THRÜNTAN 14:21 - AMÜSÜH HÜM CL Bible (BSI)

²¹ Sodom kiulongthsüpuhnü Abram ki tha, “I kilim mihtsürübo jihang, tüsho kukrukbo a nü luang.”

THRÜNTAN 14:21 Iomraidhean Croise

THRÜNTAN 12:5

Judüki Abramnü aniube Sarai le aniurü tsührü Lot, arünü ahanmukhungkhi lakhit-kukruk tüsho Haran ching arübo azhorübo alala bea lu tüsho Kanan lomi ching yüpü tsahmusu. Junangde arü Kanan lomi ching arü.

THRÜNTAN 14:10

Siddim dükhün ju loneakjipjip khünnü mia lakheah; tüsho Sodom le Gomorra kiulongthsürübo ju ching shande yü; khürü ju ching keamyuk, tüsho aningkhi awungbo ching tsode yü.

THRÜNTAN 14:11

Judüki arünü Sodom tüsho Gomorra kukrukbo tüsho arü tsühyungbebo alala lubah arü limro ching tso.

THRÜNTAN 14:20

Tüsho nü riribo nü khah ching yukjihbuh Khide Achang Thrünpuh shiang.” Tüsho Abramnü alala yo thürü shihcham api kilim jih.

THRÜNTAN 14:22

Tüshe Abramnü Sodom kiulongthsüpuh ki tha, “Inü thüning tüsho alomi Thrünrü Khide Achang Thrünpuh ki I khah chungkihdo, tüsho thiyuchihchim ludo,

THRÜNTAN 47:24

Tüsho nüsanü yimluchoki phüngü ching shihchamkhüh Pharao kilim jihbah. Shihcham phüyi ju thulu ching müjih thsüpü tüsho nüsa le nüsa yamkhünbo tüsho nüsa tsührü aninibo thsungkheak tsühyungbe labah.”