THRÜNTAN 18:19 - AMÜSÜH HÜM CL Bible (BSI)

¹⁹ Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

THRÜNTAN 18:19 Iomraidhean Croise

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

THRÜNTAN 12:3

Shepünü nü müngühjihchonü inü müngühjihbah, tüsho shepünü nü athruchonü inü muthrumüneanbah; tüsho nü lung alomi yamkhün alala müngühjihbah.”

THRÜNTAN 17:9

Thrünpuhnü Abraham ki tha, “Nü thsungkheaknü, nü tüsho nü dunglim nü tsühsoniusobonü arü lünbo alala ching I tangzüng zoang.

THRÜNTAN 22:18

Nü müjih ching alomi trükshih alala müngühmühibah, tümütüsho nünü I ki mihyuanido.”

THRÜNTAN 35:2

Jakobnü api yamkhün tüsho api lung larü alala ki tha, “Nüsa bolung lakhi khiungkerü thrünpuhbo bahbah nüsa tsangkhitang, tüsho nüsa khimmihbo müthriang.

2 SAMUEL 22:22

Tümüde inü Atungpuh yakzanbo ani, tüsho mihbukmuyuk rhimode I Thrünpuh kheaknü müchamachih.

2 SAMUEL 7:20

Tüsho Davidnü kheaküshe nü ki tümü thakhukba? Tümüde nünü nü yamlarü mükheahlah, O Atungpuh T HRÜNPU H !

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

2 KIUTHSÜYUKHEAN 14:3

Apinü khiungkerü kingaün sadambo tüsho achang dangpungbo lude tso, dungjingbo kingkheam, Ashera thrünbebo kiukheam,

NEHEMIA 9:7

Nü, Atungpuh Thrünpuhnü Abram mokhit tüsho Babilon lomi Ur chingnü bekhit; nünü api mung Abraham de müthrijih.

JOB HU H T ANYU 1:5

Tüsho küyimki aniojikhi nimungbo tankihkhea, Jobnü arübo jibah müsühkhit, tüsho apinü yapsu mükikde asürübah arü khekhi yande taka kingaünkhi jih; tümüde Jobnü tha, “ Khükia I tsührübonü neak yihbeaka labah, tüsho arü mulong ching Thrünpuh athrua labah.” Hanangde Job nü kamruhroro rhimo.

MUNGSHIKHÜN 1:6

tümüde Atungpuhnü thiyuro-lungkirü limro mükheahlah, tüshe mihbukmuyuk limro adükheakbah.

MUNGSHIKHÜN 11:4

Atungpuh ju api amüsüh arüngyam ching lah, Atungpuh kiulongthsü-binkiu yinmi ching lah; apinü lüpdükhi ching mihtsürübo kheahchoh; tüsho arü tümü rhimochonü mükheahlah.

MUNGSHIKHÜN 34:15

Atungpuh mük ju thiyuro-lungkirü lim, tüsho api nükhün arü zhikhi thrip lah.

MÜCHITMUDU 22:6

Azürü khülang ju api yüpü limro ching thsangyukhitang, tüsho küyimki api azorü kambanü ju chingnü müchamkhi.

ISAIA 38:19

Arhang larünü nü ki makshe jihchoh, inü khihni rhimokhi nangde; buhrübonü tsührübo ki nü thiyuro dünkheak mükheahshihchoh.

LEVI 14:42

tüsho arünü lahkhita bahkhi lungbo müthri lung püpü handarünü ayukbah, tüsho amujube aso handarünü rhü ju amujudobah.

AMOS 3:2

Alomi ching yamkhün alala lung inü nü lang mükheahlah; jumonü nü neak alala dünkheak inü nü thsümüchibah.

MATHI 25:17

Tüsho 2000 leangkhibuhnü she 2000 alü kamshih.

JOHAN 10:14

I namfimihnu neakrü atsü; inü I yo namfimihnubo mükheahlah, tüsho arünü I mükheahlah.

JOHAN 21:17

Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

YUNIRÜBO RHIMO 27:31

Paulnü atobuh tüsho bonungrübo ki tha, “Mihtsürü harü sangkung ching mülasho nüsa mükhümkhitkhuk.”

EFISIA 6:4

Buhrübo, nüsa tsührübo bukakhiukpü thsüde düthürüh, tüshe adanyukkhi tüsho Atungpuh thsangdankhi ching arü mütrükhitang.

YUZÜNGTHALO 32:46

tüsho apinü arü ki tha, “Inü khihni thiyumütsan jihkhi kheak nüsa mulong zoang, ha yakzan Israel tsührübonü kümkangde anishihpü nüsanü thiyukhüm jihang.

1 TIMOTHI 3:12

Tankihrübo ju niuberü khülang lang alarü thsübeah tüsho arünü arü tsührübo tüsho yambukbo tsüde kümkhukbeah;

2 TIMOTHI 1:5

Nü ji Lois tüsho nü be Euni büne akin nangde nü akin düküngde alakhi inü lümkhitchoh, tüsho kheakü nü kheak lah de inü kinlah.

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”

2 TIMOTHI 3:15

tüsho nü azüchokinü Jisu Khrista kheak kinkhi hode akhümkhit lim bepü lümlung jihkhukpü amüsühyubo nünü mükheahlah de nünü lümkhitang.

JIHUSUA 24:15

Kheakü nüsanü api mütankihnesho, nüsa lakhi lo ching nüsa jipürünü akingaünkhi kethripkhüh yungsho Amorrü thrünpuhbo tankihba shi shepü tankihbanü khihni mokhitang; tüshe I tüsho I yamkhün a Atungpuh tankihbah.”

MAHKHAPRÜ 13:12

Tüsho Manoanü tha, “ Kheakü nü yubo dünjishang! Azübuh rhangdung yakli tüsho api rhimo tümü laba?”