THRÜNTAN 12:7 - AMÜSÜH HÜM CL Bible (BSI)

⁷ Judüki Atungpuhnü Abram ki akhiuk tüsho tha, “Nü tsühsoniusobo ki inü ha lo jihbah.” Tüsho apinü ju ching api ki akhiukbuh Atungpuh kilim kingaün sadam khülang thsü.

THRÜNTAN 12:7 Iomraidhean Croise

THRÜNTAN 12:8

Ju chingnü api aniyüzahlim Bethel tüsho aniakhiuklim Ai lakhi aniakhiuklim Bethel wungbo lim yü. Ju ching apinü Atungpuh kilim kingaün sadam khülang thsü tüsho Atungpuh mung ji.

THRÜNTAN 13:15

tümüde nünü angükhi lomi inü nü tüsho nü tsühsoniusobo kilim lünnü ajihbah.

THRÜNTAN 13:17

Asürang, lomi ashanglim tüsho atolim hode tsahang, tümüde inü ju nü kilim jihchoh.”

THRÜNTAN 13:18

Jumonü Abramnü api khimyam akhin, tüsho yübah Hebron ching Mamre arüngako sangbo thüninde la, tüsho Atungpuh kilim kingaün sadam khülang thsü.

THRÜNTAN 13:4

tüsho akhuhlim apinü kingaün sadam thsüpung lakheah; tüsho ju ching Abramnü Atungpuh mung jikheah.

THRÜNTAN 15:18

Ju nimung Atungpuhnü Abram kheak tangzüng khülang thsü tüsho tha, “Nü tsühsoniusobo kilim inü ha lo jihchoh, Ijip ayung chingnü Euphra ayung ato–

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 17:3

Abramnü amiro mükhümbah khukning, tüsho Thrünpuhnü api ki tha:

THRÜNTAN 17:8

Kheakü nüsa hanrü thsüde alakhi Kanan lo alala nü tüsho nü dunglim nü tsühsoniusobo kilim akheam müla yamalo thsüpü jihbah; tüsho I ju arü Thrünpuh thsübah.”

THRÜNTAN 18:1

Animuro api khimyam ripit ki binde alachoki, Mamre arüngako sangdungbo thüninde Atungpuh ju Abraham ki akhiuk.

THRÜNTAN 22:9

Judüki Thrünpuhnü api ki thakhi dangpung ching ane arü. Abrahamnü ju ching kingaün sadam khülang thsü, tüsho sang tsanglunga zo; tüsho apinü atsührü Isak rhükbah kingaün sadam kheak, sang mujung kheak yapshih.

THRÜNTAN 24:7

Atungpuh yinmi Thrünpuh, shepünü I keoniorü lomi tüsho I buh yamkhün chingnü I bea lukhea, tüsho I ki thiyuchihchimde tha, ‘Nü tsühsoniusobo kilim inü ha lomi jihbah,’ apinü nü müngüh api yunirü thiyibah tüsho nünü ju chingnü I tsührü niube lujihbah.

THRÜNTAN 26:25

Jumonü apinü ju ching kingaün sadam khülang thsü tüsho Atungpuh mung ji, tüsho apinü ju ching anihbuh khimyam thsü; tüsho Isak yamlarübonü ju ching kekhip khülang kiu.

THRÜNTAN 26:3

Ha lomi ching lacholang, tüsho I nü lung labah tüsho nü müngühjihbah; tümüde inü nü le nü tsühsoniusobo kilim harü lobo alala jihbah, tüsho nü buh Abraham ki thiyuchihchimkhi dünjishihbah.

THRÜNTAN 28:13

Tüsho kheahang, ju kumung Atungpuh zhip tüsho tha: “I nü buh Abraham tüsho Isak Thrünpuh Atungpuh ah; nü yapkhi lo inü nü tüsho nü tsühsoniusobo kilim jihbah.

THRÜNTAN 28:4

tüsho nü le nü tsühsoniusobo kilim Abraham müngühmühi jihchoh, junangde Thrünpuhnü Abraham kilim jihkhi, nüsa khiungkerü thsüde alakhi lomi nüsa kilim jihbah.”

THRÜNTAN 32:30

Jakobnü ju dangpung mung Peniel de ji: “Tümüde inü mironü miro Thrünpuh ngüdo, tüshe I rhangdung aninga lah.”

THRÜNTAN 33:20

Ju ching apinü kingaün sadam khülang thsü tüsho El Elohe Israel de ji.

THRÜNTAN 35:12

Inü Abraham tüsho Isak jihkhi lo nü kilim jihchoh; tüsho nü dunglim nü tsühsoniusobo kilim inü ha lo jihchoh.”

THRÜNTAN 35:7

Apinü ju ching kingaün sadam khülang thsü tüsho ju dangpung ki El Bethel de ji, tümütüsho api akhiung kheaknü atsochoki ju ching Thrünpuh api ki akhiuk.

THRÜNTAN 50:24

Tüsho Josepnü api keoniorübo ki tha, “I shechoh; tüshe Thrünpuhnü tsükjide nüsa rhua kheahbah, tüsho ha lomi chingnü bekhitde apinü Abraham, Isak tüsho Jakob ki thiyuchihchimkhi lomi ching yübah.”

THRÜNTAN 8:20

Judüki Noanü Atungpuh kilim kingaün sadam khülang thsü, tüsho amüsüh shiwüh le amüsüh wuhnu aban lubah kingaün sadam kheak taka kingaün jih.

2 SAMUEL 24:25

Davidnü ju kheak Atungpuh kilim kingaün sadam thsü, tüsho taka kingaünkhi le mungtsü kingaünbo jih. Jumonü apinü lomi thsungkheak tamkhüntamnükhi Atungpuhnü alojih, tüsho arüm ju Israel chingnü tukloabah.

1 KIULONG THSÜRÜ 18:32

Atungpuh mung ching apinü lungbonü kingaün sadam thsü. Apinü ju mükamde ke pungdüchi 14 yüzahpü thsüde atonü wungkeru kiu.

1 KIUTHSÜYUKHEAN 16:16

apinü Abraham ki tangzüngkhi, apinü Isak ki thiyuchihchimkhi,

1 KIUTHSÜYUKHEAN 16:18

tha, “Inü nü kilim Kanan lo yamrüplurüp thsungkheak nü shihcham jihbah.”

2 KIUTHSÜYUKHEAN 20:11

nünü isa kilim yamrüplurüp jihkhi nü yo alakukruk chingnü isa yankhitde athrihloshih.

2 KIUTHSÜYUKHEAN 20:7

O isa Thrünpuh, nünü ha lomi ching larü nü mihtsürü Israel müngühnü yankhit, tüsho ju nü müyambuh Abraham tsühsoniusobo kilim lün thsungkheak jihkhi yung de?

EZRA 3:2

Jushu Jozadak tsührü Jeshua buhtsührü amükeamrübo, tüsho Shealtiel tsührü Zerubbabel, api keoniorübo de nungbah Thrünpuh mihtsürü Mosa yakzan hüm ching thrüta lakhi yande Israel Thrünpuh kilim taka kingaünpü arüngyam thsülo.

ABEKHIT 17:15

Tüsho Mosanü kingaün sadam khülang thsübah amung ji, Atungpuh ju I yo riphin.

ABEKHIT 24:4

Mosanü ATUNGPUH yu alala thrüt. Tüsho apinü yapsu mükikde asürübah müzüng jing kheak kingaün sadam khülang thsü, tüsho Israel trük thürükheak mahne ayannü dungjing thürükheak mahne khim.

ABEKHIT 32:13

Nü yamlarübo Abraham, Isak, tüsho Jakob lümkhitang, sherü ki nünü thiyuchihchimde tha, ‘Inü nüsa tsühsoniusobo thüning ching chiningbo nangde abushihbah; inü alokhikhi alala nüsa tsühsoniuso kilim jihbah, tüsho arünü ju lünnü yamrüplurüp lubah.’”

ABEKHIT 33:1

Atungpuhnü Mosa ki tha, “Nü tüsho nünü Ijip lomi chingnü bekhitkhi mihtsürübo ha dangpung chingnü chamachihang, tüsho inü Abraham, Isak, Jakob tüsho arü tsühsoniusobo jihpü alokhikhi lomi ching yüang.

ABEKHIT 6:3

Inü Abraham, Isak tüsho Jakob ki Wuto Thrünpuh ah de akhiuka huh, tüshe inü arü ki I mung Atungpuh de mümükheahshihde alakheah.

ABEKHIT 6:4

Arü hanrü thsüde alakhi Kanan lomi ju inü arü kilim jihpü tangzüng thsü.

JEREMIA 3:18

Judüki Juda yamkhünnü Israel yamkhün lung arihbah, tüsho arü rukhühnü inü nüsa jipürü kilim yamrüplurüp jihkhi lo lim dukulim lomi chingnü arübah.

WÜHKHE 26:53

Alo ju arü wühkhe ayannü yamrüplurüp thsüde mülüjihkheah.

WÜHKHE 32:11

‘ Tsükjide Ijip chingnü aturü, kam mukunü akumung shenü she inü Abraham, Isak, tüsho Jakob ki thiyuchihchimkhi lo müngü, tümütüsho arü mulong athrünkhinü I müyan.

YUNIRÜBO RHIMO 7:5

tüsho apinü ju ching anihbuh kilim amüphü dubopü lang she yamrüplurüp müjih. Tüshe Abraham tsührü mülaa lalashe, apinü anihbuh le adunglim api tsühsoniusobo kilim yamalo jihpü alokhi.

ROMRÜ KILIM PAULNÜ ATHRÜTKHI KIHÜM HUHTANYU 9:8

Ha amütsan ju Thrünpuh tsührübo a alomi shih tsührübo yung, tüshe alokhikhi tsührübo ju tsühsoniusobo khelah.

GALATIA 3:16

Kheakü Abraham ki alokhikhibo thsü. Ahihkhüh ki thade, “Tüsho nü müjihbo,” de mütha; tüshe khülang ki, “Tüsho nü müjih,” de Khrista ki thalah.

GALATIA 4:28

Kheakü keoniorübo, Isak nangde nüsa ju alokhikhi tsührübo ah.

YUZÜNGTHALO 1:8

Kheahang, inü nüsa müngüh alo zojihlah; Atungpuhnü nüsa bebuhrübo– Abraham, Isak tüsho Jakob tüsho arü dunglim tsührübo kilim jihkhi lo ching yüzahbah mükühang.”

YUZÜNGTHALO 30:20

junangde nünü Atungpuh nü Thrünpuh muzhode api yu anibah, tüsho nünü api kheak müripbah, tümüde api ju nü rhangdung tüsho nü kutsüp; tüsho Atungpuhnü nüsa jipürü, Abraham, Isak tüsho Jakob arü kilim jihpü thiyuchihchimkhi lo ching nü labah.”

YUZÜNGTHALO 34:4

Tüsho Atungpuhnü api ki tha, “Ha lo ha inü Abraham, Isak tüsho Jakob jihpü alokhikhi, hade tha, ‘Inü ha nü tsühsoniusobo kilim jihbah.’ Inü ju nü müknü ngüshihdo, tüshe nünü ju hode müyü.”

YUZÜNGTHALO 6:10

“Tüsho hanangde alabah, Küyimki Atungpuh nüsa Thrünpuhnü nüsa bebuhrü Abraham, Isak, tüsho Jakob ki nüsa ki tode ajihpü thiyuchihchimkhi tüsho nüsanü amüthsükhi akheahakham kiutobo ching bebah arübanü,

YUZÜNGTHALO 9:5

Ha nüsa thiyuro lamo yungsho mulong alungki lamonü nüsa arü lo mükühde ayükhi yung, tüshe harü trükshih khide mütsükhi hode Atungpuh nüsa Thrünpuhnü arübo nüsa müngühnü yankhita bahchoh, junangde Atungpuhnü nüsa jipürübo Abraham, Isak, tüsho Jakob ki thiyuchihchimkhi dünjibah.

IBRI 11:13

Harü mihtsürü alala akin ching lade she. Alokhia lakhi arünü müleangkhi; arünü limshu chingnü lang ngü tüsho leangkhi. Tüsho arübo alomi kheak khiungkerü tüsho hanrü ah de mütsan.

IBRI 11:8

Akin hode Abrahamnü apinü yamrüplurüp lupü dangpung ching yüpü jichoki mihyuani; tüsho apinü küching yübeanü mümükheahde wukhiuk.

JIHUSUA 1:6

Reangzahang tüsho mulong ato thsang, tümüde arü jipürü ki alokhikhi nangde ha lomi mükühchoki nü harü limberü thsübah.

JIHUSUA 22:10

Küyimki Reuben, Gad tüsho Manase trük chamkhüh Kanan mükeak ching lakhi Jordan ke yean arükheanü arünü sadam ato khülang thsü.

JIHUSUA 8:30

Tüsho Jihusuanü Ebal wung ching Atungpuh Israel Thrünpuh kilim kingaün sadam khülang thsü.

MAHKHAPRÜ 6:24

Jumonü Gideonnü ju ching Atungpuh kilim kingaün sadam khülang thsü, tüsho ju ki, “Atungpuh ju mungtsü” de ji. Khihni khiungde ha Abiezerrü yo Ophra ching lah.

1 SAMUEL 7:17

Tüsho apinü Rama lim alode arü, tümüde ju ching api yam lakheah; apinü ju ching she Israel kheak mahkhap, tüsho Atungpuh kilim kingaün sadam thsü.