THRÜNTAN 13:16 - AMÜSÜH HÜM CL Bible (BSI)

¹⁶ Tüsho inü nü tsühsoniusobo asungthulung nangde akamshihbah; junangde khürünü asungthulung khekhuksho nü tsühsoniusobo she akhekhukbah.

THRÜNTAN 13:16 Iomraidhean Croise

THRÜNTAN 15:5

Apinü anihbuh wungdo ching bekhit tüsho tha, “Thüning lim kheahang, tüsho chiningbo nünü khekhamkhuksho kheang.” Tüsho apinü anihbuh ki tha, “Junangde nü tsühsoniusobo labah.”

THRÜNTAN 16:10

Yunirünü thalo, “Inü nü tsühsoniusobo mükhekhampü thsüde hihde akamshihbah.

THRÜNTAN 17:16

Inü alibe müngühjihbah tüsho anihbe hode nü kilim tsührü she khülang jihbah; inü alibe müngühjihbah tüsho anihbe ju trükshih ahihdo abe thsübah; mihtsürü kiulongthsürübo anihbe kheaknü arübah.”

THRÜNTAN 17:2

Tüsho inü nü le I dükeak tangzüng thsübah, tüsho inü nü hihdakde wüh bushihbah.”

THRÜNTAN 17:20

Tüsho Ishmael thsungkheak inü nü ki sojihdo. Kheahang, inü api müngühjihdo, tüsho api aso asoshihbah, tüsho hihdakde api wüh bushihbah. Api kheaknü yakzanshuhrü 12 trükkhitbah; tüsho inü api trükshih ato khülang kamshihbah.

THRÜNTAN 17:6

Inü nü hodakde aso asoshihbah; tüsho inü nü trükshihbo kamshihbah. Tüsho nü kheaknü kiulongthsürübo arübah.

THRÜNTAN 18:18

Tümütüsho tsükjide Abraham ato tüsho sühmüh lakhi trükshih khülang kambah, tüsho lomi trükshih alala api kheaknü müngühmühibah.

THRÜNTAN 21:13

Tütüshe inü azhorü liberü tsührü she trükshih khülang kamshihbah, tümütüsho api nü müjih ah.”

THRÜNTAN 22:17

müngühmühi ching inü nü müngühjihbah, tüsho wühjabuja ching thüning ching chiningbo tüsho keyean loyibo nangde nü tsühsoniusobo bushihbah; tüsho nü tsühsoniusobonü arü riri kiutobo müküh-a lubah.

THRÜNTAN 26:4

Tüsho inü nü tsühsoniusobo ju thüning ching chiningbo nangde abushihbah; inü nü tsühsoniusobo kilim harü lobo alala jihbah; tüsho nü müjih ching alomi trükshih alala müngühmühibah;

THRÜNTAN 28:14

Nü tsühsoniusobo alo asungthulung nangde alabah; nü aniyüzahlim tüsho aniakhiuklim, dukulim tüsho düjinglim bude ayübah; tüsho nü le nü müjih ching alomi yamkhün alala müngühmühibah.

THRÜNTAN 28:3

Wuto Thrünpuhnü nü müngühshang, tüsho nü aso asode bushang, junangde nü mihtsürü wüh tode akambah;

THRÜNTAN 32:12

Tümüde nünü tha, ‘Tsükjide inü nü tsüde akümbah, tüsho nü tsühsoniusobo mükhekhambe keto loyi nangde hihde akamshihbah.’ ”

THRÜNTAN 32:13

Jumonü ju re apinü ju ching binkheam, tüsho api lung lakhi chingnü akhiung Esau khilim thsambah thsüpü mokhita lu;

THRÜNTAN 35:11

Kheaküshe Thrünpuhnü api ki tha: “I Wuto Thrünpuh. Aso asoang tüsho wüh buang; trükshihbo nü kheaknü akhiukbah tüsho nü pang chingnü kiulongthsürübo arübah.

THRÜNTAN 46:3

Tüsho apinü tha, “I a Thrünpuh, nü buh Thrünpuh ah; Ijip lim yükipü dütre, tümüde inü nü ju ching trükshih ato khülang kamshihbah.

1 KIULONG THSÜRÜ 3:8

Tüsho nü yamlarü a nünü amokhitkhi khea kheahpü hihdakkhi yungsho mükhekhukkhi boto ato mihtsürü bolung ching lah.

1 KIULONG THSÜRÜ 4:20

Juda tüsho Israel ju keto yean loyi nangde hihde alakheah; arünü tsühyung tüsho asüh.

2 KIULONG THSÜRÜ 13:23

Tüshe Atungpuhnü arü ki müthsüm tüsho muzho; Abraham, Isak tüsho Jakob thsülimnü apinü arü kilim rholo, tüsho arü müdükheakshih; yungsho api mikinü khihni khiungde arü yana mübah.

1 KIUTHSÜYUKHEAN 21:5

Joabnü mihtsürü khekhi alala David kilim jih. Israel mihtsürü alalanü nuk shuhrü 1,100,000, tüsho Juda ching 470,000.

1 KIUTHSÜYUKHEAN 27:23

Davidnü kam 20 abukkhüp a mükhe, tümüde Israel thüning ching chiningbo nangde hihde akamshihpü Atungpuhnü alokhi.

2 KIUTHSÜYUKHEAN 1:9

O Atungpuh , Thrünpuh, nünü I buh David ki alokhikhibo kheakü dünjishang, tümüde alo asungthulung nangde ahihkhi mihtsürübo kurungkheak nünü I kiulongthsürü kamshihdo.

JOB HU H T ANYU 5:25

Nü tsühsoniusobo hihde alabah de nünü amükheahbah, tüsho nü tsührübo alo rimkiu nangde alabah.

ABEKHIT 1:7

Tüshe Israelrü wüh bude hihdakde khide sühmüh lade arünü alomi mide kam.

ABEKHIT 32:13

Nü yamlarübo Abraham, Isak, tüsho Jakob lümkhitang, sherü ki nünü thiyuchihchimde tha, ‘Inü nüsa tsühsoniusobo thüning ching chiningbo nangde abushihbah; inü alokhikhi alala nüsa tsühsoniuso kilim jihbah, tüsho arünü ju lünnü yamrüplurüp lubah.’”

JEREMIA 33:22

Thüning ching chiningbo mükhekhamkhi nangde tüsho keto loyi madünkhukkhi nangde, inü I yamlarü David tsührü, tüsho I tankihrü Levirü bushihbah.

WÜHKHE 23:10

Shepünü Jakob sungthulung khekhamkhukpü yungsho Israel shihcham phüyi chingnü shihcham khülang khekhukpü? Thiyuro tharü shekhi nangde I sheanü, I nimungbo arü nangde kamanü!”

YUZÜNGTHALO 1:10

Atungpuh nüsa Thrünpuhnü nüsa wüh bushihdo, tüsho thüning ching lakhi amükhebin chiningbo nangde, khihni nüsa ha ching lah.

IBRI 11:12

Tüsho api sheabah-a lalashe, mihtsürü khülang kheaknü thüning chiningbo hihdakkhi nangde tüsho kemungyean mükhebinkhi loyi nangde tsühsoniusobo trükkhit.

AMIKHEAKAKHIUKKHI 7:9

Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,

MAHKHAPRÜ 6:3

Küyimki Israelrü mükheande alakhea, Midiarü le Amalekrü tüsho aniakhiuklim mihtsürünü atubah arü yan;

MAHKHAPRÜ 6:5

Tümüde arünü arü shiwühbo tüsho khimyambo lubah tangkhobo nangde chitthulungbah atu; tüsho arü le kemelbo mükhebin; junangde arü azahchoki alo ju thsümünimjih.