THRÜNTAN 15:18 - AMÜSÜH HÜM CL Bible (BSI)

¹⁸ Ju nimung Atungpuhnü Abram kheak tangzüng khülang thsü tüsho tha, “Nü tsühsoniusobo kilim inü ha lo jihchoh, Ijip ayung chingnü Euphra ayung ato–

THRÜNTAN 15:18 Iomraidhean Croise

THRÜNTAN 12:7

Judüki Atungpuhnü Abram ki akhiuk tüsho tha, “Nü tsühsoniusobo ki inü ha lo jihbah.” Tüsho apinü ju ching api ki akhiukbuh Atungpuh kilim kingaün sadam khülang thsü.

THRÜNTAN 13:15

tümüde nünü angükhi lomi inü nü tüsho nü tsühsoniusobo kilim lünnü ajihbah.

THRÜNTAN 2:14

Mahsampü ju Tigri, ha Asiria aniakhiuklim bukchoh, tüsho aphüyipü mung ju Euphra.

THRÜNTAN 24:7

Atungpuh yinmi Thrünpuh, shepünü I keoniorü lomi tüsho I buh yamkhün chingnü I bea lukhea, tüsho I ki thiyuchihchimde tha, ‘Nü tsühsoniusobo kilim inü ha lomi jihbah,’ apinü nü müngüh api yunirü thiyibah tüsho nünü ju chingnü I tsührü niube lujihbah.

THRÜNTAN 26:4

Tüsho inü nü tsühsoniusobo ju thüning ching chiningbo nangde abushihbah; inü nü tsühsoniusobo kilim harü lobo alala jihbah; tüsho nü müjih ching alomi trükshih alala müngühmühibah;

THRÜNTAN 28:4

tüsho nü le nü tsühsoniusobo kilim Abraham müngühmühi jihchoh, junangde Thrünpuhnü Abraham kilim jihkhi, nüsa khiungkerü thsüde alakhi lomi nüsa kilim jihbah.”

THRÜNTAN 35:12

Inü Abraham tüsho Isak jihkhi lo nü kilim jihchoh; tüsho nü dunglim nü tsühsoniusobo kilim inü ha lo jihchoh.”

THRÜNTAN 50:24

Tüsho Josepnü api keoniorübo ki tha, “I shechoh; tüshe Thrünpuhnü tsükjide nüsa rhua kheahbah, tüsho ha lomi chingnü bekhitde apinü Abraham, Isak tüsho Jakob ki thiyuchihchimkhi lomi ching yübah.”

2 SAMUEL 23:5

I yam Thrünpuh lung müla de? Tümüde apinü I kheak lün yo tangzüngdo, lüpdükhi akhinashu thsüde tüsho kümdoa zojih. Apinü I yihnüpü tüsho inü akünkhi akuk müngüshihba de?

2 SAMUEL 8:3

Kheaküshe Zobarü Rehob tsührü kiulongthsüpuh Hadadezer anihbuh lung khimkhi thsülopü Euphra lim yüde alachoki Davidnü laksah.

1 KIULONG THSÜRÜ 4:21

Solomon ju Euphra chingnü Filistia lomi kiulongthsürübo alala kurungkheak, Ijip aredungyean she khiungde wu-sühmüh lakheah; arünü ruk handarü tüsho Solomon rhangdung lakhi amuyung tankih.

1 KIULONG THSÜRÜ 5:1

Küyimki arünü abuh müthri kiulongthsürü thsüpü Solomon mujude-mokhitkhi Tair kiulongthsüpuh Hiramnü asokhea, apinü ayamlarübo kilim yüshih; tümüde kamruhroro Hiram ju David müyambuh lakheah.

1 KIUTHSÜYUKHEAN 16:16

apinü Abraham ki tangzüngkhi, apinü Isak ki thiyuchihchimkhi,

1 KIUTHSÜYUKHEAN 5:9

Api Euphra limpeang loshelo atankihpung khiungde aniakhiuklim she la, tümütüsho arü akamshiwühbo Gilead lo ching bua lakheah.

2 KIUTHSÜYUKHEAN 7:8

Ju kim ching Solomonnü nimung thüne thünio mung, tüsho api lung Israel alala, Lebo-hamath chingnü Ijip ayung khiungde hihdakde mukhung.

2 KIUTHSÜYUKHEAN 8:7

Mihtsürü alala Hitrü, Amorrü, Perizrü, Hivrü, tüsho Jebusrü aningkhi, sherübo Israel yungnü,

2 KIUTHSÜYUKHEAN 9:26

Apinü kiulongthsürü alala kurungkheak Euphra chingnü Filistia lomi, tüsho Ijip aredungyean khiungde kiulongthsü.

EZRA 4:20

Jirusalem ching sühmüh larü kiulongthsürübonü aniyüzahlim Euphrarü kurungkheak ruk threa tsühde wüntre jihshihde laa lah.

NEHEMIA 9:8

Nü kheak thiyuro lah de nünü api ngü tüsho api kheak tangzüng. Nünü api kheak Kananrü, Hitrü, Amorrü, Perizrü, Jebusrü tüsho Girgashrü lo api tsühsoniuso lashihpü thiyuchihchim. Nünü thiyuchihchimkhi rhimodo, tümüde nü thiyuro. @1-LINE- SP ACE=

MUNGSHIKHÜN 105:11

tha, “Inü nü yamrüplurüp kilim mülükhi thsüde Kanan lomi jihbah,”

ABEKHIT 13:11

“Küyimki Atungpuhnü nüsa le nüsa jipürü ki alokhikhi Kananrü lo ching nüsa bede yüzahbanü tüsho nüsa jihbanü,

ABEKHIT 2:24

Jumonü Thrünpuhnü arü ashekhi so, tüsho Abraham, Isak tüsho Jakob ki apinü tangzüngkhi lümkhit.

ABEKHIT 23:23

Tümütüsho I yunirü nüsa müngüh yübah tüsho nüsa Amorrü, Hitrü, Perizrü, Kananrü, Hivrü tüsho Jebusrü lomi ching bede yüzahbah; tüsho inü arübo dükheakshihbah.

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

ABEKHIT 32:13

Nü yamlarübo Abraham, Isak, tüsho Jakob lümkhitang, sherü ki nünü thiyuchihchimde tha, ‘Inü nüsa tsühsoniusobo thüning ching chiningbo nangde abushihbah; inü alokhikhi alala nüsa tsühsoniuso kilim jihbah, tüsho arünü ju lünnü yamrüplurüp lubah.’”

ABEKHIT 34:11

Khihni inü nüsa ki thiyukhüm jihkhi mihyuaniang. Kheahang, inü nüsa müngühnü Amorrü, Kananrü, Hitrü, Perizrü, Hivrü tüsho Jebusrü yankhita bahchoh.

ABEKHIT 34:24

Tümüde inü nüsa müngüh trükshihbo yankhitbah tüsho nüsa lomi mülihshihbah; tüsho kam aban nüsa Atungpuh nüsa Thrünpuh miki wutuchoki shenü she nüsa lo lupü mülüm.

ABEKHIT 6:4

Arü hanrü thsüde alakhi Kanan lomi ju inü arü kilim jihpü tangzüng thsü.

ABEKHIT 6:8

Tüsho inü Abraham, Isak tüsho Jakob kilim jihpü thiyuchihchimkhi lo ching inü nüsa bede yüzahbah; inü ju nüsa yamrüplurüp thsüde ajihbah: I Atungpuh ah.”

ISAIA 27:12

Ju nimung Atungpuhnü Euphra ke bukpung kheaknü Ijip Ayung khiungde anitbah, tüsho nüsa khülang khülangnü bemukhungbah, O Israel mihtsürü.

ISAIA 55:3

Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.

JEREMIA 32:22

tüsho nünü arü jipürü kilim niuhke tüsho mukhuke bukkhi lomi jihpü thiyuchihchimkhi arü kilim ha alomi jih;

JEREMIA 32:40

Inü arü ki küyimkishe atsü rhimokhi mutuklopü akheam müla tangzüng khülang thsübah; tüsho arü mulong ching I trepü inü ayukjihbah, junangde arübo I kheaknü müchamachih.

LEVI 26:42

inü Jakob, Isak tüsho Abraham kheak tangzüngkhi lümkhitbah, tüsho inü alomi lümkhitbah.

LEVI 26:45

Tüshe arü ki inü arü jipürü kheak tangzüngkhi lümkhitbah, arübo inü trükshih miki Ijip chingnü I arü Thrünpuh thsüpü bekhit: I Atungpuh ah.

WÜHKHE 34:5

aredung ju Azmon kheaknü Ijip aredung kebo khiungbah, tüsho Keto kheak arün thsübah.

YUNIRÜBO RHIMO 7:5

tüsho apinü ju ching anihbuh kilim amüphü dubopü lang she yamrüplurüp müjih. Tüshe Abraham tsührü mülaa lalashe, apinü anihbuh le adunglim api tsühsoniusobo kilim yamalo jihpü alokhi.

YUZÜNGTHALO 11:24

Nüsa jinglungnü athrümkhi dangpung aban nüsa yo thsübah: sunglo tüsho Lebanon chingnü Euphra yung kheaknü Mediterranean Keto she khiungde nüsa lomi thsübah.

YUZÜNGTHALO 12:20

“Küyimki Atungpuh nü Thrünpuhnü thiyuchihchimkhi nangde nü lomi toshihbanü tüsho nünü shih tsühnekhi hode, I shih tsühnelah de athabanü, nü mulongnü akünthülün tsühpü kuklah.

YUZÜNGTHALO 19:8

“Kheakü nüsa jipürü ki thiyuchihchimkhi nangde Atungpuh nüsa Thrünpuhnü nüsa lomi tode kamshihsho tüsho apinü nüsa jipürü kilim jihpü alokhikhi lo nüsa kilim jihsho,

YUZÜNGTHALO 34:4

Tüsho Atungpuhnü api ki tha, “Ha lo ha inü Abraham, Isak tüsho Jakob jihpü alokhikhi, hade tha, ‘Inü ha nü tsühsoniusobo kilim jihbah.’ Inü ju nü müknü ngüshihdo, tüshe nünü ju hode müyü.”

YUZÜNGTHALO 7:1

“Küyimki Atungpuh nüsa Thrünpuhnü nüsanü amükühpü lakhi lo ching bedarübanü, tüsho nüsa müngühnü trükshihbo, Hitrü, Girgashrü, Amorrü, Kananrü, Perizrü, Hivrü tüsho Jebusrü, trükshih atoto thüne nüsa kheaknü sühmüh lakhi yankhitbanü,

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

JIHUSUA 13:3

tüsho düjinglim Avvim lomi alala. (Ijip aredung yean ching Shihor kenü lo chingnü Ekron aredung yean dukulim khiungde Kananrü de ajikheah; Filistiarü yakzanshuhrü phüngü ju Gaza, Ashdod, Ashkelon, Gath, tüsho Ekron ching lakheah.)

JIHUSUA 15:4

Ju chingnü Azmon lim yü, tüsho Ijip ayung chingnü akheam lim keto ching arülah. Ha Judarü düjinglim aredung yean lakheah.

AMIKHEAKAKHIUKKHI 9:14

hulipungpung shuhkhi athurukpü yunirü ki tha, “Euphra ayung ato ching rhüka lakhi yunirü phüyi dükheang.”