THRÜNTAN 15:16 - AMÜSÜH HÜM CL Bible (BSI)

¹⁶ Nü tsühsoniuso ha ching alode marüchoki lün phüyi labah, tümütüsho inü Amorrü yankhitpü thsüde arü mülimkhi musuhdahyi.”

THRÜNTAN 15:16 Iomraidhean Croise

THRÜNTAN 10:16

Jebusrü, Amorrü, tüsho Girgashrü;

THRÜNTAN 15:13

Judüki Atungpuhnü api ki tha, “Nü tsühsoniusobo khiungke lomi ching hanrü thsüpü tüsho arü tankihpü lakhi tsükjide mükheahang, tüsho arünü arübo kam chi phüyi thsümüchibah.

THRÜNTAN 48:21

Judüki Israelnü Josep ki tha, “Kheahang, I shechoh, tüshe Thrünpuh nü lung labah; tüsho nü pü pürü lomi ching nü belode ayübah.

THRÜNTAN 50:24

Tüsho Josepnü api keoniorübo ki tha, “I shechoh; tüshe Thrünpuhnü tsükjide nüsa rhua kheahbah, tüsho ha lomi chingnü bekhitde apinü Abraham, Isak tüsho Jakob ki thiyuchihchimkhi lomi ching yübah.”

1 KIULONG THSÜRÜ 21:26

Atungpuhnü Israel müngüh yanabahkhi Amorrü nangde apinü sangthsübo dunglim yüde khide athraneanbe rhimodo.)

2 KIULONG THSÜRÜ 21:11

“Tümütüsho Juda kiulongthsüpuh Manasenü harü athraneanbebo yihbeak, api müngüh larü Amorrü kheaknü alü amütsü rhimodo, tüsho Juda she api sangthsübo lung neak yihbeakshih;

MUNGSHIKHÜN 105:43

Apinü anihbuhnü mokhitkhi api mihtsürübo asühde bekhit.

ABEKHIT 12:40

Kheakü Israelrü ju Ijip ching kam 430 lakheah.

ABEKHIT 13:3

Mosanü mihtsürübo ki tha: “Nüsa Ijip azhorü yamkhün chingnü awukhiukkhi ha nimung lümkhitang; tümüde Atungpuh khah sühmühnü ha dangpung chingnü nüsa bekhit. Phaüm yukkhi yikhap mütsüh.

ABEKHIT 13:4

Abib khinu, ha nimung nüsa wukhiukchoh.

DANIEL 8:23

Arü yakzan shuhkhi akheam ching, küyimki athsümünimrü arü mihbukmuyuk thülünde akambanü, jak mitingkhi, rükmütsü kiulongthsürü khülang asürübah.

LEVI 18:24

Harü rhimokhinü nüsa dümünean, tümüde harü rhimo hode inü nüsa müngüh yankhita bahkhi trükshihbonü arü zangrü müneana lah.

YUZÜNGTHALO 9:4

Atungpuhnü arü ju nüsa müngühnü yankhita bahchoki, nüsa kheak thiyuro-lungki lakhi hode Atungpuhnü ju lo mükühpü bedarüdo de nüsa mulong ching dülüm; tüshe harü trükshih khide amütsükhi hode Atungpuhnü arü nüsa müngühnü yankhita bahchoh.

YUZÜNGTHALO 9:5

Ha nüsa thiyuro lamo yungsho mulong alungki lamonü nüsa arü lo mükühde ayükhi yung, tüshe harü trükshih khide mütsükhi hode Atungpuh nüsa Thrünpuhnü arübo nüsa müngühnü yankhita bahchoh, junangde Atungpuhnü nüsa jipürübo Abraham, Isak, tüsho Jakob ki thiyuchihchimkhi dünjibah.

1 TESALONIKA 2:16

ju khiungkerü ki thabah arü khümkhitbah mütsüle de arünü isa zhipdode arhimokheah. Junangde kamruhroro arü neak mujungde kamshih. Tüshe akheam ching Thrünpuh bukakhiukkhi arü kheak arü.