THRÜNTAN 17:13 - AMÜSÜH HÜM CL Bible (BSI)

¹³ Nü yam chingnü azübekhi tüsho nü shonü thulode arükhi tsütabahbeah, tüsho I tangzüng ju nü shih ching akheam müla tangzüng labah.

THRÜNTAN 17:13 Iomraidhean Croise

THRÜNTAN 14:14

Küyimki Abramnü api keoniorü ramde atsokhi sokhea, apinü anihbuh yam ching zübebah anokhitkhi yamlarü 318 zülu yihjih, tüsho Dan khiungde müshamde yü.

THRÜNTAN 15:3

Tüsho Abramnü tha, “Nünü I kilim tsührü müjih; jumonü I yamkhün ching azhorü khülangnü I yamrüplurüp lubah.”

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

THRÜNTAN 37:27

Arang, isanü api Ishmaelrü ki yinanü, tüsho isa khah api kheak muchungnü, tümüde api isa niurü tüsho isa shih ah.” Tüsho api keoniorübonü mulong.

THRÜNTAN 37:36

Kheakü api ju Midiarünü Ijip ching Pharao torü tüsho api aheangrü wühkenobuh Potiphar ki yin.

THRÜNTAN 39:1

Kheakü Josep ju Ijip lim bede yüki. Tüsho ju ching bede yükirü Ishmaelrü kheaknü Pharao torü, aheangrü wühkenobuh, Ijiprü Potipharnü thulo.

THRÜNTAN 9:16

Küyimki amobo ching mürechin akhiukbanü, inü ju kheahbah tüsho Thrünpuh le alomi kheak rhangdung lakhi loriloko mungji alala dükeak akheam müla I tangzüng lümkhitbah.”

NEHEMIA 5:5

Keoniorü Jihudarü nangde isa tüsho isa tsührübo she arü ruk lang ah; tüshe isa tsührübo reangkih-a azhorü kuhi kamshih. Isa tsührü aliberü khürü a azhorü kuhi kamde yinabahdo, tüshe arhokhitlopü thsüde isa kheak süküp müla, tümüde isa lubo tüsho kurungasolubo mührü yo kamabahdo.”

NEHEMIA 5:8

Tüsho arü ki tha, “Isanü akukthülün keoniorü Jihudarü khiungkerü ki yinkhi rhokhitlodo, nüsa dokhühnü she nihbe keoniorü yinba de? Yungsho arü ju isa ki yinba de?” Limberübo ju jikshe müthsüdebah tüsho athapü tümü müyimkhit.

ABEKHIT 12:44

Tüshe shonü athulokhi yamlarübo küyimki nünü api tsütabahbanü, jushu apinü atsühbah.

ABEKHIT 21:16

“Shepünü mihtsürü ahüh-a lubah ayinba, yungsho api khah ching yimkhitsho api asheshihbah.

ABEKHIT 21:2

Nünü Ibrirü azhorü thulosho, apinü kam thuruk nü tankihbah; tüsho athünepü ching tümü müjihde zuzu thsüde api awukhiukbah.

ABEKHIT 21:4

Api putungrünü aniube lujih-a lasho, tüsho api kilim tsührübo le tsührübebo zübejih-a lasho, aniube le atsührübo ju alibe putungrü yo thsübah, tüsho api langzü wukhiukbah.

LEVI 22:11

Tüshe amükeambuhnü shonü athulokhi azhorü yungsho api yam chingnü azübekhi azhorünü a api tsühyungpü tsühpü kuklah.

MATHI 18:25

Tüshe apinü müshakkhukkhinü, anihbuh putungrünü shozüng shakpü thsüde api lung aniube le atsührübo tüsho api lakhi alala yinpü thiyukhüm jih.