THRÜNTAN 17:17 - AMÜSÜH HÜM CL Bible (BSI)

¹⁷ Abrahamnü amiro mükhümbah müne, tüsho api mulong chingnü tha, “Mihtsürü khülang kam 100 azorü ki tsührü zübeba de? Tüsho kam 90 azorü kamkhi Saranü khungarü hanba shi?”

THRÜNTAN 17:17 Iomraidhean Croise

THRÜNTAN 17:18

Tüsho Abrahamnü Thrünpuh ki tha, “O, Ishmael nü miki lakhülaa!”

THRÜNTAN 17:3

Abramnü amiro mükhümbah khukning, tüsho Thrünpuhnü api ki tha:

THRÜNTAN 18:11

Abraham le Sara büne shina, tüsho kam hihde alakheah, tüsho khungarü lapü thsüde Sara kam hoa lakheah.

THRÜNTAN 18:12

Jumonü Saranü lümakheahbah anihbe zangrü müne, “I tüsho I tungpuh shinabahbah shih asühkhi lanahki du?”

THRÜNTAN 21:5

Isak zübechoki Abraham kam 100 azorü lakheah.

THRÜNTAN 21:6

Tüsho Saranü tha, “Thrünpuhnü I kilim amünepü hande arüjih, tüsho ha dünkheak sorü abannü I ki münejihbah.”

THRÜNTAN 21:7

Alibenü tha, “Saranü tsührü khülang mütrübah de Abraham ki shepünü thaa laba? Tütüshe inü anihbuh ashinbuhrü kamchoki api kilim tsührü khülang zübejihdo.”

1 KIUTHSÜYUKHEAN 21:16

Davidnü abinkih-a kheah tüsho thüning le alo dükeak Atungpuh yunirü zhipa ngü, tüsho nukshang khülang Jirusalem kumung dünkih-a api khah ching shuh. Judüki David tüsho azothsürübonü shungliukhim phuyubah khukning.

JOB HU H T ANYU 1:20

Judüki Jobnü asürü, api yo shulünkhim thorüp, api ku hüt, tüsho alo kheak khukningbah kingaün.

EZEKIEL 1:28

Tsüng arükhi nimung amo ching mürechin nangde, ju mükamde ayin-zhingzhing lakheah. Ha Atungpuh müretah akhiukkhi lakheah. Küyimki inü angükhea, inü I miro koyu tüsho khülangnü asukkhi düsheak inü so.

DANIEL 8:17

Jumonü I zhippung phünide api arü; tüsho küyimki api arükhea, I trede kam tüsho alo ching yap. Tüshe apinü I ki tha, “ O mihtsürü tsührü, michih ha akheam kim thsungkheak ah de anikhitang.”

LEVI 9:24

Atungpuh kilimnü mo akhiuk tüsho kingaünpung kheak lakhi taka kingaünkhi tüsho müdangmurubo aniuabah. Küyimki mihtsürübonü ju ngükhea, arü alalanü zhi tüsho arü miro mükhümabah.

WÜHKHE 14:5

Mosa le Aron anenü Israelrü amukhungrü boto miki mükhüm.

WÜHKHE 16:22

Tüsho anenü mi zhinbahle tha, “O Thrünpuh mihtsürü me alala Thrünpuh, mihtsürü khülang neak dün, boto alala kheak nü bukakhiukba de?”

WÜHKHE 16:45

“ Harü boto chingnü tsoakhinang, tüsho inü arübo khülangkiyu thsüde akheamshihbah,” tüsho ane miro zhinabah.

MATHI 2:11

Tüsho küyimki arü thüyam ching yüzahkhea, arünü azürü ju abe Mari lung ngü, tüsho mükhümbah api kingaün. Tüsho arünü thsambah düm trünbah api kilim suna, jinjinlak, tüsho rhümthüneabe thsambahbo jih.

LUKNÜ ATHRÜTKHI THIYUSHEAK-ATSÜ HUHTANYU 1:18

Zakarianü yunirü ki tha, “Ha inü küde amükheahba? Tümüde I lel niube khide shina lah.”

JOHAN 8:56

Nüsa abuh Abrahamnü I nimung kheahpü asüh, tüsho apinü ngübah asüh.”

YUZÜNGTHALO 9:18

Akhuhlim nangde, nimung yirü tüsho tsüngre yirü inü Atungpuh miki khukning; tümütüsho nüsanü Atungpuh miki mütsüde neak yihbeakbah api bukakhiukshihkhi hode inü yikhap mütsüh yungsho ke she muyung.

YUZÜNGTHALO 9:25

“Jumonü inü Atungpuh miki nimung yirü tüsho tsüngre yirü mükhüm; tümütüsho Atungpuhnü nüsa dükheakshihbah de tha.

JIHUSUA 5:14

Apinü alo, “ Küpü she yung; tüshe Atungpuh bonungrü thiyukhüm jihrü I kheakü arüdo.” Tüsho Jihusuanü alo kheak khukningbah kingaün, tüsho apinü tha, “I TUN GPU H , nü yamlarü ki nünü tümü thiyukhüm jihnela?”

JIHUSUA 7:6

Jihusua tüsho Israelrü limberübonü mulong tukthsüde arü khim rukrüp, tüsho arü ku kheak asungthulung yükihde alo ching awuh, tüsho arü mulong tukthsükhi huhde Atungpuh tangzüng sangdan ki alo ching awuhde arelim khiungde yap.

AMIKHEAKAKHIUKKHI 11:16

Tüsho Thrünpuh miki arü kiulongthsü-binkiubo kheak binkhi azothsürü mukukheak phüyinü arü miro mükhüm tüsho Thrünpuh kingaünde

AMIKHEAKAKHIUKKHI 5:8

Tüsho küyimki apinü küpqiu lukheanü, arhang shiwüh phüyi tüsho azothsürü mukukheak phüyi, arü abannü akinrübo tamkhüntamnü bingkhung tüsho rhümthüneanü mide suna phurusükbo shuhbah Namfimihnunu miki khukning;

MAHKHAPRÜ 13:20

Kingaün sadam kheaknü motru thüning lim yükihchoki, Atungpuh yunirü kingaün sadam motru ching aki. Küyimki Manoa tüsho aniubenü ha ngükhea, anenü ane miro alo lim mükhüm.