THRÜNTAN 15:5 - AMÜSÜH HÜM CL Bible (BSI)

⁵ Apinü anihbuh wungdo ching bekhit tüsho tha, “Thüning lim kheahang, tüsho chiningbo nünü khekhamkhuksho kheang.” Tüsho apinü anihbuh ki tha, “Junangde nü tsühsoniusobo labah.”

THRÜNTAN 15:5 Iomraidhean Croise

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

THRÜNTAN 13:16

Tüsho inü nü tsühsoniusobo asungthulung nangde akamshihbah; junangde khürünü asungthulung khekhuksho nü tsühsoniusobo she akhekhukbah.

THRÜNTAN 16:10

Yunirünü thalo, “Inü nü tsühsoniusobo mükhekhampü thsüde hihde akamshihbah.

THRÜNTAN 17:2

Tüsho inü nü le I dükeak tangzüng thsübah, tüsho inü nü hihdakde wüh bushihbah.”

THRÜNTAN 22:17

müngühmühi ching inü nü müngühjihbah, tüsho wühjabuja ching thüning ching chiningbo tüsho keyean loyibo nangde nü tsühsoniusobo bushihbah; tüsho nü tsühsoniusobonü arü riri kiutobo müküh-a lubah.

THRÜNTAN 26:4

Tüsho inü nü tsühsoniusobo ju thüning ching chiningbo nangde abushihbah; inü nü tsühsoniusobo kilim harü lobo alala jihbah; tüsho nü müjih ching alomi trükshih alala müngühmühibah;

THRÜNTAN 28:14

Nü tsühsoniusobo alo asungthulung nangde alabah; nü aniyüzahlim tüsho aniakhiuklim, dukulim tüsho düjinglim bude ayübah; tüsho nü le nü müjih ching alomi yamkhün alala müngühmühibah.

THRÜNTAN 32:13

Jumonü ju re apinü ju ching binkheam, tüsho api lung lakhi chingnü akhiung Esau khilim thsambah thsüpü mokhita lu;

1 KIULONG THSÜRÜ 3:8

Tüsho nü yamlarü a nünü amokhitkhi khea kheahpü hihdakkhi yungsho mükhekhukkhi boto ato mihtsürü bolung ching lah.

1 KIUTHSÜYUKHEAN 27:23

Davidnü kam 20 abukkhüp a mükhe, tümüde Israel thüning ching chiningbo nangde hihde akamshihpü Atungpuhnü alokhi.

NEHEMIA 9:23

Thüning ching chiningbo nangde nünü arü kilim tsührübo jih, tüsho nünü arü jipürü ki müküh-a lushihpü thakhi lo ching arü bebah arü.

JOB HU H T ANYU 35:5

Thüning lim kheahang; amobo kheahang, küpü nü kheaknü achangbe la.

MUNGSHIKHÜN 147:4

Apinü chiningbo khechoh; apinü arü alala mungnü jichoh.

ABEKHIT 32:13

Nü yamlarübo Abraham, Isak, tüsho Jakob lümkhitang, sherü ki nünü thiyuchihchimde tha, ‘Inü nüsa tsühsoniusobo thüning ching chiningbo nangde abushihbah; inü alokhikhi alala nüsa tsühsoniuso kilim jihbah, tüsho arünü ju lünnü yamrüplurüp lubah.’”

ISAIA 51:2

Nü buh Abraham tüsho nü zübebe Sara kilim kheahang; tümüde inü api zangrü jikheah, tüshe inü api müngühjih tüsho api hihde kamshih.

JEREMIA 33:22

Thüning ching chiningbo mükhekhamkhi nangde tüsho keto loyi madünkhukkhi nangde, inü I yamlarü David tsührü, tüsho I tankihrü Levirü bushihbah.

ROMRÜ KILIM PAULNÜ ATHRÜTKHI KIHÜM HUHTANYU 4:18

Trükshih ahihdo abuh kampü thsüde mulonglam mülakhi azhihde mulonglam ching apinü kin; api ki ha thaa lakheah, “Junangde nü tsühsoniusobo labah.”

YUZÜNGTHALO 1:10

Atungpuh nüsa Thrünpuhnü nüsa wüh bushihdo, tüsho thüning ching lakhi amükhebin chiningbo nangde, khihni nüsa ha ching lah.

YUZÜNGTHALO 10:22

Nüsa jipürü mihtsürü 70 Ijip lim yüki, tüsho kheakü Atungpuh nüsa Thrünpuhnü nüsa thüning ching chiningbo nangde hihde kamshih.

IBRI 11:12

Tüsho api sheabah-a lalashe, mihtsürü khülang kheaknü thüning chiningbo hihdakkhi nangde tüsho kemungyean mükhebinkhi loyi nangde tsühsoniusobo trükkhit.

JIHUSUA 24:3

Tüsho inü nüsa jipürü Abraham ju Euphra chingnü bekhitbahle Kanan lo alala behode yü, tüsho tsühsoniuso amükhebin jih. Inü api kilim Isak jih;