THRÜNTAN 14:18 - AMÜSÜH HÜM CL Bible (BSI)

¹⁸ Tüsho Salem kiulongthsüpuh Melkizedeknü yikhap tüsho yukhu lude arü; api ju Khide Achang Thrünpuh amükeamrü lakheah.

THRÜNTAN 14:18 Iomraidhean Croise

2 SAMUEL 2:5

Davidnü yunithsürübo thiyia Jabesh-gilead mihtsürü kilim yüshih, tüsho tha, “Atungpuhnü nüsa müngühjang, tümütüsho nüsanü ha thiyuro amuzho nüsa tungpuh Saul ki huh, tüsho api kiuyuka bahdo!

MUNGSHIKHÜN 104:15

tüsho mihtsürü mulong asühshihpü yukhu, api miro zhingzhingshihpü müdangke, tüsho mihtsürü mulong düküngshihpü yikhap.

MUNGSHIKHÜN 110:4

Atungpuhnü thiyuchihchimdo tüsho mülümalo, “Nü a Melkizedek yande lünnü amükeamrü khülang ah.”

MUNGSHIKHÜN 50:14

Makshe jihde shuhmülanga kingaünkhi Atungpuh kilim jihang, tüsho Khide Achangbuh kilim nünü thiyuchihchimkhi jihang;

MUNGSHIKHÜN 57:2

I thsungkheaknü lüpdükhi rhimobuh, Khide Achang Thrünpuh ki inü azhibah.

MUNGSHIKHÜN 7:17

Api thiyuro-lungki yande inü Atungpuh kilim makshe jihbah, tüsho Khide Achang Atungpuh shijihde inü khün thsübah.

MUNGSHIKHÜN 76:2

Salem ching she api arüngkhimyam lah, tüsho Zion ching api lapung lah.

MUNGSHIKHÜN 76:3

Apinü ju ching aphürapkhi hühzobo, thirithsü tsung tüsho nukshang yihshak.

DANIEL 4:31

Thiyubo ju kiulongthsüpuh mün ching lade, yinmi chingnü düsheak khülang arü: “ O kiulongthsüpuh Nebukednezar, nü ki ha thado: Nü kheaknü kiulongthsü chamdo!

MIKA 6:6

“Tümü lubah inü Atungpuh miki arüba, tüsho achang kheak Thrünpuh miki khukningba? Inü kam khülang bankhi moshi nunubonü taka kingaünpü api miki lubah arüba shi?

WÜHKHE 18:28

Hanangde nünü Israel mihtsürübo kheaknü alukhi chingnü thürü shihcham ju Atungpuh kilim arung kingaün jihbeah, tüsho nünü ha Atungpuh arung kingaün ju amükeambuh Aron kilim jihang.

WÜHKHE 24:16

Thrünpuh yu sobuhnü müchitkhi, shepünü Khide Achangbuh mükheahmudu mükheah la, shepünü Wuto tüsho api mük tode khimshuhbah akibuh lüm ngücho:

YUNIRÜBO RHIMO 16:17

Alibenü Paul dunglim zhide yü, “Harü mihtsürü ha nüsa ki akhümkhit limro zhiyukkhi Khide Achang Thrünpuh yamlarübo ah.”

YUNIRÜBO RHIMO 7:48

Tütüshe khide Achangbuhnü mihtsürü khahnü athsükhi yambo ching mülachoh; wukihrünü athakhi nangde, @SPACE=

GALATIA 6:10

Jumonü isa kim lakhi ching, isanü mihtsürü alala ki, adungto thsüde akinrü yamkhünbo ki atsü rhimoanü.

IBRI 5:10

tüsho Melkizedek kiphahde achangbe amükeamrü thsüpü Thrünpuhnü jia zojih.

IBRI 5:6

Kheaküshe apinü dang püpü ching tha, “Melkizedek kiphahde, nü a lün thsungkheak amükeamrü ah.”

IBRI 6:20

Isa thsung thsüde Jisunü isa müngühnü ju ching yüzah. Melkizedek kiphahde lün thsungkheaknü api achangbe amükeamrü kam.

IBRI 7:1

Ha buh Melkizedek ha Salem kiulongthsürü tüsho Khide Achang Thrünpuh amükeamrü lakheah. Abrahamnü kiulongthsürü phüyi laksahbah alode arüchoki apinü shoru tüsho api müngühjih,

RUTH 3:10

“I tsah-a, Atungpuhnü nü mügühjang,” apinü tha. “Nünü atan nü ni muzhokhi kheaknü kheakü I kheak atobe amuzho huhdo. Junangde nünü alarü yungsho zhochihrü thrürü mümüsham.