THRÜNTAN 12:16 - AMÜSÜH HÜM CL Bible (BSI)

¹⁶ Apinü alibe dünkheaknü Abram ki tsüde rhimo tüsho api kilim namfimihnubo tüsho mihnubo, moshi, donkibo, azhorübo, tüsho kemelbo jih.

THRÜNTAN 12:16 Iomraidhean Croise

THRÜNTAN 13:2

Abram ju akam-shiwüh, shotoyinchi tüsho suna ching khide alarü lakheah.

THRÜNTAN 13:6

Kheakü arü rukhüh lapü thsüde alopung musuhdah, tümütüsho arü lakhit-kukruk ato lakheah.

THRÜNTAN 16:1

Kheakü, Abram niube Sarainü api kilim tsührü müzübejih. Tüsho anihbe Ijip yamlaberü amung Hagar lakheah.

THRÜNTAN 20:14

Judüki Abimeleknü namfimihnu, moshipungbo, tüsho athrürü le aliberü yamlarübo Abraham kilim jih; tüsho apinü aniube Sara anihbuh kilim jihlo.

THRÜNTAN 24:35

Atungpuhnü I putungrü tode müngühjihdo, tüsho alarü kamdo; tüsho apinü anihbuh kilim mihnu boto le moshibo, shotoyinchi le suna, athrürü tüsho aliberü yamlarübo, tüsho kemelbo le donkibo jihdo.

THRÜNTAN 26:14

Api mihnu boto le moshi boto tüsho yamlarübo khide hihde alakhinü Filistiarünü api kheak mükthsü.

THRÜNTAN 30:43

Hanangde Jakob ju khide lalim tsüde kam tüsho mihnu boto ato, athrürü tüsho aliberü yamlarübo, tüsho kemelbo le donkibo lakheah.

THRÜNTAN 32:5

I moshipungbo, donkibo, mihnu boto, tüsho athrürü le aliberü yamlarübo lah; tüsho nü miki I amuzho ngüshihpü inü I tungpuh ki thapü arüshihchoh.”’”

JOB HU H T ANYU 1:3

Api namfimihnu 7000, kemel 3000, sangkaplak kihkhi moshipung dudu 500, donki 500, tüsho yamlarü ahihdo lakheah; junangde ha mihtsürü aniakhiuklim mihtsürü alala lung aladreto lakheah.

JOB HU H T ANYU 42:12

Atungpuhnü Job ahokhi nimungbo kheaknü alü thsüde ashube nimungbo müngühjih; tüsho api namfimihnu 14,000, kemel 6000, moshipung dudu 1000, tüsho donki 1000.

LUKNÜ ATHRÜTKHI THIYUSHEAK-ATSÜ HUHTANYU 12:45

Tüshe yamlarünü mulong ching, ‘I putungrü arüpü ruhde lah,’ de thasho, tüsho yamlarübo le yamlaberübo shikpü tüsho tsühyungde amüshangpü tankihsho,