüsho Khrista ching shea larü akhuhde asürübah;

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.

JIHUSUA 22:22

“Atungpuh ju thrünpuhbo kurungkheak Thrünpuh! Atungpuh ju thrünpuhbo kurungkheak Thrünpuh! Apinü mükheahlah; tüsho Israelrünü she mükheahshihnelah! Ha Atungpuh azhihde api kheak akin mülaa lasho, khihni isa dülashih!