THRÜNTAN 18:20 - AMÜSÜH HÜM CL Bible (BSI)

²⁰ Tüsho Atungpuhnü tha, “Tümütüsho Sodom tüsho Gomorra azhihde azhikhi tüsho arü neak tode lah,

THRÜNTAN 18:20 Iomraidhean Croise

THRÜNTAN 13:13

Tüshe Sodom mihtsürübo hodakde mihbukmuyuk tüsho Atungpuh azhihde neak yihbeaka lakheah.

THRÜNTAN 19:13

Tümüde isanü ha dangpung dükheakshihbah, tümütüsho arü azhihde azhikhi Atungpuh miki tode kamdo, tüsho Atungpuhnü ju dükheakshihpü ike arüshihkheah.”

THRÜNTAN 19:4

Arü ayappü müngüh Sodom kiuto amühit aban chingnü athunurü tüsho azorü mihtsürü alalanü thüyam zündo.

THRÜNTAN 4:10

Tüsho Atungpuhnü tha, “Nünü tümü rhimokhea? Nü niurü thiyihnü alo chingnü I ki zhichoh.

THRÜNTAN 6:12

Junangde Thrünpuhnü alomi thsümünima ngü; tümüde mihtsürü alalanü alomi kheak arü lalim athsümünim lakheah.

ISAIA 3:9

Arü miro kheak kheahkhinü arü azhihkhi thiyumütsan huhchoh; arünü arü neak Sodom nangde zhiyukchoh, arünü ju müram. Arübo ayokhe! Tümüde arünü amütsü rhimo arü kheak handarüdo.

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

JEREMIA 14:7

Isa mülimkhibonü isa azhihde thiyumütsan thsüthsü she, O Atungpuh , nü mung chingnü rhimoang; tümüde isa ashitlokhi tode lah tüsho isanü nü azhihde neak yihbeakdo.

JEREMIA 23:14

Tüshe Jirusalem ching wukihrü bolung inü khide atrebe ngüdo: Arünü müzammüramchoh tüsho akeangyu ching tsahchoh; arünü amütsü rhimorü khah düküngloshihchoh, junangde sheshe mihbukmuyuk chingnü murholo; arü alala I ki Sodom nangde kamdo, tüsho ha ching larübo Gomorra nangde lah.

EZEKIEL 16:46

Nü chi azopü ju Samaria lakheah, shepü anihbe tsührübebo lung dukulim lakhea; tüsho nü chi akheambe, anihbe tsührübe lung düjinglim lakhi ju Sodom lakheah.

JOEL 3:13

Hirhüpbe yukang, tümüde yimlupü khiunga lah. Yüzahang, nitang, tümüde yukhu nitpung milah. Pangjiphühbo zhikhiuklah, tümüde arü mihbukmuyuk tolah.

JONA 1:2

“ Kiuto ato Nineve lim yüang, tüsho ju azhihde zhiang; tümütüsho arü mihbukmuyukbo I miki akihdo.”

JAKOB 5:4

Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo.