THRÜNTAN 18:14 - AMÜSÜH HÜM CL Bible (BSI)

¹⁴ Atungpuh thsungkheaknü tümükhüh khide chakla de? Münchikhi kim ching shikam I nü kilim alode arübah, tüsho Sara tsührü khülang labah.”

THRÜNTAN 18:14 Iomraidhean Croise

THRÜNTAN 17:16

Inü alibe müngühjihbah tüsho anihbe hode nü kilim tsührü she khülang jihbah; inü alibe müngühjihbah tüsho anihbe ju trükshih ahihdo abe thsübah; mihtsürü kiulongthsürübo anihbe kheaknü arübah.”

THRÜNTAN 17:21

Tüshe nü kilim Saranü zübejihpü lakhi Isak kheak hadüchoki kim shikam I tangzüng zobah.”

THRÜNTAN 18:10

Tüsho apinü tha, “Tsükjide inü shikam hadüchoki kim ching nü kilim alode arübah, tüsho nü niube Sara tsührü khülang labah.” Tüsho Saranü api dunglim lakhi khimyam ripit kinü anide alakheah.

THRÜNTAN 18:13

Tüsho Atungpuhnü Abraham ki tha, “Tümü thsükhi Saranü münede athakhea, ‘Tümütüsho I shina lale, I tsükjide khungarü laba de?’

THRÜNTAN 18:15

Sara trede alakheah, jumonü anihbenü arochihde tha, “Inü mümüne.” Tüshe apinü tha, “Yung, nünü münedo.”

THRÜNTAN 21:1

Apinü athakhi nangde Atungpuhnü Sara rhua kheah, tüsho apinü alokhikhi nangde Atungpuhnü Sara thsungkheak rhimo.

THRÜNTAN 21:2

Tümüde Thrünpuhnü api ki akhukhi kim ching Sara mübünkeangde kam, tüsho Abraham anihbuh ashinbuhrü lachoki tsührü khülang zübejih.

2 KIULONG THSÜRÜ 4:16

Apinü tha, “Ha akheahmünchi arübe kam ching, nünü tsührü athrürü khülang kapbah.” Alibenü alo, “Yung, I tungpuh, O Thrünpuh mihtsürü; nü yamlarü rük daki.”

JOB HU H T ANYU 36:5

Tsükjide Thrünpuh a Wuto tüsho she amülim müjih; api anikhitkhi sühmüh ching Wuto lah,

JOB HU H T ANYU 42:2

Nünü alala thsükhuklah de inü mükheahlah, nü lümkhi tümünü she müzhipdokhuk.

MUNGSHIKHÜN 90:13

Rholoang, O Atungpuh ! Külokhüh? Tüsho nü yamlarübo kheak amuzho laang.

MUNGSHIKHÜN 93:1

Atungpuhnü kiulongthsüchoh, api ju wüntre-müretah yihlah; Atungpuh yihlah, api sühmühnü züt thsülah. Tsükjide alomiküp ju maphapkhukpü thsüde thsüa lah.

MUNGSHIKHÜN 95:3

Tümüde Atungpuh ju ato Thrünpuh, tüsho thrünpuhbo alala kurungkheak ato kiulongthsürü ah.

ISAIA 50:2

Tümüde I arüchoki she mülakhea? Tümüde inü ajichoki shenü malokhea? Mürhokhitkhukpü thsüde I khah kihla de? Yungsho abekhitpü I wu müla de? Inü thürühbah keto ngahshih, inü ayungbo loshelo kamshih; ke mülakhinü thüngühbo shuhabah tüsho kethürikhinü sheabah.

JEREMIA 32:17

Ah, Atungpuh T H RÜ NPU H ! Nünü nü wu ato tüsho nü khah chungkhitkhinü thüningbo tüsho alomi thrün! Nü thsungkheak tümü she achak müla.

JEREMIA 32:27

Kheahang, I Atungpuh , mihtsürü alala Thrünpuh; tümükhüh I thsungkheaknü khide chakla shi?

DANIEL 6:20

Küyimki api Daniel lapung kekhüzü-yam thüninde arükhea, apinü tripnede Daniel ki zhi, “ O Daniel, arhang Thrünpuh yamlarü, nünü thülünde tankihkhi nü Thrünpuhnü kekhüzübo chingnü nü bekhitkhuknah?”

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

ZEKARIA 8:6

Wuto Atungpuhnü ha thachoh: Harü nimungbo ching aningkhi mihtsürübo ki amukukbe thsüa lalashe, Wuto Atungpuhnü thachoh, I ki she amukukbe laba shi?

WÜHKHE 11:23

Atungpuhnü alo, “Atungpuh khah thamalah düpü? Kheakü nü thsungkheaknü I yu dünjinahnü nünü angübah!”

MATHI 14:31

Jisunü nahde khah chunga yüshihbah api tholo, tüsho api ki tha, “O nü akin ninikhi, tümüde nü dukiuhlokhea?”

MATHI 19:26

Tüshe Jisunü arü kheak kheahbah tha, “Mihtsürü thsungkheak ha amukukbe, tüshe Thrünpuh thsungkheak a alala akukbe lah.”

MATHI 3:9

tüsho nüsa küdah thsüde, ‘Abraham ju isa abuh ah,’ de athapü dülüm. Tümüde Thrünpuhnü harü lungbo kheaknü Abraham kilim tsührübo akhiukshihkhuklah de inü nüsa ki thachoh.

MARK 10:27

Tüshe Jisunü arü kheahde tha, “Mihtsürübo thsungkheaknü ha amukukbe, tüshe Thrünpuh thsungkheak a jude yung; tümüde Thrünpuh thsungkheak a alala akukbe lah.”

LUKNÜ ATHRÜTKHI THIYUSHEAK-ATSÜ HUHTANYU 1:13

Tüshe yunirünü api ki tha, “Zakaria dütre, tümüde nü tamkhüntamnü sojihdo; nü niube Elizabethnü nü kilim tsührü khülang zübejihbah tüsho nünü api mung Johan de ajibah.

LUKNÜ ATHRÜTKHI THIYUSHEAK-ATSÜ HUHTANYU 1:18

Zakarianü yunirü ki tha, “Ha inü küde amükheahba? Tümüde I lel niube khide shina lah.”

LUKNÜ ATHRÜTKHI THIYUSHEAK-ATSÜ HUHTANYU 1:37

Tümüde Thrünpuh kilim tümü amukukpü müla.”

LUKNÜ ATHRÜTKHI THIYUSHEAK-ATSÜ HUHTANYU 8:50

Tüshe küyimki Jisunü ju sokhea, apinü anihbuh ki alo, “Dütre; akin lang laang, tüsho alibe tsüde akambah.”

ROMRÜ KILIM PAULNÜ ATHRÜTKHI KIHÜM HUHTANYU 4:21

Thrünpuhnü alokhikhi arhimokhukbah de apinü mütsandakde alakheah.

EFISIA 3:20

Kheakü shepü wunü isa pang ching rhimode isanü akeokhipü tüsho alümpü alala kheaknü alü thsüde arhimokhukpü lanü api kilim,

YUZÜNGTHALO 30:3

Atungpuh nüsa Thrünpuhnü nüsa aramkhi chingnü belode arübah, tüsho nüsa kheak muzhode, Atungpuh nüsa Thrünpuhnü trük alala ching müzütshihkhi chingnü bemukhungbah.

YUZÜNGTHALO 7:21

Nüsanü arü ki dümüyinsah; tümüde Atungpuh nüsa Thrünpuh, ato tüsho atrebe Thrünpuh nüsa bolung lah.

FILIPI 3:21

Apinü anihbuh yakzan bukkhüp lüpdükhi hande arükhukkhi wu hode isa reangmüzahkhi pang müthrijihbah tüsho müretahkhi api pang nangde akamshihbah.

FILIPI 4:13

I sühmüh jihbuh hode inü lüpdükhi thsükhuklah.

IBRI 11:19

Thrünpuhnü mihtsürü ashe chingnü she arhang kamshihpü kuklah de apinü lüm; jumonü athapüa, apinü ashe chingnü anihbuh ngülo.

MAHKHAPRÜ 13:3

Tüsho Atungpuh yunirü alibe ki akhiuk tüsho tha, “ Kheakü nü aniungyüh ah tüsho tsührü müla, tüshe nü büm makeangde akambah tüsho tsührü khülang labah.

1 SAMUEL 14:6

Jonathannü api thsühnuk hanbuh athrününgtsüngbuh ki tha, “ Arang, ike harü tsütamübahkhi thiriri boto kilim wutuanü; khükia Atungpuhnü ike thsung thsüde arhimobah; tümüde hihang yungsho nükang Atungpuhnü akhümkhitpü ching tümünü she müzhipdokhuk.”