THRÜNTAN 17:23 - AMÜSÜH HÜM CL Bible (BSI)

²³ Jumonü Abrahamnü api tsührü Ishmael api yam ching zübekhi tüsho shonü thulode arükhi alala, Abraham yam ching athrürü aban bea lu, tüsho Thrünpuhnü api ki thiyukhüm jihkhi nangde ju ninü tsütabahjih.

THRÜNTAN 17:23 Iomraidhean Croise

THRÜNTAN 14:14

Küyimki Abramnü api keoniorü ramde atsokhi sokhea, apinü anihbuh yam ching zübebah anokhitkhi yamlarü 318 zülu yihjih, tüsho Dan khiungde müshamde yü.

THRÜNTAN 17:9

Thrünpuhnü Abraham ki tha, “Nü thsungkheaknü, nü tüsho nü dunglim nü tsühsoniusobonü arü lünbo alala ching I tangzüng zoang.

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

THRÜNTAN 34:24

Tüsho kiuto chipiripit hode awukhiukrü alalanü Hamor tüsho api tsührü Shekem büne ki ani; kiuto chipiripit hode awukhiukrü athrürü aban tsütabah.

MUNGSHIKHÜN 119:60

Nü yukhümbo anipü inü niokheam, tüsho mashu.

MÜCHITMUDU 27:1

Shido thsungkheak dükükheang, tümütüsho tümü nimung arübanü nünü mümükheah.

T H S AN GYU T H S AN GR ARÜ 9:10

Tümüpürü nü khahnü arhimopü ngübanü, mürangde rhimoang; tümütüsho nü yüde alakhi Ashe-lomi ching rhimo yungsho lümkhi yungsho mükheahmudu yungsho lümlung müla.

YUNIRÜBO RHIMO 16:3

Paulnü api lung Timothi arüshihpü mulong; tüsho apinü anihbuh bea lubah jurü dangpung ching lakhi Jihudarübo thsülimnü tsütabahjih, tümüde abuh ju Greekrü lakheah de alalanü mükheahlah.

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

GALATIA 6:15

Tsütabahkhi yungsho tsütamübahkhi tümü she yung; aso thrünlokhi ju lang khechoh.