THRÜNTAN 12:2 - AMÜSÜH HÜM CL Bible (BSI)

² Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

THRÜNTAN 12:2 Iomraidhean Croise

THRÜNTAN 13:16

Tüsho inü nü tsühsoniusobo asungthulung nangde akamshihbah; junangde khürünü asungthulung khekhuksho nü tsühsoniusobo she akhekhukbah.

THRÜNTAN 15:5

Apinü anihbuh wungdo ching bekhit tüsho tha, “Thüning lim kheahang, tüsho chiningbo nünü khekhamkhuksho kheang.” Tüsho apinü anihbuh ki tha, “Junangde nü tsühsoniusobo labah.”

THRÜNTAN 17:20

Tüsho Ishmael thsungkheak inü nü ki sojihdo. Kheahang, inü api müngühjihdo, tüsho api aso asoshihbah, tüsho hihdakde api wüh bushihbah. Api kheaknü yakzanshuhrü 12 trükkhitbah; tüsho inü api trükshih ato khülang kamshihbah.

THRÜNTAN 18:18

Tümütüsho tsükjide Abraham ato tüsho sühmüh lakhi trükshih khülang kambah, tüsho lomi trükshih alala api kheaknü müngühmühibah.

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

THRÜNTAN 19:29

Junangde küyimki Thrünpuhnü adükhün kiutobo alala thsümünimkheanü, apinü Abraham, tüsho kiutobo yüngthrümkhi chingnü abekhitkhi Lot lümkhit.

THRÜNTAN 24:1

Kheakü Abraham zoban a ashinbuhrü lakheah, tüsho Atungpuhnü lüpdükhi ching Abraham müngühjih.

THRÜNTAN 24:35

Atungpuhnü I putungrü tode müngühjihdo, tüsho alarü kamdo; tüsho apinü anihbuh kilim mihnu boto le moshibo, shotoyinchi le suna, athrürü tüsho aliberü yamlarübo, tüsho kemelbo le donkibo jihdo.

THRÜNTAN 25:11

Abraham she dunglim, Thrünpuhnü atsührü Isak müngühjih. Tüsho Isak ju Beer-lahai-roi ching lakheah.

THRÜNTAN 26:3

Ha lomi ching lacholang, tüsho I nü lung labah tüsho nü müngühjihbah; tümüde inü nü le nü tsühsoniusobo kilim harü lobo alala jihbah, tüsho nü buh Abraham ki thiyuchihchimkhi dünjishihbah.

THRÜNTAN 26:4

Tüsho inü nü tsühsoniusobo ju thüning ching chiningbo nangde abushihbah; inü nü tsühsoniusobo kilim harü lobo alala jihbah; tüsho nü müjih ching alomi trükshih alala müngühmühibah;

THRÜNTAN 27:29

Mihtsürübonü nü tankihshang, tüsho trükshihbonü nü ki mükhümshang. Nü keoniorü alala kurungkheak aputungrü thsang, tüsho nü be tsührübonü nü ki mükhümshang. Nü athrurü muthrumüneanshang, tüsho nü müngühjihrü müngühshang!”

THRÜNTAN 28:14

Nü tsühsoniusobo alo asungthulung nangde alabah; nü aniyüzahlim tüsho aniakhiuklim, dukulim tüsho düjinglim bude ayübah; tüsho nü le nü müjih ching alomi yamkhün alala müngühmühibah.

THRÜNTAN 35:11

Kheaküshe Thrünpuhnü api ki tha: “I Wuto Thrünpuh. Aso asoang tüsho wüh buang; trükshihbo nü kheaknü akhiukbah tüsho nü pang chingnü kiulongthsürübo arübah.

THRÜNTAN 46:3

Tüsho apinü tha, “I a Thrünpuh, nü buh Thrünpuh ah; Ijip lim yükipü dütre, tümüde inü nü ju ching trükshih ato khülang kamshihbah.

2 SAMUEL 7:9

tüsho nü kürü ching yükheanü I nü lung lakheah, tüsho nü müngüh lakhi thiriri alala tsoshih; tüsho alomi kheak mung ato lakhibo nangde inü nü mung ato kamshih.

1 KIULONG THSÜRÜ 1:47

Kheaküshe kiulongthsüpuh yamlarübonü isa tungpuh kiulongthsüpuh David ki makshe jihpü arübah tha, ‘ Thrünpuhnü nü kheaknü Solomon alü mungthushang, tüsho nü kiulongthsü-binkiu kheaknü api kiulongthsü-binkiu atobe kamshang.’ Kiulongthsüpuhnü yapkiu kheak mükhümde kingaün

JOB HU H T ANYU 35:8

Nü mihbukmuyukkhinü nü nangde püpürü rheakchoh, tüsho nünü atsü rhimokhinü api rungchoh.

MUNGSHIKHÜN 107:38

Apinü arü müngühjih, tüsho arü tode wüh bu; tüsho apinü arü moshi münungzüshih.

ABEKHIT 1:7

Tüshe Israelrü wüh bude hihdakde khide sühmüh lade arünü alomi mide kam.

ABEKHIT 32:10

Kheakü jumonü, arü azhihde I bukakhiukde arü dükheakshihpü I langzü zojang. Tüsho inü nü trükshih ato khülang kamshihbah.”

ISAIA 51:2

Nü buh Abraham tüsho nü zübebe Sara kilim kheahang; tümüde inü api zangrü jikheah, tüshe inü api müngühjih tüsho api hihde kamshih.

EZEKIEL 34:26

Inü arü le I wung mükamde müngühjihbah. Inü akheahmünchi ching tsüng akishihbah; ju ching müngühmühi tsüng labah.

MIKA 7:20

Nünü awün nimungbo ching isa jipürü ki thiyuchihchimkhi nangde Jakob ki thiyuro tüsho Abraham ki mihmüthsüm huhbah.

ZEKARIA 8:13

Nüsa trükshih bolung muthrumüneankhi lakhi nangde, O Juda tüsho Israel yamkhün, junangde inü nüsa khümkhitbah tüsho nüsa müngühmühi labah. Dütre, tüshe nüsa khahbo mürangde laang.

WÜHKHE 14:12

Inü arü ashebe tukthsünü ashikbah tüsho arü yamrüplurüp mulushih, tüshe inü nü arü kheaknü trük ato tüsho amürangbe kamshihbah.”

WÜHKHE 22:12

Tüshe Thrünpuhnü Balaam ki tha, “Nü arü lung müyü, nünü mihtsürübo mathruaji, tümüde arübo inü müngühjihdo.”

WÜHKHE 23:20

Müngühjihpü yukhüm inü leangkhido; apinü müngühjihdo tüsho inü ju mümüthrikhuk.

ROMRÜ KILIM PAULNÜ ATHRÜTKHI KIHÜM HUHTANYU 4:11

Apinü tsütabahkhi ju api tsütamübahyichoki akin hode alakhi thiyuro-lungki amütsan yungsho mütsanyüm khülang nangde leangkhi. Jumonü api ju tsütamübahde akinrü alala abuh ah, junangde arü ki thiyurolungki khejihbah.

GALATIA 3:14

Abraham kilim jihkhi müngühmühi Jisu Khrista hode khiungkerü kheak arüpü thsüde apinü isa rhokhit, junangde akin hode isanü Menü alokhikhi leangkhibah.

GALATIA 3:7

Jumonü sherünü kinchonü Abraham tsührübo ah de mükheahang.

YUZÜNGTHALO 26:5

Tüsho nünü Atungpuh nü Thrünpuh miki thabah: ‘Rümde atsahrü Aramrü ju I buh lakheah; tüsho api wühkhe nükde Ijip ching tsode yünü la; tüsho ju ching api trük ato, sühmüh lakhi tüsho wüh hihde kam.