THRÜNTAN 13:13 - AMÜSÜH HÜM CL Bible (BSI)

¹³ Tüshe Sodom mihtsürübo hodakde mihbukmuyuk tüsho Atungpuh azhihde neak yihbeaka lakheah.

THRÜNTAN 13:13 Iomraidhean Croise

THRÜNTAN 10:9

Api ju Atungpuh miki amüzhak shihyanrü lakheah; jumonü hade tha, “Atungpuh miki amüzhak shihyanrü Nimrod nangde.”

THRÜNTAN 15:16

Nü tsühsoniuso ha ching alode marüchoki lün phüyi labah, tümütüsho inü Amorrü yankhitpü thsüde arü mülimkhi musuhdahyi.”

THRÜNTAN 18:20

Tüsho Atungpuhnü tha, “Tümütüsho Sodom tüsho Gomorra azhihde azhikhi tüsho arü neak tode lah,

THRÜNTAN 19:13

Tümüde isanü ha dangpung dükheakshihbah, tümütüsho arü azhihde azhikhi Atungpuh miki tode kamdo, tüsho Atungpuhnü ju dükheakshihpü ike arüshihkheah.”

THRÜNTAN 38:7

Tüshe Juda tsührü adüjibuh Er ju Atungpuh miki mihbukmuyuk lakheah, tüsho Atungpuhnü api sheshih.

THRÜNTAN 39:9

Ha yam ching I hobah sheshe ato müla; yungsho I kheaknü tümü she tukloa muzo tüshe nü lang ah, tümütüsho nü api niube ah. Dale küde thsah inü ha amütsü ato rhimopü, tüsho Thrünpuh azhihde neak yihbeakpü?”

THRÜNTAN 6:11

Alomi ju Thrünpuh miki amütsü tüsho athsümünimnü mide alakheah.

2 KIULONG THSÜRÜ 21:6

Apinü atsührü monü taka kingaün, apinü müchityu tha tüsho lümrük thsü, tüsho akhasherü le thümürü ki keokhi. Apinü Atungpuh miki amütsü khide rhimode api bukakhiukshih.

ISAIA 1:9

Wuto Atungpuhnü isa anükhüh aninga mülashihkhülaa, isa Sodom nangde alabah, tüsho Gomorra nangde akambah.

JEREMIA 23:14

Tüshe Jirusalem ching wukihrü bolung inü khide atrebe ngüdo: Arünü müzammüramchoh tüsho akeangyu ching tsahchoh; arünü amütsü rhimorü khah düküngloshihchoh, junangde sheshe mihbukmuyuk chingnü murholo; arü alala I ki Sodom nangde kamdo, tüsho ha ching larübo Gomorra nangde lah.

JEREMIA 23:24

Inü arü müngükhukpü thsüde sherünü ajik dangpungbo ching jikpü kukla? Atungpuhnü thachoh. Inü yinmi tüsho alomi mümi de? Atungpuhnü thachoh.

WÜHKHE 32:23

Tüshe nüsanü jude müthsüsho, mütsanang, nüsanü Atungpuh azhihde neak yihbeakdo; tüsho nüsa neaknü nüsa yimkhitbah de mütsanang.

MATHI 9:10

Jisu ju Mathi yam ching yimtsühde alachoki, ruk-threrü ahihkhüh tüsho aneakrübo arübah api le ajingyanrübo lung yimtsüh.

MATHI 9:13

Yüang tüsho ha amütsan anikhitang: Inü mihmüthsüm lunelah, tüsho laksah-a kingaünkhi yung. Tümütüsho amüsührü yungde amüneanrü jipü I arükheah.”

JOHAN 9:24

Jumonü arünü mük tuka lakhi mihtsürü ju ji tüsho api ki tha, “Thiyuro thapü Thrünpuh miki alokhiang! Ha mihtsürü aneakrü ah de isanü mükheahlah.”

JOHAN 9:31

Thrünpuhnü a aneakrü ki manijihchoh de kheakü isanü mükheahlah; tüshe khürünü ju Thrünpuh kingaünrü thsüde api lümkhi rhimosho, apinü anihbuh ki anijihchoh.

ROMRÜ KILIM PAULNÜ ATHRÜTKHI KIHÜM HUHTANYU 1:27

junangde athrürübonü aliberü kheak yakli lakhi rhimo bahbah khülangnü khülang yimachihde athrürünü athrürü kheak achihbe rhimo tüsho arü mülimkhi thülünde arünü thsümüchi leangkhi.

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.

2 PETER 2:10

adungto thsüde amüneankhi shihkünkhi ching tsahrü tüsho Thrünpuh thiyukhümsühmüh bahyukrü lah. Arübo mulong tolah tüsho müzhaklah; arünü müretahkhibo azhihde amütsü asukpü mütre,

JUDNÜ ATHRÜTKHI KIHÜM HUHTANYU 1:7

junangde, Sodom le Gomorra tüsho ju mühi kiutobonü müzammüram tüsho amülim rhimo. Arünü akheam müla mo ching thsümüchinü amütsan thsü.

1 SAMUEL 15:18

Tüsho Atungpuhnü nü athiyikhi rhimo ching yüshihde tha, ‘Yüang, amüneanrü Amalekrü shahde laksahkhamang, tüsho arübo mükheamkhamyi khiungde arü bebah keochihang.’

1 SAMUEL 2:17

Hanangde Eli tsührübo neak Atungpuh miki khide tode alakheah; tümüde arünü Atungpuh kilim kingaünkhi junode kheakrak.