THRÜNTAN 18:11 - AMÜSÜH HÜM CL Bible (BSI)

¹¹ Abraham le Sara büne shina, tüsho kam hihde alakheah, tüsho khungarü lapü thsüde Sara kam hoa lakheah.

THRÜNTAN 18:11 Iomraidhean Croise

THRÜNTAN 17:17

Abrahamnü amiro mükhümbah müne, tüsho api mulong chingnü tha, “Mihtsürü khülang kam 100 azorü ki tsührü zübeba de? Tüsho kam 90 azorü kamkhi Saranü khungarü hanba shi?”

THRÜNTAN 17:24

Abraham tsütabahchoki api kam 99 azorü lakheah.

THRÜNTAN 21:7

Alibenü tha, “Saranü tsührü khülang mütrübah de Abraham ki shepünü thaa laba? Tütüshe inü anihbuh ashinbuhrü kamchoki api kilim tsührü khülang zübejihdo.”

THRÜNTAN 24:1

Kheakü Abraham zoban a ashinbuhrü lakheah, tüsho Atungpuhnü lüpdükhi ching Abraham müngühjih.

THRÜNTAN 24:36

Tüsho I putungrü niube Saranü I putungrü kilim anihbe shina lachoki tsührü khülang zübejih; tüsho apinü anihbuh lakhi alala api kilim jihdo.

THRÜNTAN 31:35

Tüsho alibenü abuh ki tha, “Inü nü miki müzhipkhi dünkheak I tungpuhnü bukdakhiuk; I aliberü yakli kim ah.” Junangde apinü yim tüshe yambuk thrünpuhbo müngü.

LEVI 15:19

Küyimki aliberü khülang nihbe khinu shihcham arübanü, alibe nimung thüne khiungde mümüsühkhi labah, tüsho shepünü alibe qiubanü arelim khiungde mümüsühkhi labah.

LUKNÜ ATHRÜTKHI THIYUSHEAK-ATSÜ HUHTANYU 1:18

Zakarianü yunirü ki tha, “Ha inü küde amükheahba? Tümüde I lel niube khide shina lah.”

LUKNÜ ATHRÜTKHI THIYUSHEAK-ATSÜ HUHTANYU 1:36

Kheakü nüsa betsührü Elizabeth she anihbe ashinshu tsührü khülang lah; tüsho shepü bünkeangberü lakheanü kheakü khinu thuruk thsüchoh.

LUKNÜ ATHRÜTKHI THIYUSHEAK-ATSÜ HUHTANYU 1:7

Tüshe ane tsührü müla, tümütüsho Elizabeth ju bünkeangberü tüsho ane chido khide shina lakheah.

IBRI 11:19

Thrünpuhnü mihtsürü ashe chingnü she arhang kamshihpü kuklah de apinü lüm; jumonü athapüa, apinü ashe chingnü anihbuh ngülo.

JIHUSUA 13:1

Kheakü Jihusua khide ashinbuhrü lakheah, tüsho Atungpuhnü api ki tha, “Nü khide shina lah, tüshe kheaküshe alo ahihdo yankhia lupü lah: