THRÜNTAN 15:17 - AMÜSÜH HÜM CL Bible (BSI)

¹⁷ Küyimki ani yüzahbah mitingdo akamkhea, mokhühkhi mophüh khülang tüsho tsünduphung khülang akhiukbah shiwüh khapnakkhi phulung chingnü hode yü.

THRÜNTAN 15:17 Iomraidhean Croise

THRÜNTAN 15:10

Abramnü harü alala api kilim lude arü tüsho aphulungnü mahne thsüde khaprüp, tüsho büthsüthsü thrip abande zo; tüshe apinü wuhnu a mahne thsüde mükhaprüp.

2 SAMUEL 22:9

Api nupung chingnü mokhüh wutu, tüsho api mün chingnü muliuabahbe mo wutu; api kheaknü mokhih takde akhiuk.

1 KIULONG THSÜRÜ 18:38

Judüki Atungpuh mo aki tüsho taka kingaünkhi sang, lung, asungthulung aniuabah, tüsho wungkeru kiukhi ching ke she kungabahshih.

1 KIUTHSÜYUKHEAN 21:26

Davidnü ju ching Atungpuh kilim kingaün sadam khülang thsü tüsho taka kingaünkhi le mungtsü kingaünbo jih. Apinü Atungpuh ki ji, tüsho apinü taka kingaünkhi kingaün sadam kheak thüning chingnü mo akishihde api ki alojih.

ABEKHIT 19:18

Kheakü Sinai Müzüng abümnü mokhüh lakheah, tümütüsho ju kheak Atungpuh mo ching aki. Mokhüh ju mokin ching yo mokhüh nangde aki, tüsho müzüng abümnü niuk.

ABEKHIT 20:18

Kheakü mihtsürü alalanü tsüngmuk, chinchobe, hulipungpung düsheak tüsho müzüng kheak mokhühkhi kheahde alakheah. Tüsho küyimki arünü ju ngükheanü, arübo ajan tüsho limshu ching zhip.

ISAIA 62:1

Anihbe akuk ngükhi yapsu nangde mütahyi khiungde, tüsho anihbe akhümkhit tsün nangde mütahyi khiungde, Zion thsungkheaknü inü zhikde müla, tüsho Jirusalem thsungkheaknü inü sühakhim mulu.

JEREMIA 11:4

küpü nüsa jipürü Ijip lomi yinchi motru chingnü bekhitchoki inü arü ki thade, I yu aniang, tüsho inü nü ki thiyukhüm jihkhi alala rhimoang de thiyukhüm jih. Junangde nüsa I mihtsürü thsübah,

YUZÜNGTHALO 4:20

Tüshe Atungpuhnü nüsa yinchi trukhi, Ijip chingnü nüsa khihni lakhi ruk api mihtsürü thsüpü tüsho api yamrüplurüp thsüpü bekhit.

MAHKHAPRÜ 13:20

Kingaün sadam kheaknü motru thüning lim yükihchoki, Atungpuh yunirü kingaün sadam motru ching aki. Küyimki Manoa tüsho aniubenü ha ngükhea, anenü ane miro alo lim mükhüm.

MAHKHAPRÜ 6:21

Judüki Atungpuh yunirünü akhah ching shuhkhi tso mulonü shih le phaüm muyukkhi yikhap qiu; tüsho lungto chingnü mo akhiukbah shih le phaüm muyukkhi yikhap aniuabah. Tüsho Atungpuh yunirü api mikinü müladebah.