THRÜNTAN 17:7 - AMÜSÜH HÜM CL Bible (BSI)

⁷ Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

THRÜNTAN 17:7 Iomraidhean Croise

THRÜNTAN 15:18

Ju nimung Atungpuhnü Abram kheak tangzüng khülang thsü tüsho tha, “Nü tsühsoniusobo kilim inü ha lo jihchoh, Ijip ayung chingnü Euphra ayung ato–

THRÜNTAN 17:13

Nü yam chingnü azübekhi tüsho nü shonü thulode arükhi tsütabahbeah, tüsho I tangzüng ju nü shih ching akheam müla tangzüng labah.

THRÜNTAN 17:19

Thrünpuhnü tha: “Yung, nü niube Saranü nü kilim tsührü khülang zübejihbah, tüsho nünü amung Isak de ajibah; inü api tüsho api dunglim anihbuh tsühsoniusobo kheak akheam müla tangzüng zobah.

THRÜNTAN 26:24

Ju tsüngre Atungpuh api ki akhiuk tüsho tha, “I nü buh Abraham Thrünpuh ah; dütre, tümüde I nü lung lah. Inü I yamlarü Abraham thsülimnü nü müngühjihbah tüsho nü tsühsoniusobo bushihbah.”

THRÜNTAN 28:13

Tüsho kheahang, ju kumung Atungpuh zhip tüsho tha: “I nü buh Abraham tüsho Isak Thrünpuh Atungpuh ah; nü yapkhi lo inü nü tüsho nü tsühsoniusobo kilim jihbah.

THRÜNTAN 6:18

Tüshe inü nü kheak tangzüng zobah; tüsho nü tsührübo, nü niube, tüsho nü tsührübo niuberübo nü lung sangkung ching yüzahbah.

THRÜNTAN 9:16

Küyimki amobo ching mürechin akhiukbanü, inü ju kheahbah tüsho Thrünpuh le alomi kheak rhangdung lakhi loriloko mungji alala dükeak akheam müla I tangzüng lümkhitbah.”

2 SAMUEL 7:24

Tüsho nünü Israelrü lünnü nü mihtsürü thsüpü thsakham; tüsho O Atungpuh , nü arü Thrünpuh kamabah.

1 KIUTHSÜYUKHEAN 16:13

O api yamlarü Israel tsührü, Jakob tsührübo, apinü amokhitkhibo.

1 KIUTHSÜYUKHEAN 16:14

Api Atungpuh isa Thrünpuh; api mahkhapkhibo alomi alala ching lah.

MUNGSHIKHÜN 81:10

I nüsa Ijip chingnü bekhitbuh, Atungpuh nüsa Thrünpuh; nüsa mün atonü kaang tüsho inü amishihbah.

ABEKHIT 3:15

Kheaküshe Thrünpuhnü Mosa ki tha, “Israelrübo ki ha thaang: Atungpuh nüsa jipürü Abraham, Isak tüsho Jakob Thrünpuhnü I nüsa kilim arüshihkheah. Ha kamruhroro thsungkheak I mung ah, tüsho arübe lün alala thsungkheak ha I mung labah.

ABEKHIT 3:6

Kheaküshe apinü tha, “I nü pü Abraham, Isak tüsho Jakob Thrünpuh ah.” Judüki Thrünpuh kheak kheahpü trekhinü Mosanü amiro khuramabah.

ABEKHIT 6:4

Arü hanrü thsüde alakhi Kanan lomi ju inü arü kilim jihpü tangzüng thsü.

ABEKHIT 6:7

tüsho inü I mihtsürü thsüpü nüsa lubah, tüsho I ju nüsa Thrünpuh thsübah; I ju Ijip azhorü kuhi chingnü nüsa bekhitbuh Atungpuh nüsa Thrünpuh ah de nüsanü amükheahbah.

ISAIA 61:8

Tümüde I Atungpuhnü thiyuro muzholah, inü ahühara tüsho amülim rhimo thraneanlah; inü thiyuronü arü kilim thsambah jihbah, tüsho inü arü ki akheam mülakhi tangzüng khülang thsübah.

JEREMIA 31:1

Atungpuhnü thachoh, ju kim ching I Israel yamkhün alala Thrünpuh thsübah, tüsho arübo I mihtsürü thsübah.

EZEKIEL 28:26

Arünü ju ching tsüde alabah, tüsho thüyambo thsübah tüsho kurungasolubo thsübah. Arü bahyukde arhimorü arü yamhingrü alala kheak inü mahkhapchoki, arü tsüde alabah. Tüsho I Atungpuh arü Thrünpuh de arünü mükheahbah.

LEVI 11:45

Tümüyungde I nüsa Thrünpuh thsüpü thsüde, nüsa Ijip lo chingnü bekhitbuh Atungpuh ah; jumonü nüsa müsühde laang, tümütüsho I amüsüh ah.

LEVI 25:38

I Atungpuh nüsa Thrünpuhnü nüsa kilim Kanan lo jihpü tüsho nüsa Thrünpuh thsüshihpü nüsa Ijip lomi chingnü bekhit.

LEVI 26:12

I nüsa lung tsahbah tüsho nüsa Thrünpuh thsübah, tüsho nüsa I mihtsürü thsübah.

LEVI 26:44

Tütüshe, arübo arü riri lomi ching lalashe, inü arübo mübahyuk yungsho shahde müthsümünim, tüsho arü kheak inü tangzüngkhi müthsümünim; tümüde I Atungpuh arü Thrünpuh.

LEVI 26:45

Tüshe arü ki inü arü jipürü kheak tangzüngkhi lümkhitbah, arübo inü trükshih miki Ijip chingnü I arü Thrünpuh thsüpü bekhit: I Atungpuh ah.

LEVI 26:9

Inü nüsa kheak künde akheahbah tüsho nüsa aso asode wüh bushihbah, tüsho inü tangzüngkhi nüsa kheak zobah.

MIKA 7:20

Nünü awün nimungbo ching isa jipürü ki thiyuchihchimkhi nangde Jakob ki thiyuro tüsho Abraham ki mihmüthsüm huhbah.

MATHI 22:32

‘I Abraham Thrünpuh, Isak Thrünpuh tüsho Jakob Thrünpuh’? Api ju asherü yo yung tüshe arhang larü Thrünpuh ah.”

MARK 10:14

Tüshe küyimki Jisunü ju ngükhea, api khide masühde kam tüsho arü ki tha, “Azürü aninibo I kilim arüshang, tüsho arü düyanlo; tümütüsho Thrünpuh kiulongthsü harü yo ah.

YUNIRÜBO RHIMO 2:39

Tümüde alokhikhi ju nüsa le nüsa tsührübo tüsho limshu ching larü, Atungpuh isa Thrünpuhnü ajirü aban kilim lah.”

ROMRÜ KILIM PAULNÜ ATHRÜTKHI KIHÜM HUHTANYU 9:4

Arü ju tsührü kamkhi müretah, tangzüng, yakzan jihkhi, kingaün, tüsho alokhikhi lakhi ah;

EFISIA 2:2

küpü ching nüsanü khülangki ha lomi limro, apung wu yakzanshuhrü, kheakü mihyumanikhi tsührübo kheak rhimode alakhi me yande atsahkhea,

YUZÜNGTHALO 29:13

junangde apinü khihni nüsabo api mihtsürü kamshihbah, tüsho apinü nüsa le nüsa jipürü Abraham, Isak tüsho Jakob ki thiyuchihchimkhi nangde api nüsa Thrünpuh thsübah.

IBRI 11:16

Tüshe arünü atsübe, yinmi lomi müshamde la. Jumonü Thrünpuhnü arü Thrünpuh de ajipü machih, tümüde apinü arü kilim kiuto khülang thsakhamjih.

IBRI 8:10

Ju nimung dunglim inü Israel yamkhün kheak tangzüngpü ha lah, Atungpuhnü thachoh: Inü arü lümkhi ching yakzan yukjihbah, tüsho arü mulongbo kheak thrütbah, I arü Thrünpuh thsübah tüsho arü I mihtsürü thsübah.

MAHKHAPRÜ 2:1

Judüki Atungpuh yunirü Gilgal chingnü Bokim ching atu tüsho tha, “Inü nüsa Ijip chingnü bekhit tüsho inü nüsa jipürü ki alokhikhi lomi ching bedarü; tüsho inü tha, ‘Inü küyimkishe nüsa ki tangzüngkhi müthsümünim.