THRÜNTAN 12:10 - AMÜSÜH HÜM CL Bible (BSI)

¹⁰ Kheakü lomi ching khümzung lakheah, tüsho Abramnü Ijip ching lacholapü yüki, tümüde lomi ching khümzung ju muthsukdakde alakheah.

THRÜNTAN 12:10 Iomraidhean Croise

THRÜNTAN 41:56

Khümzung ju alomi alala ching lakheah, tüsho Josepnü jakambo alala khimshuh tüsho Ijiprübo ki yinjih. Tüsho khümzung ju Ijip lomi ching muthsukde kam.

THRÜNTAN 41:57

Jumonü alomi alalanü hi thulopü Ijip ching Josep kilim arü, tümütüsho khümzung ju lomi alala ching muthsukde alakheah.

THRÜNTAN 42:5

Tüsho Israel tsührübonü hantsahrü bolungnü hi thulopü yü, tümüde Kanan lomi ching khümzung lakheah.

THRÜNTAN 43:1

Kheakü lomi ching khümzung ju muthsukde alakheah.

THRÜNTAN 47:13

Kheakü lomi alala ching tsühyungbe mülade alakheah; tümüde khümzung ju khide muthsukde la, junangde Ijip tüsho Kanan lomi alala khümzung hode yiuhyiuhde kam.

2 SAMUEL 21:1

Kheakü David nimungbo ching kam atukde kam mahsam khümzung lakheah; tüsho Davidnü Atungpuh ki keoakheah. Atungpuhnü tha, “Saul tüsho api yamkhün kheak thiyih bukkhi amülim lah, tümütüsho Gibeonrü sheshih.”

2 KIULONG THSÜRÜ 4:38

Küyimki Elisha Gilgal lim alode yükhea, lomi ching khümzung lakheah. Wukihrü bokhüh api müngüh binde alachoki, apinü ayamlarü ki tha, “Phüh ato khülang dükihang, tüsho wukihrü bokhüh khilim awo kelamang.”

2 KIULONG THSÜRÜ 6:25

Ayankhi hode Samaria ching khümzung arü, junangde donki ku ju shotoyinchi 8 tüsho guduru khih düpüt 200 mo shotoyinchi 5nü yin.

MUNGSHIKHÜN 105:13

Küyimki arü trükshih khülang chingnü püpü lim, kiulongthsü khülang chingnü püpü mihtsürü kilim yükhea,

MUNGSHIKHÜN 107:34

aso asokhi lo ju akukruk lo kamshih, ju ching larü mihbukmuyukkhi hode alakheah.

MUNGSHIKHÜN 34:19

Thiyuro-lungkirü küpkhuk hihde lah, tüshe Atungpuhnü jurü alala chingnü api bekhitchoh.

JEREMIA 14:1

Akungkhi dünkheak Atungpuh yu Jeremia kilim arü:

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

YUNIRÜBO RHIMO 14:22

Arünü akinrübo me düküngshih, akin ching thiyuro lapü tuthsuk, tüsho thsümütsü ahihdo hode isanü Thrünpuh kiulongthsü ching yüzahbeah de tha.

YUNIRÜBO RHIMO 7:11

Kheakü Ijip tüsho Kanan alala ching khümzung tüsho küpkhuk ato arüchoki isa jipürübo tsühyungbe müngüde alakheah.

RUTH 1:1

Mahkhaprübonü yakzan shuhde alachoki lomi ching khümzung lakheah, tüsho Juda ching Bethlehem mihtsürü khülang Moab lomi ching, aniube tüsho tsührü athrürü mahne bebah tsode yünü la.