THRÜNTAN 14:14 - AMÜSÜH HÜM CL Bible (BSI)

¹⁴ Küyimki Abramnü api keoniorü ramde atsokhi sokhea, apinü anihbuh yam ching zübebah anokhitkhi yamlarü 318 zülu yihjih, tüsho Dan khiungde müshamde yü.

THRÜNTAN 14:14 Iomraidhean Croise

THRÜNTAN 12:16

Apinü alibe dünkheaknü Abram ki tsüde rhimo tüsho api kilim namfimihnubo tüsho mihnubo, moshi, donkibo, azhorübo, tüsho kemelbo jih.

THRÜNTAN 12:5

Judüki Abramnü aniube Sarai le aniurü tsührü Lot, arünü ahanmukhungkhi lakhit-kukruk tüsho Haran ching arübo azhorübo alala bea lu tüsho Kanan lomi ching yüpü tsahmusu. Junangde arü Kanan lomi ching arü.

THRÜNTAN 13:8

Jumonü Abramnü Lot ki tha, “Muzhobah I tüsho I shiwüh kheahrü le nü shiwüh kheahrü dükeak alanaji mülashihnü; tümüde isa keoniorü ah.

THRÜNTAN 14:12

Arünü Sodom ching lakhi Abram niurü tsührü Lot she api kukrukbo bede lubah tso.

THRÜNTAN 14:16

Junangde apinü kukruk alala, akeoniorü Lot tüsho api kukrukbo, aliberübo tüsho mihtsürübo she belode arü.

THRÜNTAN 15:3

Tüsho Abramnü tha, “Nünü I kilim tsührü müjih; jumonü I yamkhün ching azhorü khülangnü I yamrüplurüp lubah.”

THRÜNTAN 17:12

Nüsa lünbo ching nüsa yamkhün chingnü asürükhi yungsho nüsa tsührü yungde khiungkerü shonü thulode arükhi thsüthsü nüsa bolung athrürü aban nimung tizheah thsüsho tsütabahbeah.

THRÜNTAN 17:23

Jumonü Abrahamnü api tsührü Ishmael api yam ching zübekhi tüsho shonü thulode arükhi alala, Abraham yam ching athrürü aban bea lu, tüsho Thrünpuhnü api ki thiyukhüm jihkhi nangde ju ninü tsütabahjih.

THRÜNTAN 17:27

tüsho api yam ching mihtsürü alala, thüyam ching zübekhi yungsho khiungkerü shonü athulokhi api lung tsütabah.

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

THRÜNTAN 23:6

“Isa ki aniang, atungrü: nü isa bolung sühmüh lakhi limberü khülang ah; isa mibahpung amokhitkhi ching nü yo ashemi kiuyuka bahang. Nü yo ashemi kiuyuka bahpü thsüde isa shepü shepünü she nü kilim mibahpung asühde ajihbah.”

1 KIULONG THSÜRÜ 15:20

Ben-hadadnü kiulongthsüpuh Asa ki ani, tüsho Israel kiutobo azhihde api bonungrü limthorübo yüshih. Naphtali lo alala bede Kinnereth alala kuk.

MUNGSHIKHÜN 68:12

“ Kiulongthsürübo le bonungrübo alihde tsochoh, tüsho aliberübo thüyam ching aninga larünü ayankhikhi kukruk chamchoh.

MÜCHITMUDU 17:17

Müyamrü khülangnü kim alala ching muzhochoh, tüsho keoniorü ju azhihpü thsungkheak zübea lah.

T H S AN GYU T H S AN GR ARÜ 2:7

Inü athrürü tüsho aliberü azhorübo thulo tüsho I yam chingnü azübekhi azhorübo lakheah; kheaküshe I müngüh Jirusalem ching larü kheaknü alü I moshi tüsho mihnu boto ato lakheah.

JEREMIA 41:12

arünü arü mihtsürü alala bea lu tüsho Nethania tsührü Ishmael bede keochihpü yü. Arübo api kilim Gibeon ching kekhip ato ki arü.

YUZÜNGTHALO 34:1

Judüki Mosanü Jirikho hode yübah alakhi Moab dükün chingnü Nebo müzüng tüsho Pisga wung mujuk kheak wutu. Tüsho Atungpuhnü api ki Gilead lomi alala Dan khiungde huh,

1 JOHAN 2:18

Azürübo, ha akheam kim ah; Khrista azhihrü arüchoh de nüsanü asokhi nangde kheakü Khrista azhihrü ahihkhüh arüdo; jumonü ha akheam kim ah de isanü mükheahlah.

MAHKHAPRÜ 18:29

Tüsho arünü kiuto mung ju Israel kilim zübejihkhi arü bebuhrü Dan mung jimulode Dan de ji. Tüshe adüso kiuto mung ju Laish lakheah.

MAHKHAPRÜ 20:1

Judüki Israelrü alalanü Dan chingnü Beersheba tüsho Gilead lomi chingnü akhiukbah Atungpuh miki Mizpa ching mukhung.

1 SAMUEL 30:19

Anini yungsho ato, tsührü athrürü, aliberü, yankhia lukhi yungsho tümükhüh lukhi tümü she müdükheakshih; Davidnü lüpdükhi hanlode arü.