THRÜNTAN 17:10 - AMÜSÜH HÜM CL Bible (BSI)

¹⁰ Ha nü tüsho nü dunglim nü tsühsoniusobonü azopü I tangzüng ah: Nüsa bolung athrürü aban tsütabahbah.

THRÜNTAN 17:10 Iomraidhean Croise

THRÜNTAN 17:11

Nüsa tsütabahbah, tüsho ju I le nü dükeak tangzüng amütsan labah.

THRÜNTAN 17:23

Jumonü Abrahamnü api tsührü Ishmael api yam ching zübekhi tüsho shonü thulode arükhi alala, Abraham yam ching athrürü aban bea lu, tüsho Thrünpuhnü api ki thiyukhüm jihkhi nangde ju ninü tsütabahjih.

THRÜNTAN 17:27

tüsho api yam ching mihtsürü alala, thüyam ching zübekhi yungsho khiungkerü shonü athulokhi api lung tsütabah.

THRÜNTAN 21:4

Judüki Thrünpuhnü api ki thiyukhüm jihkhi nangde atsührü Isak nimung tizheah bankhitchoki Abrahamnü tsütabah.

THRÜNTAN 34:15

Tüshe ha yakli hode isanü nüsa ki mülübah: nüsa ju isa nangde kamde, nüsa athrürü aban tsütabahsho,

THRÜNTAN 34:22

Tüshe arübo nangde isa athrürübo tsütabahsho lang mihtsürübo isa lung mihtsürü khülang thsüde alapü mulongbah.

ABEKHIT 12:48

Tüsho küyimki khiungkerü nüsa lung labah Atungpuh kilim phungho-thünio arüngbanü, athrürü alala tsütabahshang tüsho apinü phünide arübah shihcham lushang; tüsho api lomi ching asürükhi ruk labah. Tsütamübahkhi mihtsürü shenü she ju mütsüh.

ABEKHIT 4:25

Judüki Zipporanü lung ayuk handarübah atsührü küp tsütabah, junü Mosa jing qiu tüsho tha, “Atsütsü nü a thiyihnü I yamkhünbuh ah.”

JEREMIA 4:4

Atungpuh kilim nüsa küdah thsüde tsütabahang, nüsa mulong küp muhiukhita bahang, O Juda mihtsürü tüsho Jirusalem ching larübo, yungsho I bukakhiukkhi mo nangde ayübah, tüsho shenü she nüsanü amütsü rhimokhi dünkheaknü müzünmütkhukde atakbah.

JOHAN 7:22

Jumonü Mosanü nüsa kilim tsütabahpü jih (Mosa kilimnü yung tüshe jipürü kilimnü), tüsho nüsanü Amuni athrürü tsütabahchoh.

YUNIRÜBO RHIMO 7:8

Judüki apinü anihbuh kilim tsütabahpü tangzüng jih; junangde Abrahamnü Isak ngü tüsho nimung tizheahpü ching api tsütabah; tüsho Isak kheaknü Jakob trükkhit tüsho Jakob kheaknü jipürü 12 trükkhit.

ROMRÜ KILIM PAULNÜ ATHRÜTKHI KIHÜM HUHTANYU 2:28

Mihtsürü ju amikheak lang a sho, yungsho amikheak shih tsütabahkhi lang a sho Jihudarü yung.

ROMRÜ KILIM PAULNÜ ATHRÜTKHI KIHÜM HUHTANYU 3:25

Thrünpuhnü akin hode thiyihnü dünthsükhishihpü, api thiyuro-lungki huhpü arüshih, tümütüsho akhuhlim yihbeakkhi neakbo api arümkheamkhinü Thrünpuhnü khenoabahjih–

ROMRÜ KILIM PAULNÜ ATHRÜTKHI KIHÜM HUHTANYU 3:28

Tümütüsho yakzan rhimokhinü yungde akin hode mihtsürü alim mütsanchoh de isanü athazhak thsüchoh.

ROMRÜ KILIM PAULNÜ ATHRÜTKHI KIHÜM HUHTANYU 3:30

tümütüsho Thrünpuh ju khülang ah; tüsho apinü tsütabahkhi tüsho tsütamübahkhi arü akin hode alim mütsanjihbah.

GALATIA 3:28

Jumonü Jihudarü yungsho Greek, azhorü yungsho zuzu, athrürü yungsho aliberü dükeak tümü büthsüde müla; tümüde nüsa alala Jisu Khrista ching khülang ah.

GALATIA 6:12

Sherünü amikheak atsü huhpü künlanü nüsa reangkiha tsütabahshihpü mürangchoh. Arünü ha rhimokhi amütsan ju Khrista sangkim dünkheaknü thsümüchi tsokhitpü lah.

EFISIA 2:11

Jumonü kim khülang ching, pang ching khahnü tsütabahrünü nüsa khiungkerü ki shih ching tsütamübahrü de ajikhi lümkhitang–

YUZÜNGTHALO 10:16

Jumonü nüsa mulong tsütabahang, tüsho kheaküa nihnihde düla.

YUZÜNGTHALO 30:6

Tüsho nü mulong athrünkhinü tüsho nü me athrünkhinü api muzhopü thsüde Atungpuh nü Thrünpuhnü nü mulong tüsho nü tsühsoniuso mulong tsütabahjihbah, junangde nüsa rhangdung labah.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

JIHUSUA 5:2

Atungpuhnü Jihusua ki tha, “Yinchikheamnü nukjip khürü kingang tüsho Israelrü mahne kipü tsütabahang.”

JIHUSUA 5:4

Hamonü Jihusuanü harübo tsütabahjih: Ijip chingnü akhiukrü athrürü, tüsho thirithsürübo Ijip chingnü akhiukbah sunglo ching sheabahrü alala.