THRÜNTAN 15:1 - AMÜSÜH HÜM CL Bible (BSI)

¹ Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

THRÜNTAN 15:1 Iomraidhean Croise

THRÜNTAN 15:2

Tüshe Abramnü alo, “ Atungpuh Thrünpuh , nünü I tümü jihba, tümütüsho I a tsührü mülade lah, tüsho I yamrüplurüp lupü thsüde Damaskarü Eliezer lah?”

THRÜNTAN 15:4

Judüki Atungpuh yu api kilim arü: “Ha mihtsürü nü yamrüplurüp lurü müthsü, tüshe nü pang chingnü arükhi tsührü khülang nü yamrüplurüp lurü thsübah.”

THRÜNTAN 21:17

Tüsho Thrünpuhnü azübuh tripkhi so. Judüki Thrünpuh yunirünü yinmi chingnü ji tüsho tha, “Hagar, nü tümü thsüa la? Dütre, tümüde azübuh kükheak lanü Thrünpuhnü api düsheak sodo.

THRÜNTAN 22:1

Kim anükhüh dunglim Thrünpuhnü Abraham ki rükakide tha, “Abraham!” Apinü alo, “I ha ching lah.”

THRÜNTAN 22:20

Kim anükhüh dunglim aniurü Nahor kilim Milkanü tsührübo zübejih-a lah de Abrahamnü so:

THRÜNTAN 26:24

Ju tsüngre Atungpuh api ki akhiuk tüsho tha, “I nü buh Abraham Thrünpuh ah; dütre, tümüde I nü lung lah. Inü I yamlarü Abraham thsülimnü nü müngühjihbah tüsho nü tsühsoniusobo bushihbah.”

THRÜNTAN 31:7

Tütüshe nüke abuhnü I rükaki, tüsho I mihkhahbo thürü ki müthri, tüshe I yuripü Thrünpuhnü api ki mümülüjih.

2 SAMUEL 22:3

I Thrünpuh, I lungto, shepü kheak inü jikcho, I tsung tüsho I akhümkhit juh, I tsungdorü tüsho I tsoyukpung, I khümkhitbuh; nünü I thiyih bukpü chingnü khümkhit.

2 KIULONG THSÜRÜ 1:15

Judüki A TUN GPU H yunirünü Elija ki tha, “Api lung yükiang; api ki dütre.” Jumonü apinü tsahmusu tüsho api lung kiulongthsüpuh kilim yüki,

1 KIUTHSÜYUKHEAN 28:20

Davidnü kheaküshe api tsührü Solomon ki tha, “Reangzahang, tüsho tsüde mulong toang, tüsho rhimoang. Dütre yungsho mulong dünini: tümüde Atungpuh Thrünpuh, I Thrünpuh, nü lung lah. Atungpuh yam ching arüngako rhimo alala mübanyi khiungde apinü nü müdükhe yungsho nü mübahyuk.

MUNGSHIKHÜN 115:10

O Aron yamkhün, Atungpuh kheak kinang; apinü nüsa rungchoh tüsho tsungdochoh.

MUNGSHIKHÜN 119:114

Nü a I jikpü dangpung tüsho I tsung; inü nü yu ching mulonglamchoh.

MUNGSHIKHÜN 142:5

Inü nü ki zhichoh, O Atungpuh : inü tha, Nü I tsoyukpung, arhang lakhi lomi ching I shihcham.

MUNGSHIKHÜN 18:2

Atungpuh ju I lungto, I chipi tüsho I bekhitrü, I Thrünpuh, I sühmüh, shepü kheak I tsoyukcho, I tsung, tüsho I akhümkhit juh, I chipi.

MUNGSHIKHÜN 27:1

Atungpuh ju I tsün tüsho I akhümkhit; inü she trepü la? Atungpuh ju I rhangdung sühmüh ah; inü she trepü la?

MUNGSHIKHÜN 3:3

Tüshe O Atungpuh , nü I tsungdojihrü, I müretah, tüsho ku dukoshihrü ah.

MUNGSHIKHÜN 3:4

Inü Atungpuh ki achangnü zhichoh, tüsho apinü api amüsüh wung kheaknü I ki alojihchoh.

MUNGSHIKHÜN 5:12

Tümüde nünü thiyuro-lungki müngühjihchoh, O Atungpuh ; tsung khülang nangde nünü lümrhihde api kümdochoh.

MUNGSHIKHÜN 58:11

Mihtsürübonü athabah, “Tsükjide thiyuro-lungkirü thsungkheak thsambah khülang lah; tsükjide alomi ching mahkhaprü Thrünpuh khülang lah.”

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

MUNGSHIKHÜN 84:9

O Thrünpuh, isa tsung kheahang, tüsho nünü mujude-mokhitkhi miro kheah kheahang.

MUNGSHIKHÜN 91:4

Apinü nü api moghidungbonü alüpdobah, tüsho api ghidükeangbo khüp nü tsoyukbah; api yo thiyuro ju nü tsung tüsho tsungnini thsübah.

ABEKHIT 14:13

Tüsho Mosanü mihtsürübo ki tha, “Dütre. Düngde zhipang, tüsho Atungpuhnü nüsa khümkhitpü khihni rhimopü lakhi kheahang. Tümüde nüsanü khihni ngükhi Ijiprübo lünnü müngülo.

MÜCHITMUDU 11:18

Mihbukmuyuk mihtsürünü mülapmüji rhimo thsüchoh, tüshe shepünü thiyuro-lungki hiuchonü atsütsü thsambah ngüchoh.

MÜCHITMUDU 30:5

“Thrünpuh yu aban atsangkhitkhi lah; api kheak kinrü kilim api ju tsung ah.

ISAIA 35:4

Mulong ajande alarü ki thaang, “ Reangzahang, dütre! Ha ching nüsa Thrünpuh lah. Apinü atrebe thsüde athrihlopü royimjihpü arübah. Api arübah tüsho nüsa khümkhitbah.”

ISAIA 40:10

Kheahang, Atungpuh nüsa Thrünpuh wulade arüchoh, tüsho api binnü api thsungkheak yakzan shuhchoh; api thsambah api lung lah tüsho apinü bekhitkhi api müngüh lah.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 41:14

Dütre, nü ari Jakob, nü loriloko Israel! Inü nü rungbah, Atungpuhnü thachoh; nü rhokhitbuh ju Amüsüh Israel Thrünpuh lah.

ISAIA 43:1

Tüshe kheakü Atungpuhnü ha thachoh, shepünü nü thrünkhea, O Jakob, shepünü nü kamshihkhea, O Israel: Dütre, tümüde inü nü rhokhit; inü nü mungnü ji, nü I yo.

ISAIA 43:5

Dütre, tümüde I nü lung lah; inü nü tsührübo aniakhiuklimnü bedarübah, tüsho aniyüzahlimnü inü nüsa bemukhungbah.

ISAIA 44:2

Atungpuhnü ha thachoh, shepünü nü thrünkhea, shepünü nü nuyam chingnü kamshihkhea tüsho nü rungpü la: Dütre, O I yamlarü Jakob, Jeshurun, shepü inü mokhitkhea.

ISAIA 44:8

Dajan, yungsho dütre; inü nü ki adüso chingnü mütha de yungsho mükhipkhit de? Nüsa I yumütsan thsürübo! I hobah püpü thrünpuh la shi? Ju ching Lung püpü müla; inü mükheahlah, she müla.

ISAIA 51:12

I, shepünü shukheamchonü api ah; dale tümüde ashepü lakhi mihtsürü trecho, mihtsürü khülang shepü rim nangde yiuhabahcho?

JEREMIA 39:17

Tüshe ju nimung inü nü khümkhitbah, Atungpuhnü thachoh, tüsho nünü trede alarü khah ching nü müjih.

TÜZHOKHI 3:24

“Atungpuh ju I shihcham,” I menü thachoh, “Jumonü inü api kheak mulonglambah.”

EZEKIEL 1:1

Kam samrüpü, khinu phüyi ching, nimung phüngü nipü, I Kebar Ayung ki ramtsorü bolung lachoki, yinmibo khimshuhkhi inü ngü, tüsho inü Thrünpuh michihbo ngü.

EZEKIEL 11:24

Menü I shuhkih tüsho Thrünpuh menü ajikhi michih ching I Babilon ching ramtsorü kilim bedarü. Judüki inü angükhi michih I kheaknü yükihabah,

EZEKIEL 3:4

Judüki apinü I ki tha; “Mihtsürü tsührü, kheakü Israel yamkhün kilim yüang tüsho I yubo arü ki asukang.

WÜHKHE 12:6

Tüsho Atungpuhnü tha, “Kheakü I yu aniang! Küyimki nüsa bolung wukihrü labanü, inü arü michih ching I akhiuka huhchoh tüsho inü arü kheak milim ching asukachihchoh.

WÜHKHE 18:20

Tüsho Atungpuhnü Aron ki tha, “ Arü lo ching nü yamrüplurüp tümü müla, yungsho arü bolung shihcham müla; Israel mihtsürü bolung I ju nü shihcham tüsho yamrüplurüp ah.”

WÜHKHE 24:4

Thrünpuh yu sobuhnü müchitkhi, shepünü Wuto lümkhi ngücho, shepü mük rheakde akicho:

MATHI 28:5

Tüshe yunirünü aliberübo ki tha, “Dütre, tümüde nüsa ju yümkih-a bahkhi Jisu yimchoh de inü mükheahlah.

MATHI 8:26

Tüshe apinü arü ki tha, “O nüsa akin anikhüh larübo, nüsa tümü thsükhi trecho? Judüki apinü wusubah apungbo le keto thürüh tüsho akhimahekhi ato kamabah.”

LUKNÜ ATHRÜTKHI THIYUSHEAK-ATSÜ HUHTANYU 1:13

Tüshe yunirünü api ki tha, “Zakaria dütre, tümüde nü tamkhüntamnü sojihdo; nü niube Elizabethnü nü kilim tsührü khülang zübejihbah tüsho nünü api mung Johan de ajibah.

LUKNÜ ATHRÜTKHI THIYUSHEAK-ATSÜ HUHTANYU 1:30

Yunirünü alibe ki tha, “ Mari dütre, tümüde Thrünpuh kilimnü nü mihmuzho ngüdo.

LUKNÜ ATHRÜTKHI THIYUSHEAK-ATSÜ HUHTANYU 12:32

“Dütre, aninibe boto, tümüde nüsa Abuhnü nüsa kilim kiulongthsü jihpü mulonglah.

YUNIRÜBO RHIMO 10:22

Tüsho arünü tha, “Kornelia, wühkenobuh, alungki tüsho Thrünpuh trekhi mihtsürü, Jihudarü trükshih alalanü tsülah dükhi, amüsüh yunirünü khuhlanga huhbah nü api yam ching arüshihpü tüsho nünü athakhi anipü nü kilim thiyi.”

1 KORINT 3:22

Paul, Apollo, Kephas, alomi, rhangdung, ashepü, kheakü yungsho arübe thsüthsü alala nüsa yo ah;

YUZÜNGTHALO 18:2

Jumonü keoniorü lung arü yamrüplurüp müla; apinü arü ki thakhi nangde Atungpuh ju arü yamrüplurüp thsübah.

YUZÜNGTHALO 31:6

Düküngang tüsho mulong ato thsang, dütre yungsho arü ki trede düla: tümüde Atungpuh nü Thrünpuh nüsa lung yüchoh; apinü nüsa müdükhe yungsho mübahyuk.”

IBRI 1:1

Adüso kim tüsho limro ahihdo chingnü wukihrübo hode Thrünpuhnü isa jipürü ki asuk;

AMIKHEAKAKHIUKKHI 1:17

Küyimki inü api ngükhea, I ashekhi nangde api jing ki lunga yap. Tüshe api khah tsülimnü I kheak qiude tha, “Dütre, I atankih tüsho akheam,

RUTH 2:12

Atungpuh Israel Thrünpuh shepü ghidükeang bukkhüp nü tsoyukpü arükheanü, apinü nü rhimo tüsho nü mihkhah mode thsambah jihshang!”

1 SAMUEL 15:10

Atungpuh yu Samuel kilim arü:

1 SAMUEL 9:9

(Adüso Israel ching, khürünü Thrünpuh dünkheak keokhikeorapü yüsho hade tha, “ Arang, isanü angürü kilim yüanü”; tümüde shepü kheakü wukihrü de jichonü adüso a angürü de ji.)