THRÜNTAN 18:17 - AMÜSÜH HÜM CL Bible (BSI)

¹⁷ Tüsho Atungpuhnü tha, “Inü tümü rhimopü lanü Abraham kheaknü aramba de?

THRÜNTAN 18:17 Iomraidhean Croise

THRÜNTAN 18:21

arü azhihde azhikhi inü asokhi atsütsü a shi yungnü ayimkhitpü I kheakü yükibah.”

THRÜNTAN 18:22

Judüki mihtsürübo ju kheaknü rholo tüsho Sodom limpeang yü, tüshe Abraham a Atungpuh miki zhip.

THRÜNTAN 18:26

Tüsho Atungpuhnü tha, “Inü Sodom ching thiyuro-lungkirü thünim ngüsho, arü thsülimnü kiubüm lashihbah.”

THRÜNTAN 19:24

Judüki Atungpuhnü molung tüsho mo thüning chingnü Sodom tüsho Gomorra kheak akishih.

2 KIULONG THSÜRÜ 4:27

Küyimki alibenü Thrünpuh mihtsürü shorupü awung ching arükhea, alibenü api jing kheak ramlo. Gehazinü alibe nima tsoshihpü thsü. Tüshe Thrünpuh mihtsürünü tha, “Alibe azangrü zojang, tümüde anihbe lümthsünü akhüh ching lah; Atungpuhnü ju I kheaknü ramlah tüsho I ki mütha.”

2 KIUTHSÜYUKHEAN 20:7

O isa Thrünpuh, nünü ha lomi ching larü nü mihtsürü Israel müngühnü yankhit, tüsho ju nü müyambuh Abraham tsühsoniusobo kilim lün thsungkheak jihkhi yung de?

MUNGSHIKHÜN 25:14

Atungpuh aramyu ju api trerü kheak lah, tüsho apinü arü ki api tangzüng huhbah.

AMOS 3:7

Tsükjide Atungpuh Thrünpuhnü api yamlarü wukihrübo ki rama lakhi alümkhi muhuhdüa tümü she müthsü.

JOHAN 15:15

Kheakü inü nüsa ki yamlarübo de müji, tümüde yamlarünü api putungrünü tümü rhimochonü mümükheah; tüshe inü nüsa ki müyamrübo de ji, tümüde inü I Buh kilimnü asokhi alala nüsa ki mükheahshihdo.

JAKOB 2:23

tüsho amüsühyu dünjide tha, “Abrahamnü Thrünpuh kin, tüsho api kilim thiyuro-lungki khejih”; tüsho api ju Thrünpuh müyambuh de ji.