THRÜNTAN 12:3 - AMÜSÜH HÜM CL Bible (BSI)

³ Shepünü nü müngühjihchonü inü müngühjihbah, tüsho shepünü nü athruchonü inü muthrumüneanbah; tüsho nü lung alomi yamkhün alala müngühjihbah.”

THRÜNTAN 12:3 Iomraidhean Croise

THRÜNTAN 18:18

Tümütüsho tsükjide Abraham ato tüsho sühmüh lakhi trükshih khülang kambah, tüsho lomi trükshih alala api kheaknü müngühmühibah.

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

THRÜNTAN 22:18

Nü müjih ching alomi trükshih alala müngühmühibah, tümütüsho nünü I ki mihyuanido.”

THRÜNTAN 24:35

Atungpuhnü I putungrü tode müngühjihdo, tüsho alarü kamdo; tüsho apinü anihbuh kilim mihnu boto le moshibo, shotoyinchi le suna, athrürü tüsho aliberü yamlarübo, tüsho kemelbo le donkibo jihdo.

THRÜNTAN 25:11

Abraham she dunglim, Thrünpuhnü atsührü Isak müngühjih. Tüsho Isak ju Beer-lahai-roi ching lakheah.

THRÜNTAN 26:29

jude thsüsho lang isanü nü kheak müqiude atsü rhimobah mungtsü ching thiyia tsoshihkhi nangde nünü isa ki amütsü müthsüde alabah. Nü a kheakü Atungpuhnü müngühjih-a lah.”

THRÜNTAN 26:4

Tüsho inü nü tsühsoniusobo ju thüning ching chiningbo nangde abushihbah; inü nü tsühsoniusobo kilim harü lobo alala jihbah; tüsho nü müjih ching alomi trükshih alala müngühmühibah;

THRÜNTAN 27:29

Mihtsürübonü nü tankihshang, tüsho trükshihbonü nü ki mükhümshang. Nü keoniorü alala kurungkheak aputungrü thsang, tüsho nü be tsührübonü nü ki mükhümshang. Nü athrurü muthrumüneanshang, tüsho nü müngühjihrü müngühshang!”

THRÜNTAN 28:14

Nü tsühsoniusobo alo asungthulung nangde alabah; nü aniyüzahlim tüsho aniakhiuklim, dukulim tüsho düjinglim bude ayübah; tüsho nü le nü müjih ching alomi yamkhün alala müngühmühibah.

THRÜNTAN 30:27

Tüsho Labannü api ki tha, “I nü miki tsüde ngüa lasho, muzhobah binloang, tümüde nü thsülimnü Atungpuhnü I müngühjihdo de akin hode inü anikhitdo.”

THRÜNTAN 30:30

Tümüde I marüyichoki nü anikhüh lakheah, tüshe kheakü ahihkhüh kamdo; I arü shunü Atungpuhnü nü müngühjihdo. Tüsho kheakü, I yamkhün thsungkheak inü küyimki rhimoba?”

THRÜNTAN 39:5

Jumonü apinü api yam tüsho api lakhi alala kheahrü kamshihkhi kim chingnü Josep thsülimnü Atungpuhnü Ijipbuh yamkhün müngühjih; tüsho Atungpuh müngühmühi ju api yam ching alala tüsho thulu ching lakheah.

MUNGSHIKHÜN 72:17

Api mung lünnü alabah; ani la khiungde api mung mutuklode alabah. Tüsho mihtsürübo api lung müngühmühibah; trükshih alalanü api ki müngühmühi de ajibah.

ABEKHIT 23:22

Tüshe nüsanü api düsheak anisho tüsho inü asukkhi alala rhimosho, nüsa riri ki I thiriri thsübah tüsho nüsa azhihrü ki azhihrü thsübah.

WÜHKHE 24:9

Kekhüzü nangde arünü khukningchoh, tüsho zuh-a yapchoh, kekhüzü dreto nangde shepünü arü yihmusukhukpü? Shepünü nü müngühjihbanü müngühmühi, tüsho shepünü athrubanü athrubah.”

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

MATHI 25:45

Apinü arü ki alode athabah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak mürhimokheanü, nüsanü I thsungkheak mürhimo.’

LUKNÜ ATHRÜTKHI THIYUSHEAK-ATSÜ HUHTANYU 24:27

Tüsho Mosa le wukihrübo kheaknü tankihbah amüsühyu alala ching anihbuh dünkheak ane ki thanaka huh.

ROMRÜ KILIM PAULNÜ ATHRÜTKHI KIHÜM HUHTANYU 4:11

Apinü tsütabahkhi ju api tsütamübahyichoki akin hode alakhi thiyuro-lungki amütsan yungsho mütsanyüm khülang nangde leangkhi. Jumonü api ju tsütamübahde akinrü alala abuh ah, junangde arü ki thiyurolungki khejihbah.

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

GALATIA 3:16

Kheakü Abraham ki alokhikhibo thsü. Ahihkhüh ki thade, “Tüsho nü müjihbo,” de mütha; tüshe khülang ki, “Tüsho nü müjih,” de Khrista ki thalah.

GALATIA 3:28

Jumonü Jihudarü yungsho Greek, azhorü yungsho zuzu, athrürü yungsho aliberü dükeak tümü büthsüde müla; tümüde nüsa alala Jisu Khrista ching khülang ah.

GALATIA 3:8

Thrünpuhnü akin hode khiungkerü alim kamshihbah de amüsühyunü müchit, tüsho amüngühnü thiyusheak-atsü Abraham ki mükheahshih: “Trükshih alala nü hode müngühmühibah.”

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

KOLOSI 3:11

Ha ching Greek tüsho Jehudarü, tsütabahkhi tüsho tsütamübahkhi, yakzan mülakhi mihtsürü, yakli mümükheahrü, azhorü tüsho zuzu de müla, tüshe Khrista ju alala, tüsho alala ching lah.

AMIKHEAKAKHIUKKHI 7:9

Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,