THRÜNTAN 15:13 - AMÜSÜH HÜM CL Bible (BSI)

¹³ Judüki Atungpuhnü api ki tha, “Nü tsühsoniusobo khiungke lomi ching hanrü thsüpü tüsho arü tankihpü lakhi tsükjide mükheahang, tüsho arünü arübo kam chi phüyi thsümüchibah.

THRÜNTAN 15:13 Iomraidhean Croise

THRÜNTAN 15:16

Nü tsühsoniuso ha ching alode marüchoki lün phüyi labah, tümütüsho inü Amorrü yankhitpü thsüde arü mülimkhi musuhdahyi.”

THRÜNTAN 17:8

Kheakü nüsa hanrü thsüde alakhi Kanan lo alala nü tüsho nü dunglim nü tsühsoniusobo kilim akheam müla yamalo thsüpü jihbah; tüsho I ju arü Thrünpuh thsübah.”

THRÜNTAN 47:4

Arünü Pharao ki tha, “Isabo lomi ching lacholapü arükheah, tümütüsho nü yamlarübo mihnu boto thsungkheak rimlopung müla, tümüde khümzung ju Kanan lomi ching muthsukde lah. Kheakü jumonü, muzhobah nü yamlarübo Goshen lomi ching lashang.”

MUNGSHIKHÜN 105:42

Tümüde apinü api amüsüh alokhikhi tüsho ayamlarü Abraham lümkhit.

ABEKHIT 1:11

Jumonü Ijiprübonü Israelrü kurungkheak aputungrü zojihbah thsümüchide rhimo rhimoshih. Tüsho Israelrübonü kiulongthsüpuh yo ahiuharapung kiutobo Pithom tüsho Rameses thsüjih.

ABEKHIT 1:13

Tüsho Ijiprübonü Israelrübo kheak amuzho mülade thsümüchipü tankih.

ABEKHIT 1:14

Arünü dujunglo le lotaklung tüsho thulu ching rhimo mungji alala müküpde rhimoshihkhinü arü rhangdung thsünüshih. Arünü rhimo alala ching arü thsümüchide rhimoshih.

ABEKHIT 2:24

Jumonü Thrünpuhnü arü ashekhi so, tüsho Abraham, Isak tüsho Jakob ki apinü tangzüngkhi lümkhit.

ABEKHIT 22:21

“Nüsanü hanrü dükheahmüchih yungsho api düjuno, tümüde Ijip lomi ching nüsa hanrü lakheah.

ABEKHIT 23:9

Nünü hanrü düjuno, tümüde nünü hanrü mulong mükheahlah, tümütüsho nüsa Ijip lomi ching hanrü lakheah.

ABEKHIT 3:10

Jumonü kheakü Ijip lomi chingnü I mihtsürübo bekhitpü inü nü Pharao kilim yüshihchoh.”

ABEKHIT 3:17

Inü nüsa Ijiprü azhorü kuhi chingnü bekhitbah Kananrü, Hitrü, Amorrü, Perizrü, Hivrü tüsho Jebusrü lomi niuhke tüsho mukhuke bukkhi lomi ching bebah ayüpü alokhido.

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

LEVI 19:34

Nüsa lung lakhi khiungkerü ju mihkhung nangde alabah; nünü khiungkerü ki nihbuh nangde muzhoang, tümüde nüsa Ijip ching khiungkerü lakheah: I Atungpuh nüsa Thrünpuh.

WÜHKHE 20:15

künangde isa jipürü Ijip ching yükikhea, tüsho isa kim ashang Ijip ching lakhea, tüsho Ijiprünü isa le nüsa jipürü kheak thsümüchikhea.

YUNIRÜBO RHIMO 7:17

“Tüshe Thrünpuhnü Abraham ki mülüjihkhi kim thüninchoki, mihtsürübo Ijip ching wüh bu.

GALATIA 3:17

Inü alümkhi ju ha: Kam chi phüyikheak samrü dunglim jihkhi yakzannü akhuhlim Thrünpuhnü tangzüngkhi akeangkeang kamshihpü thsüde müthsümünimkhuk.

YUZÜNGTHALO 10:19

Tüsho nüsanü tsotsahrü ki muzhoang, tümütüsho nüsabo khülang ki Ijip ching tsotsahrü lakheah.

YUZÜNGTHALO 5:15

Tüsho nü Ijip lo ching azhorü lakheah de lümkhitang, tüsho Atungpuh nü Thrünpuh khah ato chunghuhde ju chingnü nü bekhit; jumonü Atungpuh nü Thrünpuhnü amunimung arüngshihpü nü kilim thiyukhüm jih.