THRÜNTAN 12:1 - AMÜSÜH HÜM CL Bible (BSI)

¹ Kheakü Atungpuhnü Abram ki tha, “Nüsa mihtsürü tüsho nü buh yamkhün nüsa lomi bahjihbah inü nü ki huhpü lakhi lomi ching yüang.

THRÜNTAN 12:1 Iomraidhean Croise

THRÜNTAN 15:7

Judüki Atungpuhnü api ki tha, “I ha lomi nü kilim jih-a yamrüplurüp lushihpü Kaldea ching lakhi Ur chingnü nü bekhitbuh Atungpuh ah.”

THRÜNTAN 20:13

Tüsho küyimki I buh yam chingnü I Thrünpuhnü I tsahkhitshihkhea, inü alibe ki tha, ‘Nünü ha I ki amuzho huhang: isa yükhi dangpung aban ching, “Api I khiung ah” de thaang.’”

THRÜNTAN 24:38

tüshe nünü I buh yamkhün tüsho keoniorü kilim yüang tüsho I tsührü niube lujang.’

THRÜNTAN 24:4

tüshe nünü I lomi tüsho I keoniorü kilim yüang tüsho I tsührü Isak niube lujang.”

THRÜNTAN 24:7

Atungpuh yinmi Thrünpuh, shepünü I keoniorü lomi tüsho I buh yamkhün chingnü I bea lukhea, tüsho I ki thiyuchihchimde tha, ‘Nü tsühsoniusobo kilim inü ha lomi jihbah,’ apinü nü müngüh api yunirü thiyibah tüsho nünü ju chingnü I tsührü niube lujihbah.

THRÜNTAN 26:2

Judüki Atungpuh api ki akhiuk tüsho tha, “Ijip lim düyüki; inü nü ki thapü lakhi lomi ching laang.

NEHEMIA 9:7

Nü, Atungpuh Thrünpuhnü Abram mokhit tüsho Babilon lomi Ur chingnü bekhit; nünü api mung Abraham de müthrijih.

ISAIA 37:12

I müngührünü athsümünimkhi trükshihbo, Gozan, Haran, Rezeph, tüsho Telassar ching lakhi Eden mihtsürübo, arü thrünpuhbonü bekhitdo de?

ISAIA 41:9

nü shepü inü alomi akheam chingnü alukhea, tüsho limshu amühit chingnü ajikhea, nü ki tha, “ Nü I yamlarü, inü nü mokhitdo tüsho nü mübahjih”;

ISAIA 51:2

Nü buh Abraham tüsho nü zübebe Sara kilim kheahang; tümüde inü api zangrü jikheah, tüshe inü api müngühjih tüsho api hihde kamshih.

EZEKIEL 33:24

Mihtsürü tsührü, ha abahkhi Israel lomi ching larünü thade lah, “Abraham ju mihtsürü khülang lang alakheah, tütüshe api a alo yamrüplurüp lu; tüshe isa hihlah; tsükjide müküh-a lupü isa kilim yamalo jih-a lah.”

WÜHKHE 10:30

Hobabnü alo, “ I a müyü; tüshe I lomi tüsho I mihtsürü kilim alode ayübah.”

2 KORINT 6:17

Jumonü arü kheaknü akhiukang, tüsho arü kheaknü chamkhiang, Atungpuhnü thachoh, tüsho amümüsüh tümü düqiu; tüsho inü nüsa leangkhibah,

IBRI 11:8

Akin hode Abrahamnü apinü yamrüplurüp lupü dangpung ching yüpü jichoki mihyuani; tüsho apinü küching yübeanü mümükheahde wukhiuk.

AMIKHEAKAKHIUKKHI 18:4

Judüki yinmi chingnü düsheak püpü thakhi inü so, “Alibe kinü akhiukang, I mihtsürü, jude yungsho nüsanü anihbe neakbo ching shihcham lubah, jude yungsho nüsanü anihbe arümbo ching shihcham lubah;