THRÜNTAN 13:10 - AMÜSÜH HÜM CL Bible (BSI)

¹⁰ Lotnü zünga kheah tüsho Zoar thrippeang Jordan dükhün ju ke tsüde aduhkhi Atungpuh shahwün nangde, Ijip lomi nangde alakheah. (Ha akhuhlim Sodom tüsho Gomorra thsümünimkhi lakheah).

THRÜNTAN 13:10 Iomraidhean Croise

THRÜNTAN 11:27

Ha Tera lünkhe: Tera tsührübo Abram, Nahor, tüsho Haran. Haran tsührü Lot.

THRÜNTAN 13:11

Judüki Lotnü api thsungkheak Jordan dükhün alala mokhit tüsho aniakhiuklim hantsahmusude yü. Tüsho arü khülangnü khülang kheaknü chamachih.

THRÜNTAN 13:9

Nü mikhuh alo abümnü müla düpü? Muzhobah I kheaknü atrütang. Nü huzulim yüsho, I tsülim yübah; yungsho nü tsülim yüsho, I huzulim yübah.”

THRÜNTAN 14:2

Sodom kiulongthsüpuh Bera, Gomorra kiulongthsüpuh Birsha, Adma kiulongthsüpuh Shinab, Zeboiim kiulongthsüpuh tüsho Bela (ju Zoar) kiulongthsüpuh Shemeber bede thirithsüpü yü.

THRÜNTAN 14:8

Judüki Sodom kiulongthsüpuh, Gomorra kiulongthsüpuh, Adma kiulongthsüpuh, Zeboiim tüsho Bela (ju Zoar) kiulongthsüpuh Siddim dükhün ching thirithsüpü,

THRÜNTAN 3:6

Junangde alibenü sangaso ju atsühpü atsü, mük ki reangkeambe khülang tüsho lümlung ngüpü sangdung ngü, alibenü ju sangaso lu tüsho tsüh. Alibenü ayamkhünbuh kilim she jih tüsho apinü tsüh.

THRÜNTAN 47:6

Ijip lomi nü müngüh lah. Nü buh le nü keoniorübo lomi atsübe ching lashang; arübo Goshen lomi ching lashang. Tüsho nünü mulonglamkhi mihtsürü arü bolung mükheahsho, I yo shiwüh kurungkheak aberü thsüshang.”

THRÜNTAN 6:2

Thrünpuh tsührübonü mihtsürü tsührü liberübo jaktsüde ngü; tüsho arünü amürühkhi yamkhün thsü.

1 KIULONG THSÜRÜ 7:46

Jordan dükhün ching, Sukkoth tüsho Zarethan dükeak akhimniuhniuh lo chingnü jurübo kiulongthsüpuhnü thsü.

JOB HU H T ANYU 40:23

Ayung ching düchi yüyü she apinü mütre; Jordannü amün ki bukde yüyü she ju kümkhitde lah.

MUNGSHIKHÜN 107:34

aso asokhi lo ju akukruk lo kamshih, ju ching larü mihbukmuyukkhi hode alakheah.

ISAIA 15:5

I mulongnü Moab thsungkheak tripchoh; anihbe mihtsürü Zoar ching, Eglath-shelishiya ching tsodo. Tümüde Luhith mutuh kheak arü tripde wutuchoh; Horonaim limro ching arünü athsümünimkhi dünkheak zhichoh;

ISAIA 51:3

Tümüde Atungpuhnü Zion mulong shukheambah; apinü anihbe yo thsümünimkhi dangpungbo alala shukheambah, tüsho anihbe sunglo ju Eden nangde kamshihbah, anihbe loshelo ju Atungpuh shahwün nangde kamshihbah; asühachih tüsho asühkhi anihbe kheak labah, makshe jihkhi tüsho khün düsheak labah.

JEREMIA 48:34

Heshbon tüsho Elealenü tripchoh; arü düsheak Jahaz khiungde, Zoar chingnü Horonaim tüsho Eglath-shelishiya khiungde alanchoh. Tümüde Nimrim kebo she zhikabahdo.

EZEKIEL 16:46

Nü chi azopü ju Samaria lakheah, shepü anihbe tsührübebo lung dukulim lakhea; tüsho nü chi akheambe, anihbe tsührübe lung düjinglim lakhi ju Sodom lakheah.

EZEKIEL 16:49

Kheakü ha nü chi Sodom neak lakheah: Alibe tüsho anihbe tsührübebo bukmüke, bukchihbukhean tüsho muzhomüyi mülakhi lakheah; arünü zhochihrü tüsho müthsümülarü murung.

EZEKIEL 28:13

Nü a Thrünpuh shahwün, Eden ching lakheah; shotolungbonü nü züt thsü: shotomürüm-lung, shotolung-müküp, tüsho shihshihlung, wurüklung, lungmüsang, tüsho asherühü lung, shotolung-bluk, lungphüyak, tüsho lungmürüm; tüsho sunanü athsükhibo ju nü binpungbo tüsho nü künkihpungbo lakheah. Nü thrünkhi nimung jurübo tsanglung,

EZEKIEL 31:8

Thrünpuh wündo ching cedar ha mazhihkhuk, yungsho tsünsangnü adübeakbo marihkhuk yungsho yütosangnü adübeakbo makekhuk– Thrünpuh wündo sang tümünü ha akhamkhi marihkhuk.

EZEKIEL 31:9

Inü akhahbo suhdahde ha akhamde thsü, Thrünpuh shahwün Eden ching sangdung alala bolung asühmühkhi lah.

EZEKIEL 47:18

Aniakhiuklim ju Hauran tüsho Damaska dükeak labah; Gilead tüsho Israel lomi dükeak Jordan yeande alabah; aniakhiuklim keto tüsho Tamar khiungbah. Ha aniakhiuklim thrip labah.

JOEL 2:3

Arü müngüh mo takchoh tüsho arü dunglim motru aniuchoh. Arü müngüh alo ju Eden shahwün nangde lah, tüshe arü dunglim a athsümünim sunglo nangde lah, tüsho tümü she arü kheaknü mutsokhi.

YUZÜNGTHALO 34:3

dukulim, tüsho Jirikho jindükhünbo, ashidungbo lakhi kiutobo, Zoar khiungde.