THRÜNTAN 12:6 - AMÜSÜH HÜM CL Bible (BSI)

⁶ Abramnü Shekem ching More sangdung ato lapung khiungde lomi hode hantsah. Ju kim ching Kananrübo lomi ching lakheah.

THRÜNTAN 12:6 Iomraidhean Croise

THRÜNTAN 10:15

Kanan tsührü adüjibuh Sidon, tüsho Heth;

THRÜNTAN 13:7

Tüsho Abram shiwüh le Lot shiwüh kheahrü dükeak alanaji akhiuk. Ju kim ching Kananrü le Perizrü she lomi ching lakheah.

THRÜNTAN 33:18

Tüsho Jakobnü api limro Paddan-aram chingnü Kanan lomi ching lakhi Shekem kiuto ching tsüde arü; tüsho apinü kiuto müngüh bin.

THRÜNTAN 34:2

Tüsho küyimki lomi yakzanshuhbuh Hivrü Hamor tsührü Shekemnü alibe ngükhea, apinü anihbe bea lubah amütsü thsü tüsho alibe thsümünim.

THRÜNTAN 34:30

Judüki Jakobnü Simeon le Levi ki tha, “Nükenü lomi ching larü Kananrü le Perizrü bolung I athraneanbe kamshihde I kheak küpkhuk hande arüdo; tümütüsho I wühkhe nüklah, arünü rukhüh mukhungbah I azhihbah tüsho I laksahbah.”

THRÜNTAN 35:4

Jumonü arünü arü khah ching lakhi khiungkerü thrünpuhbo alala tüsho arü nuku ching lakhi nüpübo alala Jakob kilim jih; tüsho Jakobnü jurü Shekem ching thülamdung khüp ramabah.

1 KIULONG THSÜRÜ 12:1

Rehoboamnü Shekem ching yü, tümüde Israel alala api kiulongthsürü thsüshihpü Shekem ching arü.

1 KIULONG THSÜRÜ 12:25

Judüki Jeroboamnü Ephraim awung lomi ching Shekem chipi ayün, tüsho ju ching la; api ju chingnü wukhiukbah Penuel ching chipi ayün.

MUNGSHIKHÜN 60:6

Thrünpuhnü api arüngakopungnü tha, “Inü asühbah; inü Shekem chamnakbah tüsho Sukkoth jindükhün akebah.

HOSEA 6:9

Jangkhijangrarünü khürü jimde aleangkhi nangde, amükeamrü boto lah; arünü Shekem limro kheak laksahchoh, arünü mütsüdakkhi athsümünim rhimochoh.

JOHAN 4:5

Jumonü Jakobnü atsührü Josep jihkhi lo phüni Samaria kiuto Saikar de ajikhi ching apinü arü.

YUNIRÜBO RHIMO 7:16

Tüsho arübo Shekem lim hanlode arü tüsho Abrahamnü Shekem abuh Hamor ki shonü athulokhi kiuyuk ching bah.

YUZÜNGTHALO 11:30

Jurübo Jordan hobah, aniyüzahlim peang Araba ching lakhi Kananrü lo ching Gilgal phünide, More thülamsang yean lah yung de?

IBRI 11:9

Akin hode apinü alokhikhi, khiungkerü lomi ching api ki ju rukhüh alokhikhi yamrüplurüp lurü Isak le Jakob büne lungnü khimyam ching la.

JIHUSUA 20:7

Jumonü arünü Naphtali awung lomi ching Galilee ching lakhi Kadesh mokhit; Ephraim awung lomi ching Shekem mokhit; tüsho Juda awung lomi ching Kiriath-arba (ju Hebron) mokhit.

JIHUSUA 24:32

Josep robo Israelrünü Ijip chingnü handarükhi ju, Jakobnü Shekem abuh Hamor tsührübo kheak shotoyinchi 100 jihbah athulokhi lo ching kiuyukabah; ju Josep tsührü yamrüplurüp kamabah.

MAHKHAPRÜ 7:1

Judüki Jerubbaal (ju Gideon) tüsho api lung lakhi mihtsürü alala mükikde asürü tüsho Harod kenü ki binkheam. Midiarü binkheampung ju dukulim jindükhün ching More wung phünide alakheah.

MAHKHAPRÜ 9:1

Kheakü Jerubbaal tsührü Abimelek ju abe keoniorü kilim yü tüsho abe guk yamkhün alala ki tha,